Шинэчлэгдсэн: 2020/08/25


Харилцаа холбооны зохицуулах хороо Монгол Улсын Их Хурлын 2020 оны ээлжит сонгуулиар хамтран ажилласан төрийн болон хувийн хэвшлийн аж, ахуй нэгж байгууллагуудтай уулзалт зохион байгууллаа


Монгол Улсын Их хурлын 2020 оны ээлжит сонгууль 2020 оны 06 дугаар сарын 24-ний өдөр амжилттай болж өнгөрлөө. Харилцаа холбооны зохицуулах хороо нь Монгол Улсын Их хурлын сонгуулийн тухай хуулийн хүрээнд радио, телевиз болон цахим орчин ашиглан сонгуулийн сурталчилгаа явуулах үйл ажиллагаанд хяналт, мониторинг хийж, зохицуулах чиг үүргийг хэрэгжүүлж 2020 оны 06 дугаар сарын 01-ний өдрөөс 06 дугаар сарын 24-ний өдрийг дуусталх хугацаанд төрийн болон хувийн хэвшлийн аж ахуйн нэгж, байгууллагуудтай хамтран ажилласан.

Харилцаа холбооны зохицуулах хороо нь 2020 оны 07 дугаар сарын 29-ны өдөр хамтран ажилласан төрийн болон хувийн хэвшлийн аж ахуйн нэгж, байгууллагын төлөөллүүдийг хүлээн авч, уулзалт зохион байгуулсан юм. Уулзалтын үеэр тус хорооны дарга Г.Чинзориг Монгол Улсын Сонгуулийн ерөнхий хороо, Шударга өрсөлдөөн, хэрэглэгчийн төлөө газар, Цагдаагийн ерөнхий газар, Тагнуулын ерөнхий газар, Мэргэжлийн хяналтын ерөнхий газар болон радио телевизийн болон олон суваг дамжуулах үйлчилгээ эрхлэгчид, мэдээ, мэдээллийн цахим сайтууд зэрэг тал талын оролцоо бүхий байгууллагууд өөрсдийн чиг үүргийг хуулийн хүрээнд хариуцлага өндөртэй, хэрэгжүүлж, амжилттай ажилласныг онцлон тэмдэглэв.

Монгол Улсад орчин цагийн Харилцаа холбоо, Мэдээллийн технологийн салбар үүсэж, хөгжсөний 99 жилийн ойг тохиолдуулан Монгол Улсын Их Хурлын 2020 оны ээлжит сонгуулийн хугацаанд дэмжлэг үзүүлэн хамтран ажилласан, төрийн болон хувийн хэвшлийн байгууллагуудын албан хаагчдын төлөөллийг Харилцаа холбооны зохицуулах хорооны дарга Г.Чинзориг тус хорооны “Хүндэт жуух бичиг”-ээр шагналаа. Мөн удахгүй зохион байгуулагдах Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийн сурталчилгаанд хяналт, мониторинг хийхэд өмнө хуримтлуулсан туршлага, хамтын үйл ажиллагааны зарчмаа хадгалан ажиллах талаар төлөөлөн ирсэн байгууллагуудын албан хаагчидтай санал солилцсон юм.

 

Зурагт: Мэргэжлийн хяналтын ерөнхий газрын

Дэд бүтцийн хяналтын газрын дарга А.Жаргал

 

Зурагт: Мэргэжлийн хяналтын ерөнхий газрын Улсын ахлах байцаагч С.Бүрэнжаргал

 

Зурагт: Юнивишн ХХК-ийн Системийн менежер П.Оргил

 

Зурагт: ДДЭШ ТВ ХХК-ийн Техник, технологийн албаны дарга Н.Ариунболд

Бусад мэдээлэл

Фэйсбүүк компанитай цахим хурал зохион байгуулав
Шуудангийн тусгай зөвшөөрөл эзэмшигчдэд сургалт зохион байгууллаа
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2020 оны 2-р улиралд хийсэн мониторингийн дүн
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2020 оны 7-р сард хийсэн мониторингийн дүн
ХХЗХ, ШӨХТГ хамтран “Өрсөлдөөний тухай хууль”-ийн шинэчилсэн найруулгын төслийн хэлэлцүүлгийг зохион байгууллаа
"ХХЗХ-НЫ 25 ЖИЛИЙН ОЙН НЭРЭМЖИТ РАДИО СОНИРХОГЧИЙН НЭВТРҮҮЛЭГЧ ОЛОХ 2020 ОНЫ УЛСЫН АВАРГА ШАЛГАРУУЛАХ ТЭМЦЭЭН” ЗОХИОН БАЙГУУЛАГДЛАА
Харилцаа холбооны тусгай зөвшөөрөлтэй үйлчилгээ эрхлэгчдийн 2020 оны эхний хагас жилийн үндсэн үзүүлэлтүүд
“5G радио давтамжийн хуваарилалт, техникийн ерөнхий шаардлага” ажлын хэсгийн уулзалт, хэлэлцүүлэг
Орон нутгийн радио, телевизийн үйлчилгээ эрхлэгчдэд цахим сургалт хийлээ