Мэдээлэл, харилцаа холбооны сүлжээний болон хэрэглэгчийн тоног төхөөрөмжид баталгаажуулалт хийнэ
ХХЗХ

Харилцаа холбооны зохицуулах хорооноос Мэдээлэл, харилцаа холбооны сүлжээний болон хэрэглэгчийн төгсгөлийн төхөөрөмжүүдэд сорилт, туршилт хийх, үр дүнг үндэслэн тухайн төхөөрөмжийг баталгаажуулж тохирлын гэрчилгээ олгох бүрэн эрхийнхээ хүрээнд 2013 оноос идэвхитэй ажиллаж эхлээд байна.

Энэ хугацаанд “Мэдээлэл, харилцаа холбооны тоног төхөөрөмжийн загварыг баталгаажуулах журам” түүнчлэн чанарын гарын авлага, бусад холбогдох баримт бичиг зэргийг олон улсын ISO:17065 болон үндэсний MNS ISO:17065-2013 стандартын хүрээнд боловсруулж батлан үйл ажиллагаандаа мөрдлөг болгон ажиллаж байна.

Харилцаа холбооны зохицуулах хороо нь 2013 онд баталгаажуулалтын чиглэлээр ХБНГУ-ын “TUV Sud” компанитай хамтран ажиллах санамж бичигт гарын үсэг зурснаар Мэдээлэл, харилцаа холбооны салбарт тоног төхөөрөмжийн баталгаажуулалт хийгдэх ажилд томоохон дэвшил гаргасан. Түүнчлэн тус хорооны Радио давтамж зохицуулалт, хяналтын албаны хүрээнд БНСУ-ын Мэдээлэлжсэн нийгмийн хөгжлийн хүрээлэн (KISDI)-тэй хамтран ажиллах, зөвлөх үйлчилгээний хүрээнд баталгаажуулалт, тохирлын чиглэлээр сургалт зохион байгуулсан.

Дээрх ажлуудыг зохион байгуулж хүчин чармайлт гаргасны үр дүнд Харилцаа холбооны зохицуулах хорооны зүгээс Стандартчлал, хэмжилзүйн газарт хандан Мэдээлэл, харилцаа холбооны салбарт баталгаажуулалт хийж буй үйл ажиллагаагаа итгэмжлүүлэхээр 2013 оны 08 дугаар сард хүсэлт гарган улмаар 2013 оны 11 дүгээр сар, 2014 оны 04 дүгээр сар болон 05 дугаар сард Стандартчлал, хэмжилзүйн газраас ажлын хэсэг зохион байгуулагдан Зохицуулах хороонд ажиллаж, үнэлэлт, дүгнэлт өгсөн.

Ийнхүү Стандарчлал, хэмжилзүйн газрын даргын 2014 оны А/218 тоот шийдвэрээр Харилцаа холбооны зохицуулах хороог Мэдээлэл, харилцаа холбооны салбарт баталгаажуулалт хийх үйл ажиллагааг 2014 оны 06 дугаар сарын 18-ны өдрөөс эхлэн 2 жилийн хугацаатайгаар итгэмжилж, гэрчилгээг олгосон.

Энэхүү баталгаажуулалт хийх итгэмжлэлийн хамрах хүрээ нь:

  1. Нийтийн хэрэглээний хөдөлгөөнт (Public Mobile) хэрэглэгчийн тоног төхөөрөмжүүд;
  2. Хувийн хэрэглээний хөдөлгөөнт (Private Mobile) төхөөрөмжүүд;
  3. Суурин утасгүй холбооны (Fixed Wireless) төхөөрөмжүүд;
  4. Богино зайн радио холбооны (Short Range Devices) төхөөрөмжүүд;
  5. Хиймэл дагуулын (Satellite)төхөөрөмжүүд;
  6. Өргөн нэвтрүүлгийн (Broadcasting) төхөөрөмжүүд;

Түүнчлэн Мэдээлэл, харилцаа холбооны тоног төхөөрөмжүүдэд баталгаажуулалт хийж тохирлын гэрчилгээ олгохтой холбоотойгоор дараахь баримт бичгүүдийг боловсруулан мөрдлөг болгон ашиглаж байна. Үүнд:

  • Чанарын гарын авлага;
  • Мэдээлэл, харилцаа холбооны тоног төхөөрөмжийн загварыг баталгаажуулах журам;
  • Баримт бичгийн хяналтын журам;
  • Бүртгэлийг хөтлөх, нэвтрэх, хадгалах, устгах журам;
  • Дотоод аудит, хяналт мониторингийн журам;
  • Удирдлагын дүн шинжилгээ хийх журам;
  • Баталгаажуулалтын гэрчилгээ олгох, хадгалах, хугацаа сунгах,  гэрчилгээ цуцлахад тавих журам;
  • Баталгаажуулалтын явцад олж авсан мэдээллийн нууцлаг байдлыг хадгалах журам;
  • Баталгаажуулалтын үйл ажиллагаатай холбоотой гарсан зарга, гомдол, маргаан барагдуулах журам;
  • Үл тохирлыг шийдвэрлэх болон аливаа залруулах, сэргийлэх талаар авсан арга хэмжээний үр нөлөөг хангах журам;
  • Хүлээн зөвшөөрсөн хавсран гүйцэтгэгчийн ур чадварыг үнэлж бүртгэх, хамтран ажиллах, ажиглалт хийх журам;
  • Тохирлын үнэлгээний тайлан, танилцуулга бичих заавар;
  • Баталгаажуулалтын орон тооны бус мэргэжилтэн, хавсран гүйцэтгэгчтэй байгуулах гэрээ;
  • Тохирлын гэрчилгээ хэрэглэх гэрээ.

Цаашид Харилцаа холбооны зохицуулах хорооноос мэдээлэл, харилцаа холбооны сүлжээний тоног төхөөрөмж болох үүрэн холбооны бааз станц, радио, телевизийн өргөн нэвтрүүлгийг дамжуулах станц, сансрын холбооны газрын станц болон хэрэглэгчийн төгсгөлийн төхөөрөмжүүд болох тоон телевизийн дохио хүлээн авах хэрэглэгчийн хувиргагч төхөөрөмж (set top box), утасгүй интернэтийн (Wi-Fi Modem) хэрэглэгчийн төхөөрөмж, харилцааны суурин болон зөөврийн станц, үүрэн холбооны хэрэглэгчийн төхөөрөмж буюу гар утас зэрэгт сорилт туршилт хийж баталгаажуулан тохирлын гэрчилгээ олгох болно.

Иймд мэдээлэл, харилцаа холбооны салбарт үйл ажиллагаа явуулж буй үйлчилгээ эрхлэгчдийн хувьд өөрийн сүлжээнд ашиглаж буй тоног төхөөрөмжөө, харин хэрэглэгчийн төхөөрөмж нийлүүлэгчдийн хувьд зах зээлд борлуулж буй хэрэглэгчийн төхөөрөмжүүдийг зайлшгүй баталгаажуулж, тохирлын гэрчилгээ авч ашиглах, борлуулах шаардлагатай болж байгааг үйл ажиллагаандаа анхаарч ажиллахыг зөвлөмж болгож байна.

С.Дашбалбар
ШИНЭЧЛЭГДСЭН: 2016/03/30
Бусад мэдээлэл
Мэдээ мэдээлэл
Харилцаа холбооны хөгжил, шуудангийн зохицуулалт 2017” зөвлөгөөн
“Харилцаа холбооны хөгжил, шуудангийн зохицуулалт 2017” зөвлөгөөнийг 2017 оны 11 дүгээр сарын 14-ний өдөр Гадаад харилцааны яамны Зөвшилцөл танхимд нийт 95 төлөөлөгчтэйгөөр хөтөлбөрийн дагуу зохион байгууллаа.
11.23
Цахилгаан соронзон оронгийн хүний биед үзүүлэх нөлөөллийн хэмжилт
Цахилгаан соронзон оронгийн хүний биед үзүүлэх нөлөөллийн хэмжилт
11.22
ДДэшТВ ХХК, Юнивишн ХХК-ийн телевиз сувгуудаас ирж буй дууны түвшинд хийсэн 2017 оны 1-10 дугаар сарын хэмжилт тохируулгын дүн мэдээ
ДДэшТВ ХХК, Юнивишн ХХК-ийн телевиз сувгуудаас ирж буй дууны түвшинд хийсэн 2017 оны 1-10 дугаар сарын хэмжилт тохируулгын дүн мэдээ
11.22
Өнөөдөр дэлхийн телевиз өдөр тохиож байна
Нэгдсэн Үндэсний байгууллагын Ерөнхий Ассамблейгаас жил бүрийн 11 дүгээр сарын 21-ны өдрийг Дэлхийн телевизийн өдөр болгон тэмдэглэж, энэ өдрийг тохиолдуулан улс орнуудын төрийн болон төрийн бус байгууллага, боловсролын байгууллагууд хэвлэл мэдээллийн гол хэрэгсэл болсон телевизийн нийгэм, улс төр, эдийн засгийн хөгжилд оруулж буй хувь нэмэр, ардчиллын суурь зарчмыг хангах, улс үндэстний соёлын олон талт, ялгаатай онцлог байдлыг дэмжин, хамгаалахад гүйцэтгэж байгаа үүрэг, нийгэмд үзүүлэх нөлөөллийг сурталчлан таниулах чиглэлээр төрөл бүрийн арга хэмжээ зохион байгуулдаг.
11.21
“ХАРИЛЦАА ХОЛБООНЫ ХӨГЖИЛ: ШУУДАНГИЙН САЛБАРЫН ЗОХИЦУУЛАЛТ- 2017”
Харилцаа холбооны зохицуулах хорооноос шуудангийн салбарын өнөөгийн бодлого, зохицуулалт, хөгжлийн чиглэлээр 2004 оноос эхлэн жил бүр хэлэлцүүлэг, зөвлөгөөн, форумыг зохион байгуулж ирсэн билээ. Энэ удаагийн зөвлөгөөнийг “Харилцаа холбооны хөгжил: Шуудангийн зохицуулалт-2017” сэдвийн дор төр, хувийн хэвшлийн байгууллага, тусгай зөвшөөрөл эзэмшигчид оролцоно.
11.10
Улаанбаатар хотын хэт богино долгионы радио өргөн нэвтрүүлгийн үйлчилгээ эрхлэгчдэд 2017 оны 10-р сарын 01-31-ний өдрийн хооронд хийсэн суурин хяналтын товч мэдээ
Улаанбаатар хотын хэт богино долгионы радио өргөн нэвтрүүлгийн үйлчилгээ эрхлэгчдэд 2017 оны 10-р сарын 01-31-ний өдрийн хооронд хийсэн суурин хяналтын товч мэдээ
11.03
Зөвлөхийн тендерийн урилга
Зөвлөхийн тендерийн урилга
10.31
Харилцаа холбоо, мэдээллийн технологийн салбарын эдийн засагч, мэргэжилтнүүдийн чадварыг дээшлүүлэх зорилгоор “ӨРТГИЙН ЗАГВАРЧЛАЛ” сэдэвт сургалтыг ОУЦХБ-тай хамтран зохион байгуулж байна
Монгол улсын мэдээлэл, харилцаа харилцаа холбооны салбар нь хамгийн сайн либералчлагдсан салбар юм. Тийм ч учраас төрийн зүгээс хуулиар олгогдсоноос бусад зах зээлийн үнэ, тарифид хяналт тавиад байдаггүй. Зах зээлд нийлүүлэгдэж байгаа бүтээгдэхүүн, үйлчилгээнүүдийн үнэ тарифыг тогтоохдоо өртгөө хэрхэн тооцохоос ихээхэн хамаардаг.
10.24
Улаанбаатар хотын хэт богино долгионы радио өргөн нэвтрүүлгийн үйлчилгээ эрхлэгчдэд 2017 оны 07-р сарын 01-нээс 09-р сарын 30-ны өдрийн хооронд хийсэн суурин хяналтын мэдээ
Улаанбаатар хотод хэт богино долгионы радио өргөн нэвтрүүлгийн үйл ажиллагаа эрхлэх тусгай зөвшөөрөлтэй 31 аж ахуйн нэгжид 2017 оны 07 дугаар сарын 01-ний өдрөөс 09 дүгээр сарын 30-ны өдрийн хооронд суурин хяналт хийснээс 6 радиогийн үйлчилгээ эрхлэгчийн давтамжийн хазайлтын утга стандарт хэмжээнээс хэтэрсэн, эдгээрээс 1 радиогийн үйлчилгээ эрхлэгчийн эзэлсэн зурвасын өргөн стандарт хэмжээнээс их, 25 радиогийн үйлчилгээ эрхлэгчийн үйл ажиллагаа хэвийн ажиллаж байна
10.17