Харилцаа холбооны зохицуулах хороо нь Харилцаа холбооны тухай хууль, Радио долгионы тухай хууль, Шуудангийн тухай хууль болон бусад холбогдох хуулиар олгогдсон эрхийнхээ хүрээнд “Харилцаа холбооны зохицуулах хороонд ирүүлсэн санал, гомдлыг хүлээн авах, хянах, шийдвэрлэх журам”-ын дагуу холбогдох хууль, тогтоомжийг удирдлага болгон үйлчилгээ эрхлэгч, хэрэглэгчдийн санал, гомдлыг хүлээн авч шийдвэрлэдэг. Тус хороо нь тусгай зөвшөөрөл эзэмшигч, иргэд, аж ахуйн нэгж, хэрэглэгчдийн санал, гомдлыг бичгээр, Засгийн газрын 11-11 төвөөр, утсаар, имэйлээр болон биеэр гэсэн хэлбэрүүдээр хүлээн авдаг. Тус хороо нь 2020 оны 01 дүгээр сард санал - 3, гомдол - 19, хүсэлт – 4, шийдвэр – 1, өргөдөл – 3 тус тус хүлээн авч шийдвэрлэсэн. Санал, гомдол ирсэн хэлбэр

Шийдвэр гэсэнд вэб сайтын мэдээ, мэдээлэл болон Фэйсбүүкийн нэр бүхий хуудасны зарим мэдээлэл нь нотлох баримтуудаар хүний нэр төр, алдар хүндийг гутаан доромжилсон бодит бус мэдээлэл болохыг цагдаагийн байгууллагаас тогтоож, ирүүлсэн албан ёсны шийдвэр юм. Мөн Оюуны өмчийн улсын байцаагчийн дүгнэлтээр оюуны өмч зөрчсөн талаар дүгнэлт, шийдвэр хамаарна. Санал, гомдлыг хамаарах төрлөөр нь ангилж үзвэл

 

Тус хороонд ирдэг санал, гомдлын багагүй хувийг хэрэглэгчдээс үйлчилгээ эрхлэгчийн үзүүлдэг үйлчилгээтэй холбоотой асуудал эзэлж байна. Ийм төрлийн гомдлыг тус хороо нь хүлээн аваад холбогдох үйлчилгээ эрхлэгчид шилжүүлэн хэрхэн шийдвэрлэсэн талаар гомдол гаргагчид болон тус хороонд эргэн хариу өгөх хугацаатай үүрэг даалгавар өгөх, холбогдох тайлбар, мэдээлэл өгч барагдуулсан. Санал, гомдлын хамаарах үйлчилгээ  

 

Тайлант хугацаанд хэрэглэгчдээс үүрэн холбооны үйлчилгээтэй холбоотой санал, гомдол - 10 ирснийг холбогдох үйлчилгээ эрхлэгчдэд дамжуулан хуулийн хугацаанд шийдвэрлэсэн. Радио давтамжийн харилцан нөлөөлөлтэй холбоотой хэмжилт шалгалт хийлгэх хүсэлт – 7 ирснийг тус хорооны Радио давтамж, зохицуулалт хяналтын газрын инженерүүд холбогдох хэмжилт, шалгалтыг хийж нөлөөллийг арилгах арга хэмжээг авсан. Санал, гомдлыг агуулгаар нь ангилан дараах хүснэгтэд үзүүллээ. Агуулгын ангилал  

Дээрх хүснэгтэнд тус хорооны санал, гомдол хүлээн авах шийдвэрлэх хуулиар олгогдсон эрхийн хүрээнд хамаарах агуулгаар ангилан харууллаа. “Бусад” гэдэгт ихэвчлэн иргэдээс тус хорооны эрх, үүрэгт үл хамаарах асуудлаар хандсан агуулга бүхий санал, гомдлыг  хамаарууллаа. Тайлант хугацаанд иргэдээс харилцаа холбооны үйлчилгээний үндсэн үйл ажиллагаатай холбоотой буюу үйлчилгээний чанартай холбоотой болон төлбөр тооцоотой холбоотой санал, гомдол нийт 8 ирүүлснийг хугацаанд нь шийдвэрлэж ажиллалаа. Тус хороонд ирсэн гомдлын шийдвэрлэлтийн талаар доор үзүүлэв. Шийдвэрлэсэн байдал

Тайлант хугацаанд тус хороонд ирсэн нийт 30 санал, гомдлын 13-т холбогдох тайлбар, мэдээлэл өгсөн, 8 гомдлыг холбогдох үйлчилгээ эрхлэгчид дамжуулан шийдвэрлэсэн бол 8 хүсэлтийн дагуу хэмжилт, шалгалт хийсэн нь радио давтамжийн нөлөөлөл болон радио долгионы үүсгэх цахилгаан соронзон орны хүний биед үзүүлэх нөлөөллийн хэмжилт байна.