Шинэчлэгдсэн: 2019/05/09


ЭМГЭНЭЛ


Бидний дотны анд нөхөр, хамтран зүтгэгч Ц.Энхбаяр нь өвчний улмаас таалал төгсөж Монголын харилцаа холбоо, телевизийн салбарын хувьд хүнд гарз тохиолоо.

Тэрээр Монголын томоохон телевизүүдийг үүсгэн байгуулах, техник, технологийг шинэ түвшинд гаргахад манлайлан ажиллаж байсан ба тус хорооны Мэдээллийн агуулга, чанар стандартын зохицуулалт, мониторингийн хэлтсийн даргаар ажиллах хугацаандаа өргөн нэвтрүүлгийн хууль эрх зүй, зохицуулалтын орчинг боловсронгуй болгох, хэрэгжилтийг сайжруулахын төлөө цаг ямагт сэтгэл зүрх, оюун ухаанаа зориулж байсан билээ.

Тэрээр өргөн нэвтрүүлгийн хуулийн төслийг боловсруулах, МУЗГ-т өргөн барихад гар бие оролцож,  Монгол улсын өргөн нэвтрүүлгийн хууль эрх зүй, зохицуулалтын орчинг шинэчлэх замаар өргөн нэвтрүүлгийн салбарт тулгамдаж буй асуудлуудыг дэс дараатай шийдвэрлэх, эрс шинэчлэлт, өөрчлөлтийг бий болгохын төлөө зорин ажиллаж байсан юм.

Түүний чин хүсэл нь Монгол улсын телевизийн өргөн нэвтрүүлгийн орон зайд улс үндэстний болон олон нийтийн эрх ашгийг хамгаалах, телевизийн салбарын зохистой хөгжлийг хангах, шударга өрсөлдөх нөхцлийг бүрдүүлэхүйц салбарын эрүүл тогтолцоог бий болгоход чиглэгдэж байсан бөгөөд үүнийхээ төлөө цаг ямагт сэтгэлээ чилээж, дуу хоолойгоо өргөж явлаа.

Энэ зорилтын хүрээнд өргөн нэвтрүүлгийн салбарт мөрдөгдөж буй зохицуулалтын баримт бичгүүдийг шинэчлэх, телевиз, радиогийн дуу, дүрсний чанарыг сайжруулах, өргөн нэвтрүүлгийн салбарт ажиллаж буй инженер, техникийн ажилтнуудыг сургах, мэргэшүүлэхэд анхаарал хандуулж, сургалт, семинар, уулзалт, хэлэлцүүлгүүдийг зохион байгуулах зэргээр үе шаmтай арга хэмжээ аван ажиллаж байлаа.

Ц. Энхбаяр нь үргэлж уншиж, судалж, суралцаж байдаг оюунлаг инженер, удирдагч, хамт олондоо хүндлэгдсэн дотны зөвлөгч байсан бөгөөд түүний эелдэг боловсон зан, дундаршгүй их мэдлэг, телевизийн салбарт хийж бүтээсэн, сургаж, зөвлөсөн бүхнийг хамт олон нь ямагт санан дурсах болно.

Ум сайн амгалан болтугай.

https://wetransfer.com/downloads/e6fabd2de8b8ab088c5fc0c6d9a9aec120190508132554/75a04c?fbclid=IwAR1E48y-pfUfGBkQDwny80BHTGs0iXNjQ21-R9caaKVML7vwTgNyWzr9y3A

Харилцаа холбооны зохицуулах хороо

Бусад мэдээлэл

Харилцаа холбооны зохицуулах хороонд ирүүлсэн өргөдөл, гомдол, санал, хүсэлт шийдвэрлэлтийн 2020 оны жилийн эцсийн тайлан
Зохицуулалт, нөхцөл шаардлагын төсөлд саналаа өгнө үү
ХХЗХ-нд 2020 оны 11 дүгээр сард ирсэн санал, гомдлын мэдээ
ЗАХИДАЛ БИЧЛЭГИЙН УРАЛДААНЫ ДҮН ГАРЛАА
Дуу ба дууны дохио түүний үзүүлэлтүүд
ДДэшТВ ХХК, Юнивишн ХХК-ийн сүлжээгээр дамжуулж буй Улаанбаатар хотын телевизүүдийн дууны гаралтын тогтмол түвшинд хийсэн хэмжилт, тохируулгын 2020 оны 01 дүээр сараас 11 дүгээр сар хүртэлх дүн мэдээ
Мэндчилгээ
ТУСГАЙ ДУГААРЫН ТАЛААР ХЭРЭГЛЭГЧДЭД ӨГӨХ ЗӨВЛӨМЖ
Харилцаа холбооны зохицуулах хорооны 2020 оны ээлжит 12 дугаар хуралдааны мэдээлэл
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2020 оны 11-р сард хийсэн мониторингийн дүн