Дэлхийн үүрэн холбооны байгууллага /GSMA/-аас жил бүр Испанийн Вант Улсын Барселона хотод "Дэлхийн үүрэн холбооны их хурал, үзэсгэлэн" зохион байгуулдаг бөгөөд энэ жил 2023 оны 02 дугаар сарын 27-ны өдрөөс 03 дугаар сарын 02-ны өдрүүдэд амжилттай зохион байгуулагдаж өндөрлөлөө. Тус хуралд Харилцаа холбооны зохицуулах хорооны Захиргааны удирдлага хамтын ажиллагааны газрын дарга З. Эрдэнэчулуун, Радио давтамжийн зохицуулалт, хяналтын газрын дарга З.Амгалан нар оролцлоо.
MWC2023-д 2022 улс орны 88,500 гаруй төлөөлөгчид оролцсон бөгөөд үүнээс 56% нь үүрэн холбоо, гар утасны үйлдвэрлэгчид, үйлчилгээ эрхлэгчид байна. Мөн улс орнуудын бодлого боловсруулагчид, бизнесийн удирдагчид, ивээн тэтгэгч, GSMA байгууллагын түншүүд оролцсон байна.
Тус хорооны төлөөлөгчид GSMA-ийн Сайд нарын хөтөлбөрт хамрагдсан бөгөөд тус хөтөлбөрт дэлхийн 150 гаруй орны 196 төлөөлөгч, 70 орчим сайд, 100 гаруй зохицуулах байгууллагын төлөөллүүд оролцсон ба хамгийн олон тооны төлөөлөгчдийн бүрэлдэхүүнтэйгээр хуралдсан. Энэ нь дижитал эдийн засгийг идэвхжүүлдэг бодлого боловсруулагчдын дэлхийн хамгийн том цугларалт юм. Сайд нарын хөтөлбөр нь дэлхийн удирдагчид болон шийдвэр гаргагчдыг эдийн засгийн сэргэлт, дижитал хүртээмжтэй ирээдүйг бий болгох технологийг ашиглан өнөөгийн ээдрээтэй ертөнцийг удирдахаар ажиллаж байгаа хүмүүсийг цуглуулж ярилцаж, чуулж байна. Үүний зэрэгцээ 4YFN шинэ бизнесийн гараагаа эхлүүлэхийн тулд старт аппууд, хөрөнгө оруулагчид болон компаниудыг танилцуулж, холбож өгсөн. Үзэсгэлэнгийн тавцан, илтгэгчийн тавцан, тусгай дээд хэмжээний уулзалтууд болон цоо шинэ онцлог бүхий газруудаар MWC нь маргаашийн технологийг өнөөдөр үзэх газар гэдгийг харууллаа.
MWC-ийн үйл явдлыг сурвалжлахаар дэлхийн өнцөг булан бүрээс 2400 гаруй сэтгүүлч, салбарын шинжээчид биечлэн ирж мэдээ, мэдээлэл авсан байна. MWC нь Барселона хотод 350 сая еврогийн эдийн засагт нөлөө үзүүлж, 7400 цагийн ажлын байр бий болгосон байна.
Дараагийн MWC нь 2023 оны 6-р сарын 28-30-нд Шанхай, MWC Las Vegas 2023 оны 9 сарын 26-28; MWC Africa 2023 оны 10-р сарын 17-19 нд төлөвлөгдсөн байна. MWC нь Mobile 360 цуврал арга хэмжээг эхэлж байгаа бөгөөд 5-р сарын 16-17-нд Баку хотод M360 Eurasia, 5-р сарын 31-ээс 6-р сарын 1-ний хооронд Мехико хотод M360 LATAM, 7-р сарын 11-12-ны хооронд аж үйлдвэр, аюулгүй байдалд чиглэсэн анхны M360 UK нь Лондонд, 9-р сард Сөүлд M360 Ази Номхон далайн, M360 MENA 11-р сард Эр-Рияд, мөн 11-р сард M360 UK-ийн хоёр дахь давталт болох "Сайн үйлсийн төлөөх холбоо" болон хүмүүнлэгийн сорилтуудыг шийдвэрлэхээр Лондонд зохион байгуулахаар төлөвлөсөн байна.
Ирэх жилийн MWC2024 Barcelona нь 2024 оны 2-р сарын 26-29-нд төлөвлөгдлөө. MWC Barcelona 2023-ын бүх үндсэн илтгэлүүдийг Mobile World Live дээр дараагийн MWC хүртэл үзэх танилцах боломжтой.
