Шинэчлэгдсэн: 2015/04/08


“Шуудангийн салбарын хөгжлийн ирээдүй-зохицуулалт 2015” сэдэвт хэлэлцүүлэг амжилттай зохион байгуулагдлаа


Харилцаа холбооны зохицуулах  хорооноос  шуудангийн үйлчилгээ эрхлэгч байгууллага болон шуудангийн үйлдвэрлэлийн үйл ажиллагаанд оролцогч төрийн байгууллагуудын дунд “Шуудангийн салбарын хөгжлийн ирээдүй-зохицуулалт 2015” сэдэвт хэлэлцүүлгийг хоёр дах жилдээ 2014 оны 12 дугаар сарын 09-ний өдөр “Бест вестерн премиер туушин” зочид буудлын Соёмбо танхимд амжилттай зохион байгууллаа.

Энэхүү арга хэмжээнд Мэдээллийн технологи,шуудан, харилцаа холбооны газар, Гаалийн ерөнхий газар, Улсын бүртгэлийн ерөнхий газар, Мэргэжлийн хяналтын ерөнхий газар, Газрын харилцаа, геодези зураг зүйн газар, нийслэлийн ерөнхий төлөвлөгөөний газар, шударга өрсөлдөөн хэрэглэгчийн төлөө газар, Иргэний нисэхийн ерөнхий газар болон шуудангийн салбарт үйлчилгээ эрхлэгч 36 байгууллагын 100 орчим төлөөлөгч оролцлоо.

“Шуудангийн салбарын хөгжлийн ирээдүй-зохицуулалт 2015” сэдэвт энэхүү арга хэмжээний анхдугаар хэлэлцүүлгээс холбогдох байгууллагуудад гаргасан зөвлөмж бичгийн биелэлт, түүний үр дүн болон шуудангийн салбарт мэдээллийн технологийг нэвтрүүлэх чиглэлээр хийгдэж буй “Шуудангийн бүртгэл, хяналт, лавлагааны нэгдсэн систем” болон “Бүсчлэлийн кодын систем” программ хангамжийн талаар илтгэлүүд тавигдлаа.

Мөн энэ хэлэлцүүлгээр манай улсад нэн даруй шийдвэрлэх асуудлуудын нэг болох Монгол улсын хаягжилтын талаар төрөөс хэрэгжүүлж байгаа бодлого, түүний хэрэгжилт, өнөөгийн нөхцөл байдлын тухай хаягжилт, хот төлөвлөлтийн асуудлыг хариуцсан төрийн болон нийслэлийн удирдах байгууллагууд оролцон танилцуулга хийн цаашид хаягжилт, бүсчлэлийн кодын талаар хэрхэн хамтран ажиллах талаар хэлэлцүүлэг өрнүүллээ.

Бусад мэдээлэл

Зах зээлийн судалгааны аргачлал боловсруулах Зөвлөх үйлчилгээ авах тухай
Улаанбаатар хотын РӨН-ийн үйлчилгээ эрхлэгчдэд 2021.06.01-2021.06.15 хүртэл хийсэн суурин хяналтын мэдээ
Тусгай дугаарын эзэмшигчдийн гэрээний хэрэгжилтийн байдал
Мониторингийн 2021 оны 5 дугаар сарын тайлан
Мониторингийн 2021 оны 4 дүгээр сарын тайлан
Мониторингийн 2021 оны 3 дугаар сарын тайлан
Телевиз, сувгийн мониторинг
ХАРИЛЦАА ХОЛБООНЫ ЗОХИЦУУЛАХ ХОРООНЫ 2021 ОНЫ 5 ДУГААР САРД ХҮЛЭЭН АВСАН БАРИМТ БИЧГИЙН МЭДЭЭ
Веб сайтын үйлчилгээ эрхлэгчдэд
Сонгуулийн сурталчилгаа нэвтрүүлэх эрх бүхий радио, телевизийн үйлчилгээ эрхлэгчдэд