ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ
- Харилцаа холбооны зохицуулах хороо нь “Улс хоорондын шуудангийн бүртгэл, хяналт, лавлагааны U post системийн үнэлгээг хийж, шинэчлэх, хөгжүүлэх зөвлөх үйлчилгээний гүйцэтгэгч сонгон шалгаруулалтыг зохион байгуулж байгаа тул зөвлөхийн үйлчилгээ үзүүлэх хүсэлтэй хуулийн этгээдийг мэдүүлгээ ирүүлэхийг урьж байна. Энэхүү зөвлөх үйлчилгээний зорилго нь одоо ажиллаж байгаа улс хоорондын шуудангийн бүртгэл хяналтын нэгдсэн системийг хэрэглэгчдэд нийцүүлэн нэмэлт хөгжүүлэлтийг хийж, боловсронгуй болгоход оршино.
- Мэдүүлгээ ирүүлж буй зөвлөх компани нь уг үйлчилгээг гүйцэтгэх чадвартайг нотлох дараах мэдээллийг ирүүлнэ. Үүнд:
- Компанийн улсын бүртгэлийн гэрчилгээ, дүрмийн баталгаажсан хуулбар болон дэлгэрэнгүй танилцуулга
- Мэдээллийн технологийн чиглэлээр мэргэжил эзэмшсэн, мэргэжлийн өндөр ур чадвартай хүний нөөц, тоног төхөөрөмж, ажлын байр, эргэлтийн хөрөнгийн хүрэлцээтэй эсэхийг нотлохтой холбоотой дэлгэрэнгүй тайлбар, танилцуулга.
- Шуудангийн бүртгэлийн системтэй ижил төстэй ажил хийж байсан туршлагын талаарх мэдээлэл.
- Ижил төрлийн ажлын туршлагын талаарх мэдээлэл /Сүүлийн 2 жил/
- Компанийн санхүүгийн тайлан /Сүүлийн 2 жил, аудитаар баталгаажсан байх/
- Монгол улсын татвар, шүүхийн байгууллагын тодорхойлолт
- Сонирхсон этгээд нэмэлт мэдээллийг 2019 оны 04 дүгээр сарын 25-аас 05 дугаар сарын 01-ний өдрийн 09:00-17:00 цагийн хооронд авч болох бөгөөд мэдүүлгээ дор дурдсан хаягаар 2019 оны 05 дугаар сарын 02-ны өдрийн 12:00 цагаас өмнө ирүүлнэ үү. Ирүүлсэн мэдүүлэгт үндэслэн саналын урилга болон ажлын даалгаврыг хүргүүлэх зөвлөхийн хураангуй жагсаалтыг гаргаж Харилцаа холбооны зохицуулах хорооны цахим хуудсаар зарлана.
Хаяг: Харилцаа холбооны зохицуулах хороо
Метро бизнес төв, А-блок, 5 давхар
Д.Сүхбаатарын гудамж-13
Сүхбаатар дүүрэг, УБ 14201-0033
Утас: 304258
Цахим хуудас: www.crc.gov.mn
Цахим шуудан: info@crc.gov.mn