Шинэчлэгдсэн: 2015/05/14


“Миний амьдрах мөрөөдлийн дэлхий” сэдэвт олон улсын хүүхдийн захидал бичих уралдааны дүн гарлаа


Дэлхийн шуудан холбоо байгууллагаас жил бүр зохион байгуулдаг олон улсын хүүхдийн захидал бичих уралдаанд Монгол улс албан ёсоор анх удаа оролцож байна. Тус уралдааныг 2015 онд Харилцаа холбооны зохицуулах байгууллага үүсч хөгжсөний 20 жилийн ой тохиож байгаатай холбогдуулан өсвөр насны хүүхдүүдийн бичгийн хэлний болон өөрийгөө илэрхийлэх чадварыг нэмэгдүүлэх, хүүхдийн хүсэл мөрөөдлийг дэмжих, захидал харилцааны соёлыг ойлгуулах зорилго дор Монгол орон даяар амжилттай зохион байгуулж өндөрлөлөө. 

Уралдаанд нийтдээ 21 аймаг, нийслэлийн 9 дүүргийн 4000 гаруй бүтээл ирсэн ба уралдааныг дүгнэх явц 2 үе шатнаас бүрдсэн юм. Аймаг, дүүрэг тус бүрээс эхний 3 байрт шалгарсан оролцогчдын шагналыг шуудангийн хаягаар нь хүргүүлэхэд бэлэн болоод байна. Мөн уралдааны эцсийн шалгаруулалт буюу улсын хэмжээний эхний 5 байрт дараах оролцогчдын бүтээл шалгарлаа. Үүнд:  

  1. Б.Уянгахишиг /Нийслэлийн Баянгол дүүрэг Монген цогцолбор сургуудийн 7б анги/
  2. Б.Хулан /Хэнтий аймаг Баян-Өндөр цогцолбор сургууль 7б анги /
  3. М.Номин-Эрдэнэ /Нийслэлийн Баянзүрх дүүрэг Шавь цогцолбор 10г анги /
  4. М.Солонго /Нийслэлийн Багахангай дүүрэг Хангай цогцолбор сургууль 7а анги/
  5. Г.Сарнай /Нийслэлийн Хан-Уул дүүрэг 32 дугаар сургууль 6а анги /

Эдгээр оролцогчдын шагналыг 5 дугаар сарын сүүлийн 7 хоногт зохион байгуулагдах холбоочдын баяраар гардуулах юм.

Улсын хэмжээнд шалгарсан нийт оролцогчдын ирүүлсэн бүтээлүүдийг шалгаруулах ажилд МУИС-ийн хэл шинжлэлийн танхимын доктор, профессор зэрэгтэй багш, ХХЗХ-ны мэргэжилтнүүдээс бүрдсэн шүүх баг ажилласан юм. Ийнхүү тус уралдааны тэргүүн байрыг эзэлсэн нийслэлийн Монген цогцолбор сургуулийн 7б ангийн сурагч Б.Уяангахишигийн бүтээлийг НҮБ-ын албан ёсны хэлүүдээс сонгон орчуулах олон улсын зохион байгуулагчдын дүрмийн дагуу Англи хэл дээр орчуулан тус уралдаанд илгээгээд байна. Олон улсын уралдааны дүн энэ оны 10 дугаар сард гарах юм байна.

Бусад мэдээлэл

Мониторингийн 2020 оны 9 дүгээр сарын тайлан
Зөвлөмж сонгуулийн сурталчилгаа нэвтрүүлэх эрх бүхий радио, телевизийн үйлчилгээ эрхлэгчдэд
Өсвөр насны хүүхдүүдийн захидлын уралдааныг зохион байгуулна
2019 онд Улаанбаатар хотын өргөн нэвтрүүлгийн телевиз, сувгууд нь 438 мянга гаруй цагийн хөтөлбөр бэлтгэн хүргэсэн байна
Шуудангийн илгээмж хүргэх хугацааг шинэчлэн тогтоолоо
Шуудангийн үйлчилгээ эрхлэгчдийн үйл ажиллагаанд хийсэн шалгалтын дүн гарлаа
“Радио, телевизээр нэвтрүүлэх зар сурталчилгааны зохицуулалтын журам”-ын төсөлд санал авч байна
Улс хоорондын шуудангийн үйлчилгээ эрхлэгчдийн уулзалт болов
ДДэшТВ ХХК, Юнивишн ХХК-ийн сүлжээгээр дамжуулж буй Улаанбаатар хотын телевиз, сувгуудын дууны гаралтын түвшинд хийсэн хэмжилт, тохируулгын 2020 оны 01- 08 дугаар сарын дүн мэдээ
Өргөн нэвтрүүлгийн үйлчилгээ эрхлэгчдийн дууны гаралтын түвшинг жигд тогтмол хэмжээнд байлгахад анхаарах зүйлс, цаашид авч хэрэгжүүлэх шаардлагатай арга хэмжээний талаарх зөвлөмж