Харилцаа Холбооны Зохицуулах Хорооноос “Монголын такси үйлчилгээ эрхлэгчдийн  холбоо”-ны гишүүд болон харилцааны  хэт богино долгионы радио станц ашиглан Улаанбаатар хотод таксийн үйлчилгээ эрхлэгч иргэн, аж ахуйн нэгж, байгууллагуудын төлөөллүүдийг хамруулсан уулзалт, семинарыг  2013 оны 12-р сарын 11-ний өдөр зохион байгууллаа.

 Уулзалт, семинараар  Радио давтамжийн төлөвлөлт, хуваарилалт,  ашиглал, үнэ тариф болон Радио долгионы тухай хууль, холбогдох дүрэм журам,  ашиглалтын үеийн хууль, эрх зүйн орчин, хяналт шалгалтыг таниулах, мөн  аналоги болон  тоон харилцааны радио станцын харицуулалт давуу тал болон тоон станц  Hytera, Тетра,  Kenwood Nexedge -ийн талаар  дэлгэрэнгүй танилцуулав.

Тус уулзалт, семинарт “Монголын такси үйлчилгээ эрхлэгчдийн  холбоо”-ны гишүүд, такси дуудлагын төв болон  үйлчилгээ  эрхэлдэг 11 байгууллагын  8 төлөөлөгч оролцов.  

Семинарт оролцогчид:

• Харилцааны радио станцын давтамжийн ашиглал, үнэ тариф, хураамж бодолтын талаар
•  Такси үйлчилгээ эрхлэгчдийн үйл ажиллагаанд  үүсч байгаа хүндрэлтэй асуудлууд  болон долгионы харилцан нөлөөллийг шийдвэрлэхэд ХХЗХороотой хэрхэн хамтран ажиллах талаар;
• Харилцааны радио станцыг тоон технологид шилжихтэй холбогдуулан ХХЗХорооноос баримтлах бодлого үйл ажиллагааны чиглэлийн талаар;
• Харилцааны станцын хамрах хүрээ, ашиглах хугацаа, баталгаажуулалтын талаар;
• ХХЗХорооноос эрхийн бичиг олголт, баримтлах журмын талаар  өөрсдийн сонирхсон олон асуултыг тавьж дэлгэрэнгүй хариулт авч байлаа.

Сименарын илтгэлийг доороос татаж авна уу.