1. Хэмжилтийн зорилго:

Улаанбаатар хотод харуул хамгаалалтын үйл ажиллагаа явуулж байгаа аж ахуйн нэгж, байгууллагуудын дотоод үйл ажиллагаандаа болон хяналт хийх бүсэд орших дүүргүүдийн аж ахуйн нэгж байгууллагуудын үйл ажиллагаанд ашигладаг радио тоног төхөөрөмжүүдийн ашиглалтын байдалд хэмжилт шалгалт хийж, Монгол Улсын “Аж ахуйн үйл ажиллагааны тусгай зөвшөөрлийн тухай хууль”, “Харилцаа холбооны тухай хууль”, “Радио долгионы тухай хууль” тогтоомжууд түүнтэй нийцүүлэн гаргасан дүрэм, журам, стандарт болон технологийн норм, горимыг мөрдүүлэх, хэрэгжүүлэх, мэргэжил арга зүйн зөвлөгөө өгөх, илэрсэн зөрчил дутагдлыг арилгуулахад оршино.

2. Хэмжилт гүйцэтгэсэн хугацаа:

2018 оны 08 дугаар сарын 01-ний өдрөөс 09 дүгээр сарын 15-ны өдөр хүртэлх хугацаанд хийж гүйцэтгэв.

3. Хэмжилт, шалгалтын хамрах хүрээ:

Улаанбаатар хотын хэмжээнд харуул хамгаалалтын үйл ажиллагаа явуулж байгаа аж ахуйн нэгж, байгууллагууд болон хяналт хийх бүсэд орших дүүргүүдийн радио давтамжтай тоног төхөөрөмж ашиглаж буй аж ахуйн нэгж байгууллагууд хамрагдсан болно.

4. Ашигласан хэмжүүрийн төхөөрөмж:

KFSMS суурин хяналтын станц, АСЕСО FC1002 давтамж тоологч,

5. Хэмжилт, шалгалтыг хийж гүйцэтгэсэн:

Б.Баттулга /РДЗХГ, Радио долгион хяналтын төвийн инженер/

Б.Үүрцайх /РДЗХГ, Радио долгион хяналтын төвийн инженер/

М.Болдбат /РДЗХГ, Радио долгион хяналтын төвийн инженер/

Ц.Эрдэнэбат /РДЗХГ, Радио долгион хяналтын төвийн инженер/

А.Алтанхуяг /РДЗХГ, Радио долгион хяналтын төвийн инженер/

С.Буянжаргал /Радио долгион хяналтын төвийн жолооч/

П.Ганболд /Радио долгион хяналтын төвийн жолооч/

6. Хэмжилтийн дүн:

Харилцаа холбооны зохицуулах хорооны Радио долгион хяналтын төвөөс радио давтамжийн төлөвлөгөөт хэмжилт, шалгалтыг улирал тутам тогтмол хийж байна. Улаанбаатар хотын хэмжээнд харуул хамгаалалтын үйл ажиллагаа явуулж байгаа аж ахуйн нэгж, байгууллагууд болон хяналт хийх бүсэд орших 197 аж ахуйн нэгжид 2018 оны 08 дугаар сарын 01-ний өдрөөс 09 дүгээр сарын 15-ны өдрийн хооронд хэмжилт, хяналт хийсэн болно. Хяналтаар радио давтамж ашиглах эрхийн бичигтэй радио станц ашиглан үйл ажиллагаа явуулж байгаа ямар нэгэн зөрчилгүй 24 байгууллага, радио тоног төхөөрөмж ашигладаггүй 114 байгууллага, “Радио долгион тухай хуулийн 8.1 Радио давтамж, радио давтамжийн зурвас ашиглах тусгай зөвшөөрөл, эрхийн бичиггүй этгээд радио давтамж, радио давтамжийн зурвас ашиглахыг хориглоно” гэсэн заалтыг зөрчсөн буюу ямар нэгэн зөвшөөрөл, эрхийн бичиггүй радио тоног төхөөрөмж ашиглаж байсан 45 байгууллага, “Радио долгион тухай хуулийн 19.2.8 Зөвхөн зөвшөөрөгдсөн радио давтамж, давтамжийн зурваст ажиллах, өөрийн эзэмшилд байгаа радио төхөөрөмжийн гаралтын чадал, давтамжийг тогтмол хянаж байх” гэсэн заалтыг зөрчсөн буюу радио давтамж ашиглах эрхийн бичигтэй ч өөрийн давтамж дээрээ тааруулаагүй, эрхийн бичигт тусгагдаагүй тоног төхөөрөмж ашигласан 14 байгууллага байна.

Хэмжилт шалгалтанд хамрагдсан байгууллагын мэдээллийг үзүүлэв.

6.1. Радио давтамж ашиглах эрхийн бичигтэй-зөрчилгүй:

Хэмжилт, шалгалтын үед тус хорооноос радио давтамж ашиглах эрхийн бичиг авч, радио тоног төхөөрөмжүүдээ эрхийн бичиг дээрх радио давтамж дээрээ тохируулан зөрчилгүй ажиллаж байгаа 24 байгууллага, аж ахуйн нэгж ажиллаж байна. Үүнд:

6.2. Радио давтамж ашиглах эрхийн бичигтэй-зөрчилтэй:

“Радио долгион тухай хуулийн 19.2.8 Зөвхөн зөвшөөрөгдсөн радио давтамж, давтамжийн зурваст ажиллах, өөрийн эзэмшилд байгаа радио төхөөрөмжийн гаралтын чадал, давтамжийг тогтмол хянаж байх” гэсэн заалтыг зөрчсөн буюу радио давтамж ашиглах эрхийн бичигтэй ч өөрийн давтамж дээрээ тааруулаагүй, эрхийн бичгийн хугацаа дууссан эрхийн бичигт тусгагдаагүй тоног төхөөрөмж ашигласан 14 байгууллага байна. Үүнд:

.Хэмжилт шалгалтын үед зөрчил илэрсэн эдгээр 14 байгууллага тус бүрт сануулах арга хэмжээг аван, хугацаа дууссан эрхийн бичгийн хугацааг сунгах, радио давтамж ашиглах эрхийн бичигт бичигдээгүй тоног төхөөрөмжүүдийг бүртгүүлэх,  өөрийн эрхийн бичиг дээрх радио давтамж дээрээ тоног төхөөрөмжүүдээ тохируулан илэрсэн зөрчлийг арилгаж мэдэгдэх хугацаатай үүрэг даалгавар өгөв. Мөн хэмжилт шалгалтанд хамрагдсан байгууллага бүрт харилцааны радио станц ашиглах зөвлөмж хуудсыг тараан, шаардлагатай нэмэлт мэдээллээр ханган ажиллав.

6.3. Зөвшөөрөлгүй радио станц ашиглаж байсан:

“Радио долгион тухай хуулийн 8.1 Радио давтамж, радио давтамжийн зурвас ашиглах тусгай зөвшөөрөл, эрхийн бичиггүй этгээд радио давтамж, радио давтамжийн зурвас ашиглахыг хориглоно” гэсэн заалтыг зөрчсөн буюу ямар нэгэн зөвшөөрөл, эрхийн бичиггүй радио тоног төхөөрөмж ашиглаж байсан 45 байгууллагын 247 харилцааны радио станцуудыг унтрааж сануулах арга хэмжээг аван радио давтамж ашиглах хугацаатай үүрэг даалгавар өгч ажиллав. /Зөвшөөрөлгүй ажиллаж байсан станцуудын хэмжилтийн дэлгэрэнгүй мэдээллийг хавсралт 4-т үзүүлэв.

7. Хэмжилт шалгалтын ажлын хүрээнд радио давтамж ашиглах эрхийн бичиг шинээр авсан байгууллагууд:

8. Хэмжилт шалгалтын ажлын хүрээнд радио давтамж ашиглах эрхийн бичгийн хугацаагаа сунгасан байгууллагууд:

9. Дүгнэлт

ХХЗХ –ны даргын баталсан А-185 тоот тушаалын дагуу Улаанбаатар хотод бүсчилсэн болон харуул хамгаалалтын үйлчилгээ эрхлэгч аж ахуй нэгж, байгууллагуудад ашиглаж байгаа радио тоног төхөөрөмжүүдийн ашиглалтын байдалд хэмжилт шалгалтыг хийж гүйцэтгэв. Шалгалтын ажлыг хийж гүйцэтгэх үеэр Радио давтамжийн тухай хуулийг зөрчин ажиллаж байгаа аж ахуйн нэгж байгууллагууд байсаар байна. Эдгээрийн байгууллагуудын нийтлэг гаргадаг зөрчил нь:

· ХХЗХ-оос радио давтамж ашиглах эрхийн бичиг авдаг талаар мэдээлэл байхгүй байсан. Зөвхөн дотоод хэрэгцээндээ ашиглах тул ХХЗХ-оос эрхийн бичиг авах шаардлагагүй гэж үздэг;

· Эрхийн бичгийн зөвшөөрөлтэй ч зөвшөөрөгдсөн давтамжийг тохируулахгүй ажиллах мөн бусад давтамжийг устгуулахгүй ажилладаг;

· Мөн худалдаанд гарч байгаа харилцааны радио станцууд нь суваг устгах болон нэмж суулгах өөрчлөх боломжгүй 16ш сувгуудад тестийн тохиргоотой орж ирсэн байгааг худалдан авч шууд ашиглаж байна.

Иймд энэ удаагийн хэмжилт, шалгалтанд хамрагдсан 197 байгууллага бүрт харилцааны радио станц хэрхэн ашиглах зөвлөмж хуудсыг нэг бүрчлэн тарааж, зарим байгууллагын мэдээллийн самбарт мэдээлж, холбогдох хууль тогтоомж, дүрэм, журмын хүрээнд заавар зөвлөгөө өгч шаардлагатай нэмэлт мэдээллээр хангаж ажиллалаа.

Хавсралт 1. Тараасан зөвлөмж хуудасны загвар

Хэмжилтийг хийж, боловсруулсан:                  М.Болдбат /РДЗХГ-ын инженер/

Хавсралт 1