Харилцаа холбооны зохицуулах хорооны 2014 оны ээлжит 9 дүгээр хуралдааны мэдээлэл
ХХЗХ

Монгол Улсын Харилцаа холбооны зохицуулах хорооны 2014 оны ээлжит 9 дүгээр хуралдааныг 2014 оны 12 дугаар сарын 08-ны өдөр зохион байгуулав. Уг хуралдаанаар нийтдээ 12 асуудлыг хэлэлцэж, хэлэлцсэн асуудлаар хорооны 4 тогтоолыг батлан   шийдвэрлэв.

Харилцаа холбооны зохицуулах хорооны дүрмийн 3.2.4, 3.3 дугаар заалтыг тус тус үндэслэн “Журам шинэчлэн батлах, зохицуулалтын баримт бичигт нэмэлт өөрчлөлт оруулах тухай” 2014 оны 12 дугаар сарын 08-ны өдрийн 52 тоот тогтоолыг хуралдаанаар батлав. Энэхүү тогтоолын нэгдүгээр хавсралтаар “Мэдээлэл холбооны сүлжээ, дэд бүтцийг хамтран ашиглах журам”-ыг шинэчлэв.

Түүнчлэн тус хорооны 2013 оны 26 дугаар тогтоолоор батлагдсан “Монгол Улсын Мэдээлэл, холбооны сүлжээний зохицуулалт” баримт бичгийн хоёрдугаар хавсралтад холбогдох нэмэлтийг оруулсан болно. Энэхүү чиглэлээр олон улсын хууль эрх зүй, зохицуулалтын орчин, туршлагыг судалж, одоогийн мөрдөж буй холбогдох зохицуулалтын журам баримт бичгийг зайлшгүй шинэ нөхцөлд нийцүүлэн өөрчлөх шаардлага, зах зээлд үйлчилгээ эрхэлж байгаа тусгай зөвшөөрөл эзэмшигчдийн саналыг тусган журмыг боловсруулжээ. Журмаар харилцаа холбооны сүлжээ, инженерийн барилга байгууламжийг хэсэгчлэн түрээслэх суурь зарчмыг тодорхойлсон ба “А” ангиллын сүлжээний үйлчилгээ эрхлэгчдийн дэд бүтцийг хамтран ашиглаж буй үйл ажиллагааг зохицуулна.

Тус хуралдааны 53 тоот тогтоолын хавсралтаар “Сүлжээнд холбогдох болон сүлжээ хоорондын харилцан холболтын ерөнхий журам”-ыг шинэчлэн баталлаа. Харилцан холбогдох шаардлагатай сүлжээний төрөл нэмэгдэж, шинэ техник технологи нэвтэрч байгаа учраас хуучин мөрдөгдөж байсан зохицуулалтын журмын нэр томьёог шинэчлэн уялдуулах, хамрах хүрээнд интернет, телевиз зэрэг сүлжээнүүдийг шинээр хамруулах шаардлага бий болсон байна. ХХЗХ-ноос харилцаа холбооны салбарт үйл ажиллагаа эрхлэх зөвшөөрөл авсан үйлчилгээ эрхлэгч нь сүлжээнд холбогдох болон бусад сүлжээтэй харилцан холболт хийх зарчим, тавигдах ерөнхий ба техникийн нөхцөл, зааглах цэг тогтоох, харилцан  гэрээ байгуулах, маргааны шийдвэрлэх зэрэг харилцааг энэхүү журмаар зохицуулахаар тогтоож өгсөн байна. Энэхүү журам батлагдсантай холбогдуулан 2003 оны 37 дугаар тогтоолоор батлагдсан “Цахилгаан холбооны сүлжээнд холбогдох болон сүлжээ хоорондын харилцан холболтын ерөнхий журам”-ыг хүчингүй болгов.

Монгол Улсын “Харилцаа холбооны тухай хууль”-ийн 9.1.10, тус хорооны Дүрмийн 3.2.4, 3.3 дахь заалт, тус хорооны 2014 оны 20 дугаар тогтоолыг тус тус үндэслэн  “Монгол Улсын хэмжээнд 18 ГГц, 22 ГГц, 38 ГГц-ийн давтамжийн зурваст ажиллах радио релейний системийг зохион байгуулах шаардлага, сувгийн хуваарилалт”-ыг 2014 оны 12 дугаар сарын 08-ны өдрийн 54 тоот тогтоолын хавсралтаар батлав. Радио давтамжийн 17,7 ГГц–19,7 ГГц, 21,2ГГц--23,6 ГГц, 36 ГГц—40,5 ГГц-ийн зурваст ажиллах радио релейний системийг зохион байгуулах шаардлага, сувгийн хуваарилалтын баримт бичгийг боловсруулахдаа олон улсын байгууллагын зөвлөмж, мөрдөгдөж буй бодлого зохицуулалтын баримт бичгүүд, нөхцөл шаардлагатай уялдуулж, цаашдын хөгжлийн чиг хандлагыг харгалзсан байна. Уг баримт бичиг батлагдсанаар 18 ГГц, 22 ГГц, 38 ГГц-ийн давтамжийн зурваст радио релейний системийн давтамжийн тусгай зөвшөөрлийг олгох, зохицуулалтыг хэрэгжүүлэх боломжийг бүрдүүлэв.

Хорооны хуралдааны 55 дугаар тогтоолоор Монгол Улсын “Аж ахуйн үйл ажиллагааны тусгай зөвшөөрлийн тухай хууль”-ийн 10.1.1, 13.3, 14.1.1, 14.1.4,  “Харилцаа холбооны тухай хууль”-ийн 9.1.2, 15.1.3, тус хорооны Дүрмийн 3 дугаар зүйлийн 2.2 дах хэсгийг тус тус үндэслэн үйлчилгээ эрхлэх болон радио давтамж ашиглах тусгай зөвшөөрлийг 24 иргэн, хуулийн этгээдэд шинээр олгох; тусгай зөвшөөрлийн гэрээний нөхцөл шаардлагыг хугацаанд нь биелүүлсэн 32 иргэн, хуулийн этгээдийн тусгай зөвшөөрлийг сэргээх; 23 иргэн, хуулийн этгээдийн тусгай зөвшөөрлийг хүчингүй болгохоор шийдвэрлэсэн болно.   

(Хуралдааны баталсан тогтоолын жагсаалт, хавсралтыг үзнэ үү).

С.Дашбалбар
ШИНЭЧЛЭГДСЭН: 2015/05/25
Мэдээ мэдээлэл
Мониторингийн 2020 оны 6 дугаар сарын тайлан
Мониторингийн 2020 оны 6 дугаар сарын тайлан
07.03
Радио давтамжийн цахилгаан соронзон орны хүнд үзүүлэх нөлөөний аюулгүйн түвшний хэмжилт Юнител ХХК 06/1387
Радио давтамжийн цахилгаан соронзон орны хүнд үзүүлэх нөлөөний аюулгүйн түвшний хэмжилт Юнител ХХК 06/1387
07.02
Олон улсын стандартуудыг орчуулах зөвлөх үйлчилгээний тухай зарлал
Харилцаа холбооны зохицуулах хороо нь доорх стандартуудыг орчуулах ажлыг хэрэгжүүлэх зорилгоор зөвлөх үйлчилгээний гэрээ байгуулах гэж байгаа тул уг үйлчилгээг үзүүлэх хүсэлтэй зөвлөхийн багийг мэдүүлгээ ирүүлэхийг урьж байна. Үүнд:
07.02
Мэдэгдэл
Дараах хуулийн этгээд /иргэн/-үүд тус журамд заасан хугацааны дотор зөвшөөрлийн хугацаагаа сунгуулах хүсэлтээ ирүүлнэ үү.
07.01
Мониторингийн 2020 оны 5 дугаар сарын тайлан
Мониторингийн 2020 оны 5 дугаар сарын тайлан
06.26
Стандарт боловсруулах зөвлөх үйлчилгээний тухай зарлал
Стандарт боловсруулах зөвлөх үйлчилгээний тухай зарлал
06.25
“Өргөн нэвтрүүлгийн салбарын өрсөлдөөнд зохиогчийн эрхийн зөрчлийн үзүүлэх нөлөөлөл” сэдвээр судалгааны ажил хийгдэж байна.
“Өргөн нэвтрүүлгийн салбарын өрсөлдөөнд зохиогчийн эрхийн зөрчлийн үзүүлэх нөлөөлөл” сэдвээр судалгааны ажил хийгдэж байна.
06.23
Стандарт боловсруулах зөвлөх үйлчилгээний тухай зарлал /ISO/IEC 38500:2015/
ISO/IEC 38500:2015 Information technology - Governance of IT for the organization
06.22
Стандарт боловсруулах зөвлөх үйлчилгээний тухай зарлал /MNS 5843:2008/
MNS 5843:2008 Хамгаалалтын дохиоллын тоног төхөөрөмжийн техникийн үндсэн үзүүлэлт. Угсралт суурилуулалт, үйлчилгээнд тавих ерөнхий шаардлага
06.22
Стандарт боловсруулах зөвлөх үйлчилгээний тухай зарлал /MNS 6528:2015/
MNS 6528:2015 Дата төвийн цахилгаан холбооны дэд бүтэц
06.22