Харилцаа холбооны зохицуулах хорооны даргын 2015 оны 07-р сарын 27-ны өдрийн А/195 тоот тушаалаар батлагдсан удирдамжийн дагуу орон нутагт үйл ажиллагаа явуулж байгаа телевиз, сувгийн үйлчилгээ эрхлэгчдийн телевизээр гарч буй хөтөлбөр, нэвтрүүлгүүд “Өргөн нэвтрүүлгийн зохицуулалт, нөхцөл шаардлага”-ыг хангаж байгаа эсэхэд 2015 оны 10, 11 дүгээр сард хяналт, шалгалт хийлээ. Хяналт, шалгалтыг тухайн бүсийг хариуцсан тус хорооны төлөөлөгч болон өргөн нэвтрүүлгийн зохицуулалт хариуцсан мэргэжилтэн хийсэн.

Хяналт, шалгалт хийсэн чиглэл:

“Өргөн нэвтрүүлгийн зохицуулалт, нөхцөл шаардлага”-ын 7-р зүйл буюу “Өргөн нэвтрүүлгийн телевиз, радио, сувгийн хөтөлбөрт тавигдах шаардлага”-ын доорх заалтуудын хүрээнд хяналт, шалгалт хийсэн. Үүнд:

• Нөхцөл шаардлагын 7.35 буюу урсдаг зар явуулж байгаа эсэх (Урсдаг зарыг зар сурталчилгааны цагаас бусад цагаар явуулж болохгүй)
• Нөхцөл шаардлагын 7.36 буюу баннер, лого давхар байрлуулсан эсэх (Бараа бүтээгдэхүүн, үйлчилгээний баннер, логог зар сурталчилгааны цагаас бусад цагаар дэлгэц дээр давхардуулан гаргаж болохгүй)
• Нөхцөл шаардлагын 7.18 буюу урьдчилж гаргасан хөтөлбөртэй байх (Урьдчилж гаргасан хөтөлбөрөө 3-с доошгүй хоногийн өмнө ОСДҮЭ-д хүргүүлэх, эсхүл хөтөлбөрөө тогтмол гаргаж байх цахим хуудсыг мэдэгдэх ба олон нийтийн мэдээллийн хэрэгслээр ил тод зарлаж мэдэгддэг байх ёстой)
• Нөхцөл шаардлагын 7.4 буюу үндэсний нэвтрүүлгийн хувь (Долоо хоногийн хөтөлбөрийн нийт цагийн 50 хувиас доошгүй нь үндэсний нэвтрүүлэг байна)
• Нөхцөл шаардлагын 7.15 буюу өөрийн бүтээлийн хувь (Долоо хоногийн хөтөлбөрийн нийт цагийн 30 хувиас доошгүй нь өөрийн бүтээл байна)
• Нөхцөл шаардлагын 7.17 буюу хөтөлбөр хуваарийн дагуу цагийн хуваарийг баримталж байгаа эсэх (Телевиз, радиогийн үйлчилгээ эрхлэгч нь нэвтрүүлгээ урьдчилан гаргасан хөтөлбөр, хуваарийн дагуу, цагийн хуваарийг баримтлан нэвтрүүлнэ)
• Нөхцөл шаардлагын 7.27 буюу зар сурталчилгааны хэтрэлт (Өргөн нэвтрүүлгийн телевиз, сувгийн нэг цаг тутамд дамжуулах зар сурталчилгаа нь 15 минутаас хэтрэхгүй байна)
• Нөхцөл шаардлагын 7.43 буюу тухайн орон нутагт хийгдсэн бүтээлийн хувь (Орон нутгийн телевиз, радиогийн үйлчилгээ эрхлэгчдийн хөтөлбөрийн 30 хувиас доошгүй нь тухайн орон нутагт хийгдсэн, тухайн орон нутгийн телевиз, радиогийн үйлчилгээ эрхлэгч, студи продакшний бүтээл байна)

Шалгалтанд хамрагдах үйлчилгээ эрхлэгчид:

Хяналт, шалгалтанд хамрагдсан тв, сувгийн байдал

Хяналт, шалгалтанд хамрагдаагүй аймгууд /нийт 4 тв, суваг/

Зөрчилтэй тв, сувгууд

Зөрчилтэй тв, сувгуудын аймагт эзлэх байдал /нийт 39 тв, суваг/

Зөрчилгүй тв, сувгуудын аймагт эзлэх байдал /нийт 31 тв, суваг/

Үйл ажиллагаа явуулаагүй тв, сувгуудын аймагт эзлэх байдал /нийт 8 тв, суваг/

Зөрчлийн төрөл

ТВ, сувгуудын урсдаг зар явуулсан байдал

Хөтөлбөр урьдчилж бэлтгэдэг эсэх

Үндэсний бүтээлийн хувь /7 хоногт 50 хувиас доошгүй/

Өөрийн бүтээлийн хувь /7 хоногт 30 хувиас доошгүй/

Хөтөлбөр, хуваарийг баримталж буй байдал

Зар сурталчилгааны хэтрэлт /1 цагт 15 минутаас дээшгүй/

Орон нутгийн бүтээлийн хувь /30 хувиас доошгүй/

Дээрх мэдээллээс дүгнэж үзвэл 82 телевиз, сувгаас ихэнхийг буюу 78 телевиз, сувгийг 10 дугаар сарын сүүлээс 11 дүгээр сарын эхэн хүртэл хяналтанд хамруулахад зөрчилгүй 31 телевиз, зөрчилтэй 39 телевиз, үйл ажиллагаа явуулаагүй 8 телевиз байна.

Өмнөх саруудтай харьцуулахад зөрчлийн хэмжээ багасаж байгаа хэдий ч тухайн орон нутгийн талаарх мэдээ, мэдээллийг тогтмол бэлтгэж нэвтрүүлдэггүй, өөрийн бүтээлийн хувь 30-аас бага, үндэсний бүтээлийн хувь 50-аас бага, нэвтрүүлгийн тогтсон сүлжээ, хөтөлбөр байдаггүй, урсдаг зар явуулдаг зэрэг зөрчлүүд Баян-Өлгий, Булган, Дархан-Уул, Дорноговь, Дундговь, Завхан, Орхон, Өмнөговь, Сэлэнгэ, Төв, Ховд, Хөвсгөл, Хэнтий аймгууд болон Багануур, Налайх хотын телевизүүдийн хувьд хэвээрээ байна. Өмнө нь хяналтанд хамрагдаагүй зөрчилтэй гарсан телевиз, сувгууд байгаа бөгөөд тэдэнд зөрчлөө арилгах талаар албан бичиг илгээж шаардлага хүргүүлсэн.

Өмнөх 08, 09 саруудад нийт 56 телевиз, суваг хяналтанд хамрагдсанаас зөрчилтэй 30 тв байсан бөгөөд уг телевизүүд рүү зөрчлөө арилгах талаар албан тоот илгээж байсан. Уг албан бичгийн хариуд 20 гаруй телевизээс зөрчлөө арилгасан талаар бичиг ирүүлж зөрчлөө арилгасан бөгөөд цаашид хариу ирүүлээгүй, зөрчлөө арилгаагүй, зөрчил давтан гаргасан газруудын тусгай зөвшөөрлийг түдгэлзүүлэх, цуцлах хүртэл арга хэмжээг үе шаттайгаар хэрэгжүүлэн авч ажиллах болно.