Харилцаа холбооны зохицуулах хороо нь Мэдээлэл, Харилцаа Холбооны салбарын өнөөгийн хөгжил, бодлого, зохицуулалтын асуудлуудын чиглэлээр бүсийн семинарыг 2006 оноос эхлэн жил бүр зохион байгуулж ирсэн бөгөөд энэ удаагийн семинарыг “Харилцаа холбооны зохицуулалт, хөгжлийн чиг хандлага-2013” сэдвийн дор Өвөрхангай аймгийн төв Арвайхээр суманд 2013 оны 11 сарын 6-7-ны өдрүүдэд зохион байгуулахаар болоод байна. Уг семинарт Архангай, Өвөрхангай, Төв, Дундговь, Өмнөговь болон Баянхонгор аймгийн нутаг дэвсгэрт харилцаа холбооны үйлчилгээ явуулж буй аж ахуйн нэгж, иргэдийг оролцуулахаар төлөвлөн бэлтгэлээ хангаж байгаа юм.