РАДИО ДАВТАМЖ АШИГЛАХ ТУСГАЙ ЗӨВШӨӨРӨЛ ШИНЭЭР АВАХ ХҮСЭЛТ ГАРГАГЧ:
- Хууль, журам, нөхцөл шаардлага, зах зээлийг судлах
Хэрэв та радио давтамж ашиглан харилцаа холбооны чиглэлээр үйл ажиллагаа эрхлэх тусгай зөвшөөрөл авах гэж байгаа бол юуны өмнө холбогдох хууль, дүрэм, журам, тухайн чиглэлийн зохицуулалт, нөхцөл шаардлага, төлбөрийн хэмжээтэй танилцах шаардлагатай.
- Өргөдлийн маягт, нотлох баримт бүрдүүлэх
Тусгай зөвшөөрөл авахаар хүсэлт гаргагч нь “Харилцаа холбооны салбарт үйл ажиллагаа эрхлэх зөвшөөрлийн журам”-ын дагуу эрхлэхээр төлөвлөж буй үйл ажиллагааны төрлөөс хамааран харгалзах өргөдлийн маягтуудыг бүрэн бөглөн, уг маягтад заасан холбогдох нотлох баримт, материалыг бүрдүүлэн хавсаргаж ирүүлнэ.
Хүсэлт гаргагч нь холбогдох өргөдлийн маягтыг бүрэн гүйцэд, үнэн зөв бөглөн шаардлагатай нотлох баримтуудыг ирүүлэх нь хүсэлтийг хүлээн авч, дүгнэлт гарган, түргэн шуурхай шийдвэрлэхэд чухал нөлөөтэй болно.
Радио давтамж ашиглах тусгай зөвшөөрлийг авахад доорх материалыг бүрдүүлж ирүүлнэ.
1.Тусгай зөвшөөрөл эзэмших хүсэлт гаргасан албан хүсэлт. (Байгууллага бол албан бичиг, хувь хүн бол гар өргөдөл)
(Албан хүсэлтэд хүсэлт гаргагчийн нэр, харилцах хаяг, холбоо барих дугаар, факсын дугаар, электрон болон энгийн шуудангийн хаяг байна)
Албан бичгийн загвар маягтыг эндээс татаж авна уу байгууллага
2. Хуулийн этгээдийн үйл ажиллагаа явуулах нотлох гэрчилгээ болон байгууллагын дүрмийн хуулбар хавсаргана. Иргэн бол иргэний үнэмлэхний хуулбарыг хавсаргана.
3. Байгууллагын бүтэц, удирдлага, үйл ажиллагааны танилцуулга /иргэн бол өөрийн танилцуулга/ болон радио давтамж ашиглах тусгай зөвшөөрлийн хэрэгцээ шаардлага, төлөвлөж буй vйл ажиллагааны тухай танилцуулгыг бичиж хавсаргана.
4. Харилцаа холбооны салбарт үйл ажиллагаа эрхлэх тусгай зөвшөөрлийн өргөдлийн маягт болон тоног төхөөрөмжийн техникийн үзүүлэлтийн өргөдлийн маягт-ийг бөглөнө. Маягтыг эндээс үзнэ үү.
5. Ашиглахаар төлөвлөж буй радио тоног төхөөрөмж болон антены техникийн үзүүлэлтийг хавсаргана.
6. Ашиглах тоног төхөөрөмжийн технологи, ажиллагааны зарчим, суурилуулалт болон холболтын схем зургийг хавсаргана.
7. Үйл ажиллагаа явуулах байршил, хамрах хүрээний зураглалыг хийж ирүүлнэ.
· Үйлчилгээ эрхлэх тусгай зөвшөөрлийн маягт бүрдүүлэх
Радио давтамж ашиглах тусгай зөвшөөрөл хүссэн тохиолдолд тухайн үйлчилгээнд харгалзах “харилцаа холбооны сүлжээ, үйлчилгээ”-ний тусгай зөвшөөрлийн хүсэлтийг давхар бүрдүүлэн ирүүлнэ.
- Заавар, зөвлөгөө авах
Та радио давтамж ашиглах өргөдлийн маягтыг бөглөхөд асууж тодруулах, зөвлөгөө авах шаардлагатай бол тус хорооны холбогдох мэргэжилтнүүдтэй холбогдох эсвэл биеэр ирж уулзан зөвлөгөө авах боломжтой.
- Тусгай зөвшөөрлийн хүсэлт хүлээлгэн өгөх
Хүсэлт гаргагч та дээрх дарааллын дагуу өргөдлийн маягтыг бүрэн гүйцэд бөглөж, холбогдох нотлох баримт, материалыг бүрдүүлсэн гэж үзэж байвал хүсэлтээ тус хороонд өөрийн биеэр эсвэл шуудангаар ирүүлж болно.