Харилцаа холбооны зохицуулах хорооны Радио давтамж зохицуулалт, хяналтын албанаас Улаанбаатар хотод үйл ажиллагаа явуулж байгаа олон сувгийн телевиз болон кабелийн сувгийн үйлчилгээ эрхлэгчдийн тусгай зөвшөөрлийн нөхцөл шаардлагын хэрэгжилтэнд байнгын хяналт тавьж ажилладаг.

Энэ удаад 2014 оны 4 дүгээр сарын хяналтын үр дүнг танилцуулж байна.

Хяналтыг Орбит дахь Радио долгион хяналтын төвөөс Улаанбаатар хотод үйл ажиллагаа явуулдаг Скаймедиа, Эм Эйч Ди Эс, Эм Эн Би Си зэрэг олон сувгийн телевизүүд болон хиймэл дагуулын сүлжээ бүхий олон сувгийн дамжуулах үйлчилгээ эрхлэгч ДДЭШ ТВ-ийн  гаралтанд хэрэглэгчийн төхөөрөмж ашиглан  телевиз, кабелийн сувгуудийн дууны түвшинг тогтоох болон ХХЗХ-ны 2011 оны 7-р тогтоолоор батлагдсан “Телевиз, радиогийн өргөн нэвтрүүлгийн зохицуулалтын ерөнхий нөхцөл шаардлага” болон тус хорооны 2013 оны 21-р тогтоолоор батлагдсан “Телевиз радиогийн олон сувгийг дамжуулах үйлчилгээ эрхлэгчийн сувгийн бүтцийг хянах аргачлал”-ыг баримтлан тогтмол хийдэг.

Телевиз, кабелийн сувгуудын дууны түвшинг тогтоохдоо олон сувгийн телевизүүдийн хэрэглэгчийн төхөөрөмжийн дууны түвшний хэмжээг 20, телевизорын дууны түвшний хэмжээг 50 байхад хэвийн байхаар тогтоож түүнтэй харьцуулан хэвийн чанга, сул гэсэн үнэлгээг өгч хяналтын үр дүнг үйлчилгээ эрхлэгч тус бүрээр гаргав.

Та Скаймедиа -ийн 4 дүгээр сарын дэлгэрэнгүй тайланг энд дарж үзнэ үү.

Та Эм Эн Би Си -ийн  4 дүгээр сарын дэлгэрэнгүй тайланг энд дарж үзнэ үү.

Та ДДЭШ ТВ -ийн 4 дүгээр сарын дэлгэрэнгүй тайланг энд дарж үзнэ үү.

Та Эм Эйч Ди Эс -ийн 4 дүгээр сарын дэлгэрэнгүй тайланг энд дарж үзнэ үү.