Шинэчлэгдсэн: 2020/10/13


Өсвөр насны хүүхдүүдийн захидлын уралдааныг зохион байгуулна


ӨСВӨР НАСНЫ ХҮҮХДҮҮДИЙН ЗАХИДЛЫН УРАЛДААНЫГ ЗОХИОН БАЙГУУЛНА

Дэлхийн шуудан холбоо нь 1874 онд байгуулагдсан Швейцарь улсын Берн хотод төвтөй, 192 гишүүн оронтой НҮБ-ын төрөлжсөн олон улсын мэргэжлийн байгууллага юм. Гишүүн улсуудад дэмжлэг үзүүлэх зорилгоор зохион байгуулдаг төрөл бүрийн сургалт, арга хэмжээний нэг нь өсвөр насны хүүхдүүдийн  олон улсын захидлын уралдаан юм. Монгол Улс тус холбоонд 1963 онд гишүүн орноор элссэн байдаг.

Дэлхийн шуудан холбооноос 49 дэх жилдээ зарлаж буй олон улсын өсвөр насны хүүхдүүдийн захидал бичлэгийн уралдааныг Харилцаа холбооны зохицуулах хороо улсын хэмжээнд 5 дах жилдээ  зохион байгуулагдаж байна.

Монгол улсын Харилцаа холбооны зохицуулах хороо нь 1995 онд байгуулагдсан ба холбогдох хуульд заасны дагуу харилцаа холбооны салбарт үйл ажиллагаа эрхлэх хуулийн этгээдэд тусгай зөвшөөрөл олгох, өрсөлдөөний зохицуулалт хийх, мэргэжил арга зүйн зөвлөгөө өгч, хуулийн хэрэгжилтэд хяналт тавин ажилладаг байгууллага юм.

Уралдааныг захидал бичгийн соёлоор дамжуулан өсвөр насны хүүхдүүдийн харилцааны чадварыг дээшлүүлэх, хүсэл мөрөөдлийг дэмжих зорилгоор 10-15 насны хүүхдүүдийн дунд “Амьдран буй дэлхий ертөнцийнхөө талаар томчуудад хандан юу хэлэхийг хүсэж байна вэ?” сэдвийн хүрээнд явуулна. 

Өмнөх оны уралдаанд нийт 665 сургуулийн 3600 гаруй хүүхэд захидал ирүүлж байсан бөгөөд Өвөрхангай аймгийн Баруунбаян-Улаан сумын сурагч Б.Буянбадрах тэргүүн байр эзэлж байв

Хүүхдүүд та нар төр засгийн удирдлагууд болон эрхэм дотны том хүмүүстээ хандан хэлэхийг хүссэн зүйлээ бичиж ирүүлнэ үү.

Хугацаа: 2020 оны 09 сарын 15-наас 2020 оны 10 сарын 15-ныг хүртэл

Шалгаруулалт: Ирүүлсэн захидлыг мэргэжлийн баг ажиллан шүүж, шилдэг 15 захидлыг шалгаруулан, МҮОНРТ-ийн хүүхдийн нэвтрүүлгээр орон даяар дамжуулна.

Шаардлага: Захидлыг цэвэр гаргацтай бичиж, зөвхөн шуудангаар илгээх бөгөөд хаягийн стандартын дагуу зип код буюу шуудангийн нэгдсэн кодыг заавал бичсэн байх шаардлагатай. Та өөрийн оршин суугаа нутаг дэвсгэрийн шуудангийн нэгдсэн кодын мэдээллийг www.zipcode.mn цахим хуудсаас аваарай.

Бусад мэдээлэл

Улаанбаатар хотын замын хөдөлгөөнд оролцохыг хязгаарлаагүй 13 чиглэлээр үйл ажиллагаа эрхэлдэг аж ахуйн нэгжүүд албаны хэрэгцээний QR зөвшөөрөл авах хүсэлтээ nokshtab@ulaanbaatar.mn хаягаар явуулна уу.
Санал авах тухай
Мэдэгдэл "Цахим тоглоомын газрын үйлчилгээ эрхлэгчдэд"
"Бүх нийтийн бэлэн байдал"-ын зэрэгт шилжүүлсэн хугацаанд иргэн, хуулийн этгээдийн өргөдөл, гомдлыг info@crc.gov.mn цахим хаягаар хүлээн авч байна
“COVID-19”-тэй холбоотой зөвлөгөө, мэдээлэл өгөх “Shuurkhai 119” мобайл аппликэйшн хэрэглээнд нэвтрүүлсэн байна
РАДИО, ТЕЛЕВИЗИЙН ҮЙЛЧИЛГЭЭ ЭРХЛЭГЧДЭД ЗӨВЛӨМЖ
Монголын сайтын холбоо уриалга
Цахим тоглоомын газрын үйлчилгээ эрхлэгчдэд мэдэгдэл хүргүүлэх тухай
Интернэтийн үйлчилгээ эрхлэгчдэд зөвлөмж хүргүүлэх тухай