Харилцаа Холбооны Зохицуулах Хорооноос өнөөдөр /2021.12.08/ “ЗОХИЦУУЛАЛТ-2021” дугуй ширээний уулзалт, хэлэлцүүлгийг зохион байгууллаа. Хэлэлцүүлгийг Харилцаа Холбооны Зохицуулах хорооны  дарга Г.Чинзориг нээж үг хэлэв. a

 

Зураг: ХХЗХ-ны дарга Г.Чинзориг

“ЗОХИЦУУЛАЛТ-2021” дугуй ширээний уулзалт, хэлэлцүүлэгт харилцаа холбооны салбарт үйлчилгээ эрхлэгч 150 гаруй аж ахуй нэгж  байгууллагын төлөөллүүд цахим, танхим хосолсон байдлаар оролцлоо. Уулзалт, хэлэлцүүлэг нь “Дараа үеийн зохицуулалтын чиг хандлага” сэдвийн хүрээнд зохион байгуулагдаж байгаа бөгөөд ХХЗХ-ны Харилцаа холбооны сүлжээ, дэд бүтэц хөгжлийн хэлтсийн дарга Х.Нинжболор “Дараа үеийн зохицуулалтын чиг хандлага”, Интернэтэд суурилсан үйлчилгээ технологийн хэлтсийн дарга Т.Батболд “Зохицуулалтын тэнцвэртэй байдал, үйлчилгээний асуудлууд”, мэргэжилтэн Г.Мөнхтулга, М.Ангараг нар “Сүлжээний нээлттэй байдал” /Open access, Net-Neutrality/ сэдвүүдээр илтгэл тавьж, хэлэлцүүлэг өрнүүллээ. Хэлэлцүүлгийг 21 аймгийн үйлчилгээ эрхлэгчдэд шууд дамжуулалт хийж цахимаар санал хүсэлтийг хүлээн авч хэлэлцсэнээрээ онцлог боллоо.

 

Зураг 2: Хэлэлцүүлгийн чиглүүлэгч ХХЗХ-ны Дэд дарга Д.Сэрээдорж

 

Зураг3: ХХЗХ-ны Хэлтсийн дарга Т.Батболд

 

Сэдвүүдийн хүрээнд үйлчилгээ эрхлэгчид өнөөгийн байдал болон тулгамдаж буй асуудал, цаашдын зорилтын талаар санал солилцсон үр дүнтэй уулзалт хэлэлцүүлэг боллоо.