Шинэчлэгдсэн: 2016/03/30


Олон улсын цахилгаан холбооны байгууллага (ОУЦХБ)-ын баталгаажуулалтын зөвлөх үйлчилгээ


Тус хороо нь Харилцаа холбооны тухай хуулийн 9.1.3-д заасан бүрэн эрх /Харилцаа холбооны сүлжээний болон хэрэглэгчийн тоног төхөөрөмжийн техникийн нөхцөл, шаардлагыг тогтоох, баталгаажуулах/-ийн хүрээнд мэдээлэл, харилцаа холбооны тоног төхөөрөмжийн баталгаажуулалтын тогтолцоог боловсронгуй болгох зорилт тавьж ажиллаж байна.

Энэхүү ажлын хүрээнд олон улсын цахилгаан холбооны байгууллага (ОУЦХБ)-ын санхүүжилтээр баталгаажуулалтын зөвлөх үйлчилгээ авч нэг, хоёрдугаар шат 2013-2014 онд  амжилттай хэрэгжсэн, хөтөлбөрийн гуравдугаар шат 2015 оны 1 дүгээр сарын 19-23-ны хооронд хэрэгжиж дараах арга хэмжээг зохион байгуулав. Үүнд:

  • Хууль эрх зүйн орчин, өргөдөл хүсэлт хүлээн авахаас, баталгаажуулалтын тохирлын гэрчилгээ олгох хүртэлх үйл ажиллагаанд мөрдөх баталгаажуулалтын журам, баталгаажуулалтанд хамруулах харилцаа холбооны тоног төхөөрөмжийн жагсаалт, баталгаажуулалтын төлбөр, тохирлын тэмдгийн төлбөр, мөрдөх стандарт болон холбогдох бусад баримт бичигт үнэлгээ хийв.
  • 2015 оны 1 дүгээр сарын 21-ний өдөр ОУЦХБ-ХХЗХ-ны хамтарсан “Харилцаа холбооны тоног төхөөрөмжийн харилцан ажиллагаа, баталгаажуулалт” сэдэвт семинар зохион байгуулав. Семинарт Мэдээллийн технологи, шуудан, харилцаа холбооны газар, Стандартчилал, хэмжилзүйн газар, Мэдээлэл холбооны сүлжээ ТӨК, Монголын цахилгаан холбоо ХХК, Радио телевизийн сүлжээ УТҮГ, ШУТИС-н Мэдээлэл, холбооны технологийн сургууль, Юнител ХХК, Скайтел ХХК, Жи-Мобайл ХХК зэрэг байгууллагын удирдлага, төлөөлөгчид оролцож санал солилцов.

Семинарын үеэр тавигдсан илтгэлүүдтэй дараах линкээр орж танилцана уу.

1. Олон улсын цахилгаан холбооны байгууллагын Ази, номхон далайн бүсийн танилцуулга: Харилцан ажиллагаа, баталгаажуулалт

Илтгэгч: Самеер Шарма, ОУЦХБ-ын АНД бүсийн ахлах зөвлөх

2. Харилцан ажиллагаа, баталгаажуулалтын талаар олон улсын туршлага, Монгол Улсад хэрэгжүүлэх боломж

Илтгэгч: Кэйт Мэйнвэйрин, ОУЦХБ-ын АНД бүсийн зөвлөх

3. Монгол Улсын баталгаажуулалт, тохирлын үнэлгээ

Илтгэгч: Ц.Чулуунбат, ХХЗХ-ны РДЗХА-ны мэргэжилтэн

Бусад мэдээлэл

"ХХЗХ-НЫ 25 ЖИЛИЙН ОЙН НЭРЭМЖИТ РАДИО СОНИРХОГЧИЙН НЭВТРҮҮЛЭГЧ ОЛОХ 2020 ОНЫ УЛСЫН АВАРГА ШАЛГАРУУЛАХ ТЭМЦЭЭН” ЗОХИОН БАЙГУУЛАГДЛАА
Харилцаа холбооны тусгай зөвшөөрөлтэй үйлчилгээ эрхлэгчдийн 2020 оны эхний хагас жилийн үндсэн үзүүлэлтүүд
“5G радио давтамжийн хуваарилалт, техникийн ерөнхий шаардлага” ажлын хэсгийн уулзалт, хэлэлцүүлэг
Орон нутгийн радио, телевизийн үйлчилгээ эрхлэгчдэд цахим сургалт хийлээ
РӨН-ийн үйлчилгээ эрхлэгчдэд 2020 оны 08-р сарын 15-наас 09-р сарын 15 хүртэл хийсэн суурин хяналтын мэдээ
ХХЗХ, ЦЕГ-ын Хар тамхитай тэмцэх газартай Улс хоорондын шуудан илгээмжээр, мансууруулах бодис, сэтгэцэд нөлөөлөх эм бэлдмэл нэвтрүүлэхээс урьдчилан сэргийлэх чиглэлээр хамтарч ажиллана
"Өргөн нэвтрүүлгийн үйлчилгээ эрхлэх зөвшөөрлийн журам", "Олон суваг дамжуулах үйлчилгээний үндсэн багцын зохицуулалтын журам"-уудын төслийн хэлэлцүүлгийг зохион байгуулагдаж байна
ӨСВӨР НАСНЫ ХҮҮХДҮҮДИЙН ЗАХИДЛЫН УРАЛДААНЫГ ЗОХИОН БАЙГУУЛНА
Интернэтийн бөөний үйлчилгээ эрхлэгчид болон интернэтийн үйлчилгээ эрхлэгчдийн хооронд байгуулсан интернэтийн холболтын гэрээний бүртгэлийн жагсаалт
Харилцаа холбооны зохицуулах хорооноос зөвшөөрөл эзэмшигчдэд анхааруулж байна тусгай зөвшөөрлийн төлбөрийн тухай