Монгол Улсын Харилцаа Холбооны Зохицуулах хороо нь “Нягтлан бодох бүртгэлийн бодлогын баримт бичиг боловсруулах” зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй хуулийн эдгээдийг мэдүүлгээ ирүүлэхийг урьж байна.

Энэхүү зөвлөх үйлчилгээний зорилго нь Улсын Секторын Нягтлан Бодох Бүртгэлийн Олон Улсын Стандарт (УСНББОУС), Нягтлан Бодох Бүртгэлийн Олон Улсын Стандарт (НББОУС), Санхүүгийн Тайлагналын Олон Улсын Стандарт (СТОУС), Монгол Улсад мөрдөгдөж буй хууль тогтоомж, Нягтлан бодох бүртгэлийн тухай хууль, Сангийн яам болон холбогдох төрийн захиргааны төв байгууллагаас баталсан журам, зааврыг үндэс болгож “Харилцаа Холбооны Зохицуулах Хороо”-ны нягтлан бодох бүртгэлийг хөтөлж, санхүүгийн тайланг бэлтгэхэд хэрэглэх зарчим, горимыг тогтоож өгөхөд оршино.

Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох доорх мэдээллийг ирүүлнэ. Үүнд:

• Зөвлөх нь тухайн чиглэлээр болон хууль эрх зүйн мэргэжил эзэмшсэн, УСНББОУС, НББОУС, болон СТОУС -ын талаар мэдлэг бүхий хүний нөөцтэй болохоо танилцуулсан мэдээлэл ирүүлсэн байна.
• Сүүлийн 2 жилд нягтлан бодох бүртгэлийн бодлогын баримт бичиг боловсруулсан ажлын туршлагын талаар холбогдох мэдээлэл ирүүлсэн байна.
• Харилцаа холбооны салбарын нягтлан бодох бүртгэлийн бодлогын баримт бичиг талаар шинэлэг санал, зөвлөмж ирүүлэх.

Тус хороо нь ирүүлсэн мэдүүлэгт үндэслэн саналын урилга болон ажлын даалгаварыг хүргүүлэх зөвлөхийн хураангуй жагсаалтыг гаргаж байгууллагын цахим хуудсаар зарлана.

Сонирхсон этгээд нэмэлт мэдээллийг 2017 оны 02 дугаар сарын 09-нөөс 02 дугаар сарын 16-ны өдрийн 09:00- 17:00 цагийн хооронд авч болох бөгөөд мэдүүлгээ дор дурдсан хаягаар 2017 оны 02 дугаар сарын 22-ны өдрийн 12:00 цагийн дотор ирүүлнэ үү.

Харилцаа холбооны зохицуулах хороо

Улаанбаатар-14201 Сүхбаатарын гудамж-13

Бага тойруу 6-р хороо Метро бизнес төв А корпус 5 давхар.

Мэдээлэл үйлчилгээний хэсэг.

Утас: 304357, 304258:

Факс: 327720.

Вэб хаяг: www.crc.gov.mn