Харилцаа Холбооны Зохицуулах хороо нь “Цахим орчин дахь хүүхэд хамгаалал” сэдэвт семинарыг НҮБ-ийн Хүүхдийн сан болон Гэр бүл, Хүүхэд, Залуучуудын хөгжлийн газартай хамтран холбогдох байгууллага, харилцаа холбооны үйлчилгээ эрхлэгчдийн дунд зохион байгуулах гэж байна.
Семинарын үндсэн зорилго нь:
- Цахим орчин дах хүүхдийн аюулгүй байдал, хүүхдийн хамгааллын талаар холбогдох талууд нэгдсэн ойлголттой болох
- Энэхүү асуудлыг хэрхэн шийдэж байгаа талаар олон улсын болон үндэсний хэмжээний сайн туршлагуудыг харилцан солилцож, суралцах
- Цахим орчин дах хүүхдийн аюулгүй байдал, хүүхдийн хамгааллыг сайжруулахад холбогдох талууд хэрхэн хамтран ажиллах талаар нэгдсэн зорилго, хамтын ажиллагааны үндсэн чиглэлийг тодорхойлох.
Семинарт уригдан оролцох байгууллагууд:
- Хөдөлмөр , Нийгмийн Хамгааллын Яам
- Боловсрол Соёл Шинжлэх Ухаан Спортын Яам
- Цагдаагийн Ерөнхий Газар
- Үүрэн холбоо, Контент Агрегатор болон Интернетийн үйлчилгээ үзүүлэгч компаниуд
- Хүүхдийн хамгааллын асуудлаар ажилладаг ТББ-ууд
- Олон улсын байгууллагууд: Дэлхийн Зөн, Хүүхдийг Ивээх Сан