2022 оны 01 дүгээр сарын 11-ний өдөр                                                           Улаанбаатар хот

Харилцаа холбооны зохицуулах хороо нь Харилцаа холбооны тухай хууль, Радио долгионы тухай хууль, Шуудангийн тухай хууль болон бусад холбогдох хуулиар олгогдсон эрх, үүргийн хүрээнд “Харилцаа холбооны зохицуулах хороонд ирүүлсэн санал, гомдлыг хүлээн авах, хянах, шийдвэрлэх журам”-ын дагуу үйлчилгээ эрхлэгч, хэрэглэгчдийн өргөдөл, гомдол, саналыг хүлээн авч шийдвэрлэдэг.

ХХЗХорооны өргөдөл, гомдол, саналыг хүлээн авах хэлбэр:

 Тус хороо нь тусгай зөвшөөрөл эзэмшигч иргэд, аж ахуйн нэгж, хэрэглэгчдийн өргөдөл, гомдол, санал, хүсэлтийг Засгийн газрын иргэд олон нийттэй харилцах 11-11 төв, албан бичиг, утас, имэйл болон биечлэн гэсэн хэлбэрүүдээр хүлээн авдаг.

Хүлээн авсан өргөдөл, гомдол:

2021 оны жилийн эцсийн байдлаар нийт 910 өргөдөл, гомдол, санал, шийдвэр хүлээн авсан байна. Өмнөх оны мөн үетэй харьцуулбал 19.6%-аар өсссөн байна.

Хүснэгтээр харуулбал:

2021 оны эхний хагас жилд хүлээн авсан өргөдөл, гомдол, санал, хүсэлтийн тоо сүүлийн хагас жилтэй харьцуулахад өссөн байгаа нь коронавирус /covid19/-ийн цар тахалтай холбогдуулан иргэд тус хорооны утсаар дамжуулан хандах нь ихэссэнтэй холбоотой. Ирүүлсэн өргөдөл, гомдлын 895-ийг буюу 98.3%-ийг шийдвэрлэж ажилласан. Хянагдаж байгаа, хугацаа болоогүй шийдвэрлэгдээгүй 15 өргөдөл, гомдол байна.

Өргөдөл, гомдлын шийдвэрлэлтийн явц:

• Нийт - 910
• Хугацаандаа байгаа - 15
• Шийдвэрлэсэн - 895
• Хугацаа хэтэрч шийдвэрлэсэн - 13
• Шийдвэрлэлтийн явц – 98.3%
• Дундаж хугацаа – 6 хоног

Хүлэн авсан өргөдөл, гомдол, саналыг төрлөөр нь авч үзвэл:

Мэдэгдэл, шийдвэр гэдэг нь нэр бүхий веб сайт болон фэйсбүүк хуудасны мэдээлэл нь нотлох баримтуудаар хүний нэр төр, алдар хүндийг гутаан доромжилсон, зохиогчийн эрхийн зөрчил мөн бодит бус мэдээлэл болох нь тогтоогдсон талаар Оюуны өмчийн газар, Шударга өрсөлдөөн хэрэглэгчийн төлөө газар, Цагдаагийн байгууллагаас ирүүлсэн шийдвэрүүд юм.

Ирсэн өргөдөл, гомдлыг агуулгаар нь харуулбал:

Тус хороонд хуулиар олгогдсон гомдол хүлээн авах шийдвэрлэх эрх мэдлийн хүрээнд хамаарах агуулгаар нь ангилж харуулсан болно. Дүгнэж үзэхэд харилцаа холбооны хэрэглэгчдээс ихэвчлэн төлбөр тооцоо, үйлчилгээний чанартай холбоотой өргөдөл, гомдлууд ирүүлсэн байна. Мөн үүрэн холбооны үйлчилгээ эрхлэгч, эрхийг бичиг эзэмшигч ААН-ээс радио давтамжийн харилцан нөлөөлөлтэй холбоотой хэмжилт, шалгалт хийлгэх хүсэлтийг тус хороонд ирүүлж Радио давтамж, зохицуулалт хяналтын газрын инженерүүд холбогдох хэмжилт, шалгалтыг хийж, нөлөөллийг арилгах арга хэмжээг авч ажилласан.

Доорх хүснэгтэнд гомдол ирсэн салбараар нь ангилан харуулав.

Өргөдөл, санал, гомдол ирсэн салбараар нь ангилж харуулбал:

Байгууллагын хэмжээнд 2016 онд 406, 2017 онд 239, 2018 онд 171, 2019 онд 287, 2020 онд 731, 2021 оны 12 дугаар сарын 31-ний байдлаар 910 өргөдөл, гомдлыг тус тус хүлээн авсан. 2016-2021 онуудад нийт 2744 өргөдөл, гомдол хүлээн авсан ба зургаан жилийн дунджаар 457 гомдол санал хүлээн авсан байна.

Хүснэгтээр үзүүлбэл:

--оОо--