Хэвлэсэн огноо: 2023.01.26

1.    Хэмжилтийн зорилго, хамрах хүрээ:

Тус хорооны Радио давтамж, өргөн нэвтрүүлгийн хяналтын төвөөс Улаанбаатар хотод хэт богино долгионы радио өргөн нэвтрүүлгийн үйл ажиллагаа эрхлэх тусгай зөвшөөрөлтэй 36 байгууллагын ФМ радио станцад MNS 4909:2000 “Давтамжийн модуляцтай (FM) хэт богино долгионы (VHF) нэвтрүүлэгч, техникийн шаардлага” стандартын шаардлагыг хангуулах, технологийн норм, горимыг мөрдүүлэх, хэрэгжүүлэх, мэргэжил арга зүйн зөвлөгөө өгөх зорилгоор суурин хэмжилтийг тогтмол хийж байна.

2.    Хэмжилт хийсэн огноо, байршил, зураг:

Зураг 1. Хэмжилт хийсэн суурин хяналтын станцын байршил.

3.    Ашигласан хэмжүүрийн төхөөрөмж:

FMS-2014 суурин хяналтын станц. /CN01162391/

4.    Норматив бичиг баримт:

MNS 4909:2000 “Давтамжийн модуляцтай (FM) хэт богино долгионы (VHF) нэвтрүүлэгч, техникийн шаардлага”

5.    Хэмжилтэд оролцсон бүрэлдэхүүн:

6.    Хэмжилт хийх үеийн зураг:

Зураг 2. Давтамжийн хазайлт.

Зураг 3. Давтамжийн шилжилт.

Зураг 4. Эзэлсэн зурвасын өргөн.

7.    Хэмжилтийн дүн:

Харилцаа холбооны зохицуулах хорооны Радио давтамж, өргөн нэвтрүүлгийн хяналтын төвөөс радио давтамжийн суурин хяналтыг тогтмол хийж байна. Улаанбаатар хотод хэт богино долгионы радио өргөн нэвтрүүлгийн үйл ажиллагаа эрхлэх тусгай зөвшөөрөлтэй 36 байгууллагын ФМ радио станцад 2022 оны 12 дугаар сарын 01-ний өдрөөс 12 дугаар сарын 30-ны өдрийн хооронд суурин хяналт хийснээс 12 радиогийн үйлчилгээ эрхлэгчийн давтамжийн модуляцтай дохионы давтамжийн хазайлтын максимум утга стандарт хэмжээнээс хэтэрсэн, эдгээрээс 5 радиогийн үйлчилгээ эрхлэгчийн хэрэглэх зурвасын өргөн стандарт хэмжээнээс хэтэрсэн, 2 радиогийн үйлчилгээ эрхлэгчийн нэвтрүүлэгчийн зөөгч давтамжийн зөвшөөрөх шилжилт стандарт хэмжээнээс хэтэрсэн, 3 радиогийн үйлчилгээ эрхлэгч үйл ажиллагаагаа түр зогсоосон, 19 радиогийн үйлчилгээ эрхлэгч хэвийн ажиллаж байна.

7.1. Стандартын шаардлагыг хангасан:

MNS 4909:2000 “Давтамжийн модуляцтай (FM) хэт богино долгионы (VHF) нэвтрүүлэгч, техникийн шаардлага” стандартын 5-р зүйлд заасан давтамжийн модуляцтай дохионы давтамжийн хазайлтын максимум утга ± 75 кГц, нэвтрүүлэгчийн зөөгч давтамжийн зөвшөөрөх шилжилт 2 кГц, хэрэглэх зурвасын өргөн 300 кГц-ээс хэтрэхгүй гэсэн шаардлагыг хангасан дараах радио өргөн нэвтрүүлгийн үйлчилгээ эрхлэгчдийн үйл ажиллагаа хэвийн явагдаж байна. Үүнд:

*Жавзандамба хутагт төв ТББ-ын 89.7 МГц, Шинжлэх ухаан технологийн их сургууль ТӨАГУТҮГ-ын 94.1 МГц, Монкаст радио ХХК-ийн 94.5 МГц-ийн ФМ радио станцын үйлчилгээ эрхлэгчид үйл ажиллагаагаа түр зогсоосон байна.

7.2. Стандартын шаардлагыг хангаагүй:

Ø  MNS 4909:2000 стандартын шаардлагыг хангаагүй буюу давтамжийн модуляцтай дохионы давтамжийн хазайлт /Deviation/-ын максимум утга ± 75 кГц-ээс хэтэрсэн дараах радио өргөн нэвтрүүлгийн үйлчилгээ эрхлэгчид нэвтрүүлэх хэсгийн тоног төхөөрөмжүүдэд тохиргоо хийх шаардлагатай байна. Үүнд:

Ø  Нэвтрүүлэгчийн зөөгч давтамжийн зөвшөөрөх шилжилт /Offset/ 2 кГц-ээс хэтэрсэн дараах радио өргөн нэвтрүүлгийн үйлчилгээ эрхлэгчид нэвтрүүлэх хэсгийн тоног төхөөрөмжүүдэд тохиргоо хийх шаардлагатай байна. Үүнд:

Ø  Хэрэглэх зурвасын өргөн /Occupied BW xdB/ 300 кГц-ээс хэтэрсэн дараах радио өргөн нэвтрүүлгийн үйлчилгээ эрхлэгчид нэвтрүүлэх хэсгийн тоног төхөөрөмжүүдэд тохиргоо хийх шаардлагатай байна. Үүнд:

8.    Дүгнэлт:

Радио станцуудын тархалтын болон сонсголын чанар нь тухайн радиогийн үйлчилгээ эрхлэгчийн дууны пульт, түүгээр дамжуулагдаж буй дууны түвшингээс ихээхэн хамаарч байна. Иймд хүлээн авах талд сонсогдож, хэмжигдэж буй дууны зөөгч давтамжийн хазайлтыг хэвийн байлгах, сонсголыг сайжруулахын тулд дууны пультны тохиргоог стандарт хэмжээгээр тохируулж, нэвтрүүлэх хэсгийн тоног төхөөрөмжүүдэд тохиргоо хийх шаардлагатай байна.