Шинэчлэгдсэн: 2016/03/30


Стандартчилал, хэмжил зүйн газартай баталгаажуулалтын чиглэлээр хамтран ажиллаж байна

Харилцаа холбооны зохицуулах хороо өөрийн бүрэн эрхийн хүрээнд Мэдээлэл, харилцаа холбооны салбарт баталгаажуулалт хийх ажлыг 2013 оноос эрчимжүүлэн ажиллаж эхлээд байна.

Энэ ажлын хүрээнд тус хорооноос баталгаажуулалт хийж буй үйл ажиллагаагаа итгэмжлүүлэхээр 2013 оны 08 дугаар сард Стандарчлал, хэмжил зүйн газарт хүсэлт гарган хамтран ажиллаж байна.

Итгэмжлэлтэй холбоотойгоор 2014 оны 03 дугаар сарын 27-ны өдөр Стандарчлал, хэмжил зүйн газрын дарга Г.Гантөмөр, Итгэмжлэлийн хэлтсийн дарга Б.Эрдэнэзул болон холбогдох мэргэжилтнүүд Харилцаа холбооны зохицуулах хорооны Радио долгионы хяналтын төвтэй танилцлаа. Энэ үеэр тус хорооны Харилцаа холбооны тоног төхөөрөмжийн загварын баталгаажуулалт, тохирлын үнэлгээ, радио давтамжийн хяналт, стандартын  хэрэгжилт, сорилтын туршилтанд хэрэглэж байгаа хэмжүүрийн багаж хэрэгсэл тэдгээрийн ажиллагаатай танилцсан.

Харилцаа холбооны зохицуулах хорооны баталгаажуулалтын үйл ажиллагаанд Стандарчлал, хэмжил зүйн газрын итгэмжлэлийн үнэлгээний баг 2014 оны 04 дүгээр сарын 15-наас 17-ны өдрүүдэд шалгалт, анхдагч үнэлгээг явуулсан. Үнэлгээний багийн зөвлөмж, шаардлагын дагуу хөдөлгөөнт холбоо,  радио холбоо, өргөн зурвасын болон суурин утасгүй холбоо, богино зайн радио холбоо, өргөн нэвтрүүлгийн төхөөрөмжүүдийн баталгаажуулалтын үйл ажиллагаанд мөрдөж байгаа MNS ISO/IEC Guide 65:2003 стандартын дагуу боловсруулсан чанарын гарын авлага, дагалдах журмуудыг шинээр батлагдсан “Тохирлын үнэлгээ-Бүтээгдэхүүн, үйл явц болон үйлчилгээг баталгаажуулах байгууллагад тавих шаардлага” MNS ISO/IEC 17065:2013 стандартын бүтэц, агуулгатай нийцүүлэн шинэчлэн боловсруулах, ажилтнуудыг баталгаажуулалтын шинжээчийн сургалтанд хамруулах, үнэмлэхжүүлэх ажлыг зохион байгуулан ажиллаж байна.   

Бусад мэдээлэл

Өргөн нэвтрүүлгийн үйлчилгээ эрхлэх зөвшөөрлийн журам журмын төсөлд санал авч байна
"Боловсролын салбар дахь цахим шилжилт" хэлэлцүүлэг зохион байгуулагдлаа.
Домэйн нэрийг бүртгэх, ашиглах журам батлагдлаа
Мониторингийн 2020 оны 7 дугаар сарын тайлан
“Үндэсний өв соёл, түүх, уламжлалыг илэрхийлсэн шилдэг бүтээл болон шилдэг телевиз, радио шалгаруулах уралдаан”-ы дүн гарлаа
Харилцаа холбооны зохицуулах хорооны 2020 оны 7 дугаар сард хүлээн авсан баримт бичгийн мэдээ
Т.БАТБОЛД: СОНГУУЛИЙН ХУГАЦААНД “ФЭЙСБҮҮК” КОМПАНИТАЙ ХАМТРАН ХУУЛЬ ЗӨРЧСӨН 403 КОНТЕНТЫГ ХЯЗГААРЛАСАН
Харилцаа холбооны зохицуулах хороо Монгол Улсын Их Хурлын 2020 оны ээлжит сонгуулиар хамтран ажилласан төрийн болон хувийн хэвшлийн аж, ахуй нэгж байгууллагуудтай уулзалт зохион байгууллаа
Журмын төсөлд санал авах тухай
МЭНДЧИЛГЭЭ