Сүхбаатар, Чингэлтэй дүүргүүдийн цахим тоглоомын газрын үйлчилгээ эрхлэгчдэд сургалт зохион байгууллаа
ХХЗХ

Харилцаа холбооны зохицуулах хороо болон Улаанбаатар хотын Цагдаагийн газраас хамтран  Монгол улсын Засгийн газрын 2013 оны 410 дугаар тогтоолоор батлагдсан “Цахим тоглоомын газрын үйл ажиллагааг зохицуулах журам”-ын хэрэгжилтийн хүрээнд Нийслэлийн  Сүхбаатар, Чингэлтэй дүүрэгт үйл ажиллагаа эрхлэн явуулдаг цахим тоглоомын үйлчилгээ эрхлэгч иргэд, аж ахуйн нэгжүүдэд сургалт, хэлэлцүүлгийг  2015 оны 1 дүгээр сарын 28-ны өдөр Сүхбаатар дүүргийн Цагдаагийн 1-р хэлтсийн хурлын танхимд амжилттай зохион байгууллаа.

Энэхүү арга хэмжээнд Цагдаагийн ерөнхий газар, СБДүүргийн мэргэжлийн хяналтын газар, СБДүүргийн Онцгой байдлын ерөнхий газар, Улаанбаатар хотын Цагдаагийн газар, Сэтгэцийн эрүүл мэндийн үндэсний төвийн холбогдох мэргэжилтнүүд болон тус хорооны мэргэжилтэн, албан хаагчид оролцож “Цахим тоглоомын газрын үйл ажиллагааг зохицуулах журам”-ын тайлбар, ажлын байранд тавигдах стандарт, шаардлага, цахим тоглоомын хүүхдийн эрүүл мэндэд нөлөөлөх нөлөөлөл, галын аюулгүй байдал, цахим тоглоомын газруудад үйлдэгдсэн гэмт хэрэг, эдгээрээс хэрхэн сэргийлэх болон цахим тоглоомын насны ангиллын талаар илтгэл тавьж холбогдох асуудлаар үйлчилгээ эрхлэгчдийн санал бодлыг сонсон, хариулт өглөө.

Үйлчилгээ эрхлэгчдийн зүгээс цахим тоглоомын үйлчилгээ эрхлэгчдэд тавигдах стандарт шаардлагыг өндөр түвшинд тавьж, хангуулах тал дээр илүү анхаарч ажиллавал үйлчилгээний чанар, орчин сайжирч үүнийхээ хэрээр энэ төрлийн бизнесийн нэр хүнд, орлого өсөх боломжтой талаар ярьж байсантай бусад үйлчилгээ эрхлэгчид болон сургалтанд оролцсон мэргэжлийн байгууллагууд санал нэгтэй байлаа.  

Түүнчлэн өнгөрсөн онд Баянзүрх дүүргийн үйлчилгээ эрхлэгчдэд хийсэн сургалт, хэлэлцүүлгийн үеэр яригдсан журмаар орон сууцны 1-р давхарт үйлчилгээ эрхлэхийг хориглосон нь учир дутагдалтай, ойлгомжгүй байдал үүсгэж байгаа, зарим цахим тоглоомын газрууд нь холбогдох хууль, журмыг илэрхий зөрчиж байгаа зэрэг асуудлууд мөн адил яригдаж байв. Харилцаа холбооны зохицуулах хороо нь үйлчилгээ эрхлэгчдэд хийсэн сургалт, семинараас гарсан санал, хүсэлтийг нэгтгэн Хууль зүйн яаманд хүргүүлээд байгаа тухай үйлчилгээ эрхлэгчдэд мэдээллээ.

Сургалтын төгсгөлд үйлчилгээ эрхлэгчдээс авсан санал асуулгаас харахад энэхүү сургалт, семинар нь хэрэгтэй мэдээлэл өгч чадсан, үр дүнтэй сургалт боллоо гэж дүгнэсэн байна.

С.Дашбалбар
ШИНЭЧЛЭГДСЭН: 2015/11/30
Мэдээ мэдээлэл
Харилцаа Холбооны Зохицуулах Хорооноос тусгай зөвшөөрлийн төлбөр тооцооны системд (bill.crc.gov.mn) нэвтрэх зааврыг хүргүүлж байна
Харилцаа Холбооны Зохицуулах Хорооноос тусгай зөвшөөрлийн төлбөр тооцооны системд (bill.crc.gov.mn) нэвтрэх зааврыг хүргүүлж байна
11.12
Шуудангийн салбарын зөвлөгөөн зохион байгуулагдаж байна
“Шуудангийн салбарын зохицуулалт-2019” сэдэвт төр, хувийн хэвшлийн байгууллага, тусгай зөвшөөрөл эзэмшигчид оролцсон зөвлөгөөнийг 2019 оны 11 дүгээр сарын 13, 14-ний өдрүүдэд
11.12
Санал гомдол шийдвэрлэлтийн мэдээ 2019 оны 9 сар
Санал гомдол шийдвэрлэлтийн мэдээ 2019 оны 9 сар
11.08
Санал гомдол шийдвэрлэлтийн мэдээ 2019 оны 8 сар
Санал гомдол шийдвэрлэлтийн мэдээ 2019 оны 8 сар
11.08
Харилцаа холбооны салбар хуулиудын нэмэлт өөрчлөлтийн танилцуулга
Харилцаа холбооны салбар хуулиудын нэмэлт өөрчлөлтийн танилцуулга
11.07
Санал хүсэлт шийдвэрлэлтийн байдал
Шийдвэрлэлтийн байдал
11.07
ДДэшТВ ХХК, Юнивишн ХХК-ийн сүлжээгээр нэвтрүүлж буй телевиз, сувгуудын дууны түвшинд хийгдсэн хэмжилт, тохируулгын 2019 оны III-р улирлын дүн мэдээ
Өргөн нэвтрүүлгийн телевиз, сувгуудын дууны түвшин тогтмол бус байгаа шалтгаан, цаашид авах арга хэмжээ
11.06
Баталгаажуулж гэрчилгээ олгосон харилцаа холбооны тоног төхөөрөмж
Баталгаажуулж гэрчилгээ олгосон харилцаа холбооны тоног төхөөрөмж
11.05
Санал гомдол шийдвэрлэлтийн мэдээ 2019 оны 7 сар
Санал гомдол шийдвэрлэлтийн мэдээ 2019 оны 7 сар
11.05
Шуудангийн нэгдсэн кодын шинэчилсэн жагсаалт батлагдлаа
Шуудангийн тухай хуулийн 7.1.14-т заасны дагуу Харилцаа холбоо, мэдээллийн технологийн газрын даргын 2019 оны 10 дугаар сарын 22-ны А/137 тоот тушаалаар шуудангийн нэгдсэн кодын шинэчилсэн жагсаалтыг баталлаа
11.04