Монгол Улсад Коронавирусийн халдвар бүртгэгдсэнтэй холбоотойгоор Монгол Улсын Засгийн газрын 2020 оны 02 дугаар сарын 13-ны өдрийн 63 дугаар тогтоолын гуравдагаар заалтын дагуу худал хуурмаг мэдээ, мэдээллийг вэб сайтад нийтлэхгүй байх, мөн олон нийтийг эмх замбараагүй байдалд уриалан турхирсан, худал хуурамаг сэтгэгдлийг устгах арга хэмжээ авах, Засгийн газрын 2020 оны 03 дугаар сарын 10-ны хуралдаанаас өгсөн чиглэлийн дагуу Коронавирусийн талаах мэдээ, мэдээллийг хэрэглэгчийн сэтгэгдэл авах боломжгүй тохиргоотой нийтлэх тухай мэдэгдлийг Харилцаа холбооны зохицуулах хорооноос вэб сайтын үйлчилгээ эрхлэгчидэд мэйлээр урьдчилан хүргүүлж, албан бичгийг шуудангаар хүргүүлсэн.

Иймээс Коронавирусийн халдвар, тархалтын талаарх олон нийтийг төөрөгдүүлсэн худал хуурмаг мэдээ мэдээллийг өөрийн веб сайтад нийтлэхгүй байх, мөн олон нийтийг эмх замбараагүй байдалд уриалан турхирсан, худал хуурмаг сэтгэгдлийг устгах арга хэмжээг авч ажиллана уу.

Хэрэв энэ талаарх худал хуурмаг мэдээллийг нийтэлсэн нь холбогдох эрх бүхий байгууллагаар тогтоогдвол “Тоон контентийн үйлчилгээний зохицуулалтын ерөнхий нөхцөл шаардлага”-ын дагуу Монгол Улсаас хандах хандалтыг хязгаарлах хүртэл арга хэмжээ авах нөхцөл бүрдэхийг үүгээр мэдэгдэе!!!

Мөн дараах веб сайтуудын хаяг, байршил нь алдаатай байсан тул буцаагдсан тул хаягаа шинэчлэж тус хороонд ирүүлнэ үү.