Шинэчлэгдсэн: 2015/04/08



2012 оны 11-р сарын 14 өдөр. 

Харилцаа Холбооны Зохицуулах Хороо нь Улаанбаатар хотод үйл ажиллагаа явуулж буй арилжааны телевизийн хөтөлбөрийн бүтэц, эфирийн бодлого, нэвтрүүлгийн агуулгад үнэлэлт дүгнэлт өгөх, иргэдийн зүгээс цаашид телевизээр үзэх сонирхолтой нэвтрүүлгийн чиг хандлага, үзэгчдийн хүлээлтийг тодорхойлох зорилгоор Улаанбаатар хот болон орон нутгийн иргэдийн саналыг асуух судалгааны ажлыг гүйцэтгэх саналыг иргэн, судалгааны баг, аж ахуйн нэгжээс авч байна.

 

Судалгааны ажлын чиглэл:

 

-          Эфирийн телевизүүдийн хөтөлбөрийн бүтэц, нэвтрүүлгийн агуулгад телевиз үзэгчдийн зүгээс үнэлэлт өгөх.

-          Орон нутгийн иргэдийг мэдээ, мэдээллээр хангах, тэдний дуу хоолой, үзэл бодлыг тэнцвэртэй хүргэж байгаа эсэхэд үнэлэлт өгөх.

-          Нэвтрүүлгийн рэйтинг тогтоох.

-          Телевизийн рейтинг тогтоох.

-          Телевиз үзэлтийн өнөөгийн байдалд дүгнэлт өгөх.

-          Үзэгчдийн хүлээлт, телевиз үзэлтийн цаашдын хандлагыг тодорхойлох.

-          Телевиз, телевизийн нэвтрүүлгүүдийн талаарх үзэгчдийн санал бодол, шүүмжлэл.

 

Гүйцэтгэгч тал нь доорх ажлыг хийж гүйцэтгэнэ:

-          Судалгааны аргазүй, аргачлал боловсруулах, судалгаа авах хэлбэрийг тодорхойлох.

-          Түүврийн хэмжээ, түүврийн нэгжийн хэмжээг тодорхойлон тогтоох.

-          Судалгааны асуулга боловсруулах

-          Судалгааны ажлын бүтэц, төлөвлөгөөг боловсруулах.

-          Судалгааны ажлыг зохион байгуулах, судалгаа авах.

-          Судалгааны дүнг нэгтгэж, боловсруулалт хийх.

-          Судалгааны дүнд үндэслэн санал, дүгнэлт боловсруулах.

-          Судалгааны дүнг захиалагч талд тайлагнах.

Дээрх ажлыг сонирхсон хувь хүн, судалгааны баг, албан байгууллагууд өөрийн танилцуулга, ажлын туршлага,  ажиллах хүчний талаарх мэдээлэл болон дээрх ажлыг гүйцэтгэх боломжит хугацааны талаар  болон бусад мэдээллээ тус хороонд биеэр болон цахим хаягаар холбогдон 2012 оны 12 дугаар сарын 14-ны өдрийг дуустал саналаа ирүүлэхийг урьж байна.

 

Харилцах утас: 304257, 304258

И-мэйл: info@crc.gov.mn

Харилцаа Холбооны Зохицуулах Хороо

Сүхбаатар дүүрэг, Сүхбаатарын гудамж-13,

Метро бизнес төв, 5 давхар

Улаанбаатар-14201, Монгол Улс

Вэб хаяг: http://www.crc.gov.mn/

Бусад мэдээлэл

ХХЗХ, ШӨХТГ хамтран “Өрсөлдөөний тухай хууль”-ийн шинэчилсэн найруулгын төслийн хэлэлцүүлгийг зохион байгууллаа
"ХХЗХ-НЫ 25 ЖИЛИЙН ОЙН НЭРЭМЖИТ РАДИО СОНИРХОГЧИЙН НЭВТРҮҮЛЭГЧ ОЛОХ 2020 ОНЫ УЛСЫН АВАРГА ШАЛГАРУУЛАХ ТЭМЦЭЭН” ЗОХИОН БАЙГУУЛАГДЛАА
Харилцаа холбооны тусгай зөвшөөрөлтэй үйлчилгээ эрхлэгчдийн 2020 оны эхний хагас жилийн үндсэн үзүүлэлтүүд
“5G радио давтамжийн хуваарилалт, техникийн ерөнхий шаардлага” ажлын хэсгийн уулзалт, хэлэлцүүлэг
Орон нутгийн радио, телевизийн үйлчилгээ эрхлэгчдэд цахим сургалт хийлээ
РӨН-ийн үйлчилгээ эрхлэгчдэд 2020 оны 08-р сарын 15-наас 09-р сарын 15 хүртэл хийсэн суурин хяналтын мэдээ
ХХЗХ, ЦЕГ-ын Хар тамхитай тэмцэх газартай Улс хоорондын шуудан илгээмжээр, мансууруулах бодис, сэтгэцэд нөлөөлөх эм бэлдмэл нэвтрүүлэхээс урьдчилан сэргийлэх чиглэлээр хамтарч ажиллана
"Өргөн нэвтрүүлгийн үйлчилгээ эрхлэх зөвшөөрлийн журам", "Олон суваг дамжуулах үйлчилгээний үндсэн багцын зохицуулалтын журам"-уудын төслийн хэлэлцүүлгийг зохион байгуулагдаж байна
ӨСВӨР НАСНЫ ХҮҮХДҮҮДИЙН ЗАХИДЛЫН УРАЛДААНЫГ ЗОХИОН БАЙГУУЛНА
Интернэтийн бөөний үйлчилгээ эрхлэгчид болон интернэтийн үйлчилгээ эрхлэгчдийн хооронд байгуулсан интернэтийн холболтын гэрээний бүртгэлийн жагсаалт