Телевиз,  радиогийн олон сувгийг дамжуулах үйлчилгээ гэж утастай, утасгүй,  хиймэл дагуулын сүлжээгээр телевиз, радиоийн олон  суваг болон бусад нэмэлт агуулгыг хэрэглэгчдэд дамжуулан хүргэх үйлчилгээ юм.

Олон суваг дамжуулах үйлчилгээнд:

• Кабелийн телевиз (КаТВ)
• АйПиТВ
• МобайлТВ
• Сансрын хиймэл дагуул ашиглан олон суваг дамжуулах үйлчилгээний төрлүүд  хамаарна

Олон суваг дамжуулах үйлчилгээ эрхлэгчид нь телевиз, кабелийн сувгуудтай адил нэвтрүүлэг, контент бэлтгэдэггүй харин тэдгээрийг өөрсдийн байгуулсан сүлжээгээр хэрэглэгчидэд тодорхой төлбөртэйгээр хүргэдэг бизнес эрхэлдгээрээ ялгаатай.

Хиймэл дагуулаар олон суваг дамжуулах үйлчилгээ эрхлэгч

Харилцаа холбооны зохицуулах хороо нь Засгийн газрын 2008 оны 119-р тогтоолыг хэрэгжүүлэх ажлын хүрээнд “Сансрын холбооны Ku зурвасын технологи ашиглан телевизийн олон сувгийн нэвтрүүлгийг дамжуулах, газрын станцын ашиглалт үйлчилгээ эрхлэгчийг сонгох” уралдаант шалгаруулалтаар ДДэшТВ ХХК –г шалгаруулсан бөгөөд өнөөдрийн байдлаар хиймэл дагуул ашигласан олон суваг дамжуулах үйлчилгээг ДДэшТВ ХХК Монгол улсын хэмжээнд дангаараа үзүүлж байна.

Уг тогтоолын дагуу Засгийн газраас хиймэл дагуулын сувгийн түрээсийн төлбөр төлж, тус компанид 10 сувгийг орон даяар дамжуулах үүргийг хүлээлгэсэн.

Телевиз, радиогийн олон сувгийг дамжуулах үйлчилгээ эрхлэгчийн хүлээх үндсэн үүрэг, хариуцлага

• “Харилцаа холбооны нийтийн үйлчилгээ эрхлэх тусгай зөвшөөрлийн нөхцөл  шаардлага”,  “Телевиз, радиогийн өргөн нэвтрүүлгийн зохицуулалтын ерөнхий нөхцөл шаардлага”, “Телевиз радиогийн олон сувгийг кабелиар дамжуулах үйлчилгээ эрхлэх тусгай зөвшөөрлийн нөхцөл шаардлага”-ыг тус тус хангаж ажиллах
• Техник төхөөрөмж нь сүлжээний найдвартай ажиллагаа, олон улсын болон үндэсний стандартын шаардлагыг хангасан байна
• Өрсөлдөөний  тухай хууль, тогтоомж болон үл ялгаварлах, ил тод байх зарчмыг баримтална.
• Бүх ОСДҮЭ-д нь Монголын Үндэсний олон нийтийн радио, телевиз болон тухайн орон нутагтаа  Зохицуулах хорооноос тусгай зөвшөөрөлтэй телевиз, радио, кабелийн сувгийг дамжуулна.
• Гадаадын телевиз, радиогийн сувгийн агуулга нь Монгол Улсын хууль тогтоомжид нийцсэн байна.
• Тухайн зах зээлд давамгайлагчаар тодорхойлогдсон тохиолдолд харилцаа холбооны  салбарын өрсөлдөөний зохицуулалттай холбогдох журмыг дагаж мөрдөнө.
• ОСДҮЭ  нь телевиз, кабелийн сувгийн  тусгай  зөвшөөрөл эзэмшихгүй бөгөөд  дамжуулж  байгаа    суваг дундуур ямар нэг хэлбэрээр зар сурталчилгаа явуулахгүй байна.
• Телевиз, кабелийн сувагтай  Зохицуулах хорооноос тогтоосон зааглах цэгт холбогдоно. Зааглах цэг болон техникийн холболт, чанар, стандартын талаарх харилцааг Зохицуулах хорооноос баталсан журмаар зохицуулна.

Орон нутагт хэрэглэгдэж буй хэрэглэгчийн хүлээн авах төхөөрөмжийн ашиглалтын байдал (MMDS)

Улаанбаатар хотод хэрэглэгдэж буй хэрэглэгчийн хүлээн авах төхөөрөмжийн ашиглалтын байдал

Улаанбаатар хотод телевизийн өргөн нэвтрүүлгийн үйлчилгээ эрхлэх тусгай зөвшөөрөлтэй аж ахуй нэгж байгууллагуудын телевизийн өргөн нэвтрүүлгийн гаралтанд MNS 5475 : 2005 стандартын дагуу хийсэн судалга

2005 оны 06-р сарын 30-ны өдрийн 17-р тогтоолоор батлагдсан. MNS 5475 : 2005 стандарт

Орон нутагт телевизийн өргөн нэвтрүүлгийн үйлчилгээ эрхлэх тусгай зөвшөөрөлтэй аж ахуй нэгж байгууллагуудын телевизийн өргөн нэвтрүүлгийн гаралтанд MNS 5475 : 2005 стандартын дагуу хийсэн судалгаа

 2005 оны 06-р сарын 30-ны өдрийн 17-р тогтоолоор батлагдсан. MNS 5475 : 2005 стандарт