Шинэчлэгдсэн: 2015/11/30


Орон нутгийн телевизийн удирдах ажилтнуудад зориулсан сургалт семинар Улаанбаатар хотноо болж өндөрлөлөө


Харилцаа Холбооны Зохицуулах Хороо, МТШХХГ, Орон нутгийн хэвлэл мэдээллийн холбоотой хамтран 2014 оны 03 дугаар сарын 04-05-ны өдрүүдэд 21 аймгийн телевиз, радиогийн удирдах ажилтануудад зориулсан сургалт семинарыг Улаанбаатар хотод зохион байгууллаа. Энэхүү сургалт, семинарт Оюуны өмчийн газар, Мэдээлэл Холбооны чадавхийн хөгжлийн форум, Хэвлэлийн хүрээлэн, Кабелийн телевизийн үйлчилгээ эрхлэгчдийн холбоо болон салбарын үйлчилгээ эрхлэгчдийн нийт 60 гаруй төлөөлөл оролцлоо. Уг сургалтаар өргөн нэвтрүүлгийн хууль эрх зүйн орчин,  сэтгүүл зүйн үндсэн асуудлууд, телевизийн бизнес болон техник технологийн хөгжлийн чиг хандлага зэрэг өргөн хүрээтэй асуудлуудаар илтгэл тавигдаж, тоон технологийн шилжилт болон орон нутгийн телевизүүдэд тулгамдаж байгаа асуудлууд тэдгээрийг хэрхэн шийдэх арга замуудын талаар хэлэлцүүлж ярилцлаа.

Семинарын үеэр гарсан саналуудаас дурдвал:

  • Орон нутгийн телевизүүдийн зах зээлийн нөхцөл байдлыг харгалзан урсдаг зарыг тодорхой нөхцөл стандартын дагуу гаргахыг зөвшөөрөх;
  • Тоон технологид шилжихэд орон нутгийн телевизүүдэд төрөөс тодорхой дэмжлэг үзүүлэх;
  • Орон нутагт хандсан сургалт семинарын давтамжийг нэмэгдүүлж, мэдээ мэдээллийн хүртээмжтэй байдлыг хангах;
  • Хүний нөөцийг сургах, мэргэшүүлэхэд тодорхой дэмжлэг үзүүлэх;
  • Аймгийн төвийн телевизүүдийг бусад сумдуудад дамжуулахад дэмжлэг үзүүлж, орон нутагт шилэн кабелийн түрээсийн үнийг бууруулах;

Семинарын төгсгөлд Орон нутгийн хэвлэл мэдээллийн холбооноос МТШХХГ, ХХЗХ-нд хандаж тулгамдаж буй асуудлуудаар санал зөвлөмж гаргахаар болов.

Семинар дээр тавигдсан илтгэлүүд

Сэдэв Илтгэгч
1

Телевиз, радиогийн өргөн нэвтрүүлгийн тусгай зөвшөөрлийн нөхцөл шаардлага

Ч.Оюунгэрэл Зохицуулалтын албаны дарга
 
2 Монгол улсад тоон телевизийн өргөн нэвтрүүлэгийн хэрэгжүүлэлт З.Амгалан Ахлах мэргэжилтэн Радио давтамж зохицуулалтхяналтын алба

Бусад мэдээлэл

ХХЗХ, ШӨХТГ хамтран “Өрсөлдөөний тухай хууль”-ийн шинэчилсэн найруулгын төслийн хэлэлцүүлгийг зохион байгууллаа
"ХХЗХ-НЫ 25 ЖИЛИЙН ОЙН НЭРЭМЖИТ РАДИО СОНИРХОГЧИЙН НЭВТРҮҮЛЭГЧ ОЛОХ 2020 ОНЫ УЛСЫН АВАРГА ШАЛГАРУУЛАХ ТЭМЦЭЭН” ЗОХИОН БАЙГУУЛАГДЛАА
Харилцаа холбооны тусгай зөвшөөрөлтэй үйлчилгээ эрхлэгчдийн 2020 оны эхний хагас жилийн үндсэн үзүүлэлтүүд
“5G радио давтамжийн хуваарилалт, техникийн ерөнхий шаардлага” ажлын хэсгийн уулзалт, хэлэлцүүлэг
Орон нутгийн радио, телевизийн үйлчилгээ эрхлэгчдэд цахим сургалт хийлээ
РӨН-ийн үйлчилгээ эрхлэгчдэд 2020 оны 08-р сарын 15-наас 09-р сарын 15 хүртэл хийсэн суурин хяналтын мэдээ
ХХЗХ, ЦЕГ-ын Хар тамхитай тэмцэх газартай Улс хоорондын шуудан илгээмжээр, мансууруулах бодис, сэтгэцэд нөлөөлөх эм бэлдмэл нэвтрүүлэхээс урьдчилан сэргийлэх чиглэлээр хамтарч ажиллана
"Өргөн нэвтрүүлгийн үйлчилгээ эрхлэх зөвшөөрлийн журам", "Олон суваг дамжуулах үйлчилгээний үндсэн багцын зохицуулалтын журам"-уудын төслийн хэлэлцүүлгийг зохион байгуулагдаж байна
ӨСВӨР НАСНЫ ХҮҮХДҮҮДИЙН ЗАХИДЛЫН УРАЛДААНЫГ ЗОХИОН БАЙГУУЛНА
Интернэтийн бөөний үйлчилгээ эрхлэгчид болон интернэтийн үйлчилгээ эрхлэгчдийн хооронд байгуулсан интернэтийн холболтын гэрээний бүртгэлийн жагсаалт