Шинэчлэгдсэн: 2015/04/08


Алслагдсан газруудад интернэт хүргэнэ


Мэдээллийн технологи, шуудан, харилцаа холбооны газар Монгол Улсын  Засгийн газраас хэрэгжүүлж буй Цахим засаг үндэсний хөтөлбөрийн хүрээнд хувийн хэвшлийн хөрөнгө оруулалтаар төрийн байгууллагууд, түүнчлэн сургууль, цэцэрлэг, эмнэлэг, төрийн өмчит үйлдвэрийн газруудад хөдөлгөөнт холбоонд суурилсан интернэтийн үйлчилгээг нэвтрүүлэхээр “Кeвико”, “Номсис”, “Викомнэт воркс” ХХК-иудтай утасгүй интернетийн үйлчилгээг оруулахыг дэмжин, бодлого зохицуулалтын таатай орчинг бүрдүүлэхэд дэмжлэг үзүүлэн хамтран ажиллахаар МТШХХГ-ын дарга Ц.Жадамбаа тус компанийн удирдлагуудтай санамж бичигт гарын үсэг зурлаа.

Эдгээр салбартаа тэргүүлэгч компаниуд нь нийгмийн хариуцлагыг дээдэлж өөрийн хөрөнгө оруулалтаар нийслэл, дүүргийн алслагдсан гэр хороолол, хөдөө орон нутагт интернэтийг хүртээмжтэй болгох, хамрах хүрээг өргөжүүлэх, төрийн байгууллага, сургууль, цэцэрлэг, эмнэлэг, төрийн өмчит үйлдвэрийн газруудад утасгүй интернетийн үйлчилгээг нэвтрүүлэх үйл ажиллагааг хэрэгжүүлэх юм.

Компанийн хөрөнгө оруулалтаар хүргэсэн утасгүй интернэтийн сүлжээнд төрийн байгууллага, сургууль, цэцэрлэг, эмнэлэг, төрийн өмчит үйлдвэрийн газруудын  цахим хуудас үнэ төлбөргүй, мөн нэг хэрэглэгч өдөрт 2 удаа 15 минутаар нийт 30 минут тухайн сүлжээнд үнэгүй интернэтэд холбогдох эрхтэйгээр зохицуулалт хийж хамтран ажиллах аж.

Бусад мэдээлэл

"ХХЗХ-НЫ 25 ЖИЛИЙН ОЙН НЭРЭМЖИТ РАДИО СОНИРХОГЧИЙН НЭВТРҮҮЛЭГЧ ОЛОХ 2020 ОНЫ УЛСЫН АВАРГА ШАЛГАРУУЛАХ ТЭМЦЭЭН” ЗОХИОН БАЙГУУЛАГДЛАА
Харилцаа холбооны тусгай зөвшөөрөлтэй үйлчилгээ эрхлэгчдийн 2020 оны эхний хагас жилийн үндсэн үзүүлэлтүүд
“5G радио давтамжийн хуваарилалт, техникийн ерөнхий шаардлага” ажлын хэсгийн уулзалт, хэлэлцүүлэг
Орон нутгийн радио, телевизийн үйлчилгээ эрхлэгчдэд цахим сургалт хийлээ
РӨН-ийн үйлчилгээ эрхлэгчдэд 2020 оны 08-р сарын 15-наас 09-р сарын 15 хүртэл хийсэн суурин хяналтын мэдээ
ХХЗХ, ЦЕГ-ын Хар тамхитай тэмцэх газартай Улс хоорондын шуудан илгээмжээр, мансууруулах бодис, сэтгэцэд нөлөөлөх эм бэлдмэл нэвтрүүлэхээс урьдчилан сэргийлэх чиглэлээр хамтарч ажиллана
"Өргөн нэвтрүүлгийн үйлчилгээ эрхлэх зөвшөөрлийн журам", "Олон суваг дамжуулах үйлчилгээний үндсэн багцын зохицуулалтын журам"-уудын төслийн хэлэлцүүлгийг зохион байгуулагдаж байна
ӨСВӨР НАСНЫ ХҮҮХДҮҮДИЙН ЗАХИДЛЫН УРАЛДААНЫГ ЗОХИОН БАЙГУУЛНА
Интернэтийн бөөний үйлчилгээ эрхлэгчид болон интернэтийн үйлчилгээ эрхлэгчдийн хооронд байгуулсан интернэтийн холболтын гэрээний бүртгэлийн жагсаалт
Харилцаа холбооны зохицуулах хорооноос зөвшөөрөл эзэмшигчдэд анхааруулж байна тусгай зөвшөөрлийн төлбөрийн тухай