Шинэчлэгдсэн: 2021/07/07


ХХЗХ-ноос нэр бүхий өргөн нэвтрүүлгийн телевизүүдийн эфир тасарсан асуудлаар холбогдох газруудтай уулзалт зохион байгууллаа


2021.07.07

“Монголын цахилгаан холбоо” ХК болон хэрэглэгчдээс 2021 оны 07 дугаар сарын 07-ны өдөр ирүүлсэн гомдол, хүсэлтийн дагуу “МЦХ” ХК-ийн “National КаТВ” олон суваг дамжуулах үйлчилгээний сүлжээнээс Улаанбаатар хотод үйл ажиллагаа явуулж байгаа нэр бүхий өргөн нэвтрүүлгийн 9 телевизийн эфир 2021 оны 07 дугаар сарын 06-ны өдрөөс эхлэн тасарсан шалтгааныг тодруулах, зөрчлийг арилгуулах асуудлыг яаралтай хэлэлцэж шийдвэрлүүлэхээр “Монголын цахилгаан холбоо” ХК болон Монголын телевизүүдийн холбоотой 3 талт уулзалт зохион байгууллаа.

Уулзалтаар үүссэн нөхцөл байдлын шалтгаан нөхцлийг тодруулах, талуудын санал, байр суурийг сонсох, хууль тогтоомжид заасан  харилцаа холбоо, өргөн нэвтрүүлгийн үйлчилгээний тасралтгүй, найдвартай байдлыг хангаж ажиллах, иргэд, хэрэглэгчдийн эрх ашгийг хүндэтгэн хууль тогтоомжийн дагуу асуудлыг шийдвэрлэх талаар хэлэлцлээ.

 
 

Уулзалтын дараа  “МЦХ” ХК-ийн олон суваг дамжуулах үйлчилгээний сүлжээнээс хөтөлбөр дамжуулалтаа салгасан гэх нэр бүхий өргөн нэвтрүүлгийн телевизүүдийн удирдлагуудтай уулзаж,  шалтгаан нөхцөлийг тодрууллаа.

Уулзалтын үр дүнд ХХЗХ-ны дарга Г.Чинзориг хэрэглэгчдийн эрх ашгийг нэн тэргүүнд тавьж, 2021 оны 07 дугаар сарын 07-ны 15 цагт хөтөлбөр дамжуулалтаа зогсоосон гэх өргөн нэвтрүүлгийн 9 телевизэд сигналаа хэвийн өгөхийг, мөн Монголын телевизүүдийн холбоо болон “Монголын цахилгаан холбоо” ХК-д хөтөлбөр дамжуулалтын гэрээгээ яаралтай эцэслэн баталгаажуулах санал, зөвлөмжийг өглөө.

 

Бусад мэдээлэл

Цахим худалдаа хийхэд анхаарах зөвлөгөө
Ази, Номхон далайн бүс нутгийн шуудангийн салбарыг тахал өвчнөөс ангижрахад туслах ДШХ-ны шинэ санаачилга
САНАЛ АВАХ ТУХАЙ
1921 оны 07 сарын 19-ний энэ өдөр орчин цагийн Харилцаа холбооны салбарын анхны байгууллага “Шуудан бичиг, цахилгаан мэдээний ерөнхий хороо” байгуулагджээ
Санал гомдол шийдвэрлэлтийн мэдээ 2021 оны эхний хагас жилийн тайлан
Иргэний нисэхийн агаарын навигацийн үйлчилгээнд ашиглагдах радио давтамжийн хуваарилалт ба зохицуулалт
Шуудангийн нэгдсэн кодын танилцуулга
Телевизийн хөтөлбөр, зар сурталчилгааны журмын хэрэгжилтийг хангаж ажиллах, хяналт тавих талаар зөвлөмж
Сонгуулийн сурталчилгаанд хяналт тавьж ажилласан тайлан
РДӨНХТ-ийн 2021 оны 01 сарын 04-ний өдрөөс 2021 оны 06 сарын 17-ны өдөр хүртэл хугацаанд хийж гүйцэтгэсэн хэмжилт, хяналт, шалгалтын товч мэдээлэл