ХХЗХ-ны төлөөлөгчид ИБУИНВУ-ын Зохицуулах байгууллагатай хамтын ажиллагаа тогтоов
ХХЗХ

Тус хорооны дарга Б. Балгансүрэн тэргүүтэй төлөөлөгчид  2013 оны 10 дугаар сарын 7-8-ны өдрүүдэд Их Британи Улсын Лондон хотод “Олон улсын харилцаа холбооны институт” (International Institute for Communications - IIC) байгууллагаас жил бүр зохион байгуулдаг Олон улсын зохицуулагчдын форумд оролцоод ирлээ.  Тус форумд 40 гаруй улсын харилцаа холбооны зохицуулах байгууллагын удирдах албан тушаалын 80 орчим төлөөлөгчид оролцсон бөгөөд үүнээс 18 нь зохицуулах байгууллагын дарга,  удирдлагын төлөөлөл байлаа. Форумаар зохицуулах байгууллагуудад нийтлэг, сүүлийн үеийн тулгамдсан дараах сэдвүүдээр 6 салбар хуралдаан, хэлэлцүүлэг зохион байгуулан туршлага, саналаа харилцан солилцов. Үүнд:

  1. Нэгдэн нийлж байгаа үеийн зохицуулалт буюу өргөн нэвтрүүлэг болон цахилгаан холбооны салбарын зохицуулалтын уялдаа холбоо, ялгаатай талууд
  2. Зохицуулагч хэрхэн өөрөө өөрийнхөө амжилт, үйл ажиллагааг үнэлэх вэ?
  3. Зохицуулалтын ямар асуудлууд дээр олон улсын хамтын ажиллагаа боломжтой вэ?
  4. OTT эсвэл контент, аппликэшн нийлүүлэгчид – Зохицуулагчид тавьж буй асуудлууд
  5. Дэд бүтцийг хүртээмжтэй байлгахад тулгарч буй асуудлууд болон түүнийг нийгмийн сайн сайхан, хэрэглэгчийн эрх ашгийн тусын тулд ашиглах нь
  6. Шинээр алхам тутам бий болж буй асуудлуудыг хэрхэн шийдвэрлэх вэ?

Энэ үеэр тус хорооны дарга Б. Балгансүрэн 5 дахь салбар хуралдаан буюу “Дэд бүтцийг хүртээмжтэй байлгахад тулгарч буй асуудлууд болон түүнийг нийгмийн сайн сайхан, хэрэглэгчийн эрх ашгийн тусын тулд ашиглах нь” хэлэлцүүлэгт илтгэгчээр оролцож, Монгол Улсын мэдээлэл, холбооны сүлжээний өнөөгийн нөхцөл байдал, тулгамдаж буй асуудлын талаар танилцуулж, санал бодлоо солилцсон.  Тэр дундаа Монгол Улсын хувьд өргөн уудам нутагтай, хүн ам цөөтэй, тархай байрлалтай зэрэг бусад улсаас эрс ялгаатай онцлог нь сүлжээ дэд бүтцийг үр ашигтай байгуулахад нэлээд хүндрэл, бэрхшээл учруулдаг асуудлыг хөндөн ярилцсан юм.

Энэхүү форум нь зөвхөн зохицуулах байгууллагын удирдах түвшний хүрээнд хаалттай зохион байгуулагддагаараа онцлог бөгөөд уг форумын үед зохицуулах байгууллагуудын удирдлагууд бүхий л тулгамдсан бэрхшээлтэй асуудлуудаа нээлттэй, илэн далангүй ярилцаж, харилцан туршлага солилцдог. Энэ удаагийн форумыг Их Британийн зохицуулах байгууллага OFCOM хамтран зохион байгуулсан болно. 

Зохицуулах хорооны төлөөлөгчид уг форумын дараа Их Британийн уламжлалт цахилгаан холбооны үйлчилгээ эрхлэгч болох Бритиш телеком (BT) компани дээр зочилж, сүлжээний функциональ буюу үйл ажиллагааны салгалтыг хэрхэн зохион байгуулсан туршлага, тэдний олон улсын зөвлөх багийн үйл ажиллагаатай танилцав.  

ИБУИНВУ-ын Зохицуулах байгууллага болох OFCOM-ын төлөөлөгчидтэй уулзалт зохион байгуулж, Монголын Зохицуулах байгууллагын үйл ажиллагааг танилцуулан Тоон телевизийн шилжилт, Өргөн нэвтрүүлгийн контентийн зохицуулалт, Өргөн зурвасын сүлжээний зохицуулалт, салгалтын асуудал зэрэг сэдвүүдээр туршлага судлан хамтран ажиллахаар тохиролцсон юм.

С.Дашбалбар
ШИНЭЧЛЭГДСЭН: 2015/04/08
Мэдээ мэдээлэл
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 11-р сард хийсэн мониторингийн дүн
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 11-р сард хийсэн мониторингийн дүн
12.12
Харилцаа холбооны зохицуулах хорооны 2019 оны 11 дүгээр сард хүлээн авсан баримт бичгийн мэдээ
Харилцаа холбооны зохицуулах хорооны 2019 оны 11 дүгээр сард хүлээн авсан баримт бичгийн мэдээ
12.11
Тусгай зөвшөөрөлтэй телевиз, радио, сувгийн өргөн нэвтрүүлгийн үйлчилгээ эрхлэгчдийн эзэмшлийн мэдээлэл
Тусгай зөвшөөрөлтэй телевиз, радио, сувгийн өргөн нэвтрүүлгийн үйлчилгээ эрхлэгчдийн эзэмшлийн мэдээлэл
12.10
Дэлхийн Радио Холбооны Их Хурал-2019
Ээлжит 38 дах Дэлхийн Радио Холбооны Их Хурал (ДРИХ) нь 2019 оны 10 сарын 27-аас 11 сарын 22-ны хооронд Арабын Бүгд Найрамдах Египет улсын Шарим-эл-Шейх хотноо зохион байгуулагдаж
12.10
Харилцаа холбоо, мэдээллийн технологийн салбарын хөгжлийн индикатор үзүүлэлтийн шинэчлэлт, 2019 оны тайлан мэдээлэл (Digital Development Index-IDI)
Аж үйлдвэрийн 4 дүгээр хувьсгал (4-th Industrial Revolution: 4th-IR), технологийн тоон шилжилтийн 3 дахь давалгааны (Digital transformation-Digitalization wave: 3-rd Wave of Digitalization) орчинд дэлхийн өнцөг булан бүрт харилцаа холбоо, мэдээллийн технологи, шуудан холбооны хөгжил өдөр хоногоор бус цаг хормоор шинэчлэгдэж байна.
12.09
“Дижитал Монгол улс” хэлэлцүүлгийг зохион байгууллаа
Монгол Улсын Засгийн газар, Бүгд Найрамдах Эстони Улсын Цахим-Засаглалын академитай хамтран “Дижитал Монгол улс” хэлэлцүүлгийг Гадаад хэргийн яамны зөвшилцөл танхимд 2019 оны 12 сарын 04-ны өдөр зохион байгууллаа.
12.06
ХХЗХ-нд 2019 оны 10 дугаар сард ирсэн өргөдөл, гомдлын мэдээ
ХХЗХ-нд 2019 оны 10 дугаар сард ирсэн өргөдөл, гомдлын мэдээ
12.05