“Телевизийн өргөн нэвтрүүлгийн стратеги, удирдлага” сургалт зохион байгуулж байна
ХХЗХ

Тус хорооноос Монголын телевизүүдийн холбоо, ОХУ-ын Аутограф компанитай хамтран 2013 оны 08 дугаар сарын 26-30-ны өдрүүдэд “Телевизийн өргөн нэвтрүүлгийн стратеги, удирдлага” сэдэвт 5 өдрийн сургалтыг телевиз, кабелийн сувгийн үйлчилгээ эрхлэгч, ФМ радиогийн удирдлагуудыг хамруулан зохион байгуулж байна. Сургалтанд эфирийн 12 телевиз, 6 кабелийн сувгуудын удирдлагууд болон менежерүүдийн нийт 20 орчим оролцогчид хамрагдаж байгаа юм. Уг сургалтаар телевизийн маркетинг, борлуулалт, зорилтот үзэгч, сонсогчидоо тодорхойлох, телевизийн хөтөлбөр боловсруулах, мэдээ хэрхэн бэлтгэж хүргэх, зар сурталчилгаа явуулах урлаг, маркетингийн дүрмүүдийг телевизийн өргөн нэвтрүүлгийн салбарт хэрхэн хэрэгжүүлэх, хүний нөөцийн удирдлага, стратеги төлөвлөгөө хэрхэн боловсруулах зэрэг телевизийн удирдлагуудын зайлшгүй мэдэх шаардлагатай сэдвүүдийг жишээ баримттайгаар тайлбарлан, практик дасгалын хамт олон улсад хүлээн зөвшөөрөгдсөн эксперт, багш урилгаар хүрэлцэн ирж зааж байгаагаараа онцлог, чухал ач холбогдолтой юм.

Сургалтыг “BBC World Trust”, “Inter news” олон улсын байгууллагуудад сургалт зохион байгуулдаг олон улсад хүлээн зөвшөөрөгдсөн, эрх бүхий багш, ОХУ-ын Автограф компанийн ерөнхий захирал Денис Вишня ХХЗХ-ны урилгаар ирж удирдан явуулж байна. Денис Вишня нь телевиз, өргөн нэвтрүүлгийн салбарт шинээр бизнес эхлүүлэх, бизнесээ амжилттай хөтлөн явуулах талаар зөвлөх үйлчилгээ үзүүлдэг ОХУ дахь 250 гаруй компанид зөвлөгөө өгч бизнесийг нь амжилтанд хүргэж байсан туршлагатай зөвлөх эксперт болно.

Эхний өдрийн сургалтыг 2013 оны 08 дугаар сарын 26-ны өдөр Улаанбаатар хотод үйл ажиллагаа явуулж байгаа телевиз, радиогийн өргөн нэвтрүүлэг болон кабелийн сувгийн үйлчилгээ эрхлэгчдийн удирдлагуудад зориулан “Өргөн нэвтрүүлгийн бизнесийг хэрхэн ухаалгаар хөгжүүлэх вэ?” сэдвийн хүрээнд лекц, семинар хэлбэрээр зохион байгууллаа. Семинарт телевиз, кабелийн сувгийн үйлчилгээ эрхлэгч, ФМ радиогийн удирдлага, менежерүүд зэрэг 40 гаруй оролцогчид хамрагдан зар сурталчилгааны орлогоо хэрхэн сайжруулах, үзэгч сонсогчидоо судлах, хэлцэлд хүрэх ухаалаг арга зэрэг  маркетинг, бизнесийн удирдлагын үндсэн ойлтголтыг телевизийн өргөн нэвтрүүлгийн онцлогийг тусган хэрхэн ажиллах тухай сонирхолтой жишээ баримтаар баяжуулсан лекц сонсч хэлэлцүүлэг хийлээ.

Сургалтын явцад оролцогчид багштай тусгайлан уулзаж зөвлөгөө авах хүсэлтэй бол хичээлийн бус цагаар цаг товлон уулзах боломжтой юм.

С.Дашбалбар
ШИНЭЧЛЭГДСЭН: 2015/11/30
Мэдээ мэдээлэл
Харилцаа холбооны зохицуулах хорооны нэрэмжит 2019 оны улсын аварга шалгаруулах “Үнэг агналтын тэмцээн”
Радио сонирхогчийн нэвтрүүлэгч олох буюу үнэг агналтын Улсын аврага тэмцээн 2019 оны 9-р сарын 7, 8-ны өдрүүдэд Бага Баян цогцолборын орчимд амжилттай явагдаж өндөрлөлөө. Энэ тэмцээнд нийт 10 гаруй багийн 35 тамирчин оролцож, W19/W35, M19/M40, W21, М21 насны ангилалд мэдлэг, ур чадвар, мэдрэмж, хүч чадлаараа уралдлаа.
09.19
WRC19-Д бэлтгэх Ази-номхон далайн цахилгаан холбооны байгууллагуудын урьдчилсан байр суурь батлагдлаа
Олон Улсын Цахилгаан Холбооны Байгууллага (ОУЦХБ)-аас 2019 оны 10 сарын 28-наас 11 сарын 22-ны хооронд Египет улсын Шарм Эл-Шейх хотод зохион байгуулагдах Дэлхийн Радио Холбооны Их Хуралд (ДРИХ) бэлтгэх Ази-Номхон Далайн Цахилгаан холбооны гишүүн байгууллагуудын 5 дахь удаагийн уулзалт 2019 оны 7 сарын 31-ээс 8 сарын 6-ны хооронд Япон улсын Токио хотноо Япон улсын Харилцаа холбоо ба Дотоод хэргийн яамны дэмжлэгтэйгээр зохион байгуулагдлаа.
09.18
“Радио өргөн нэвтрүүлгийг тоон системд шилжүүлэх нь” сэдэвт олон улсын форум амжилттай болж өнгөрлөө
“Радио өргөн нэвтрүүлгийг тоон системд шилжүүлэх нь” сэдэвт олон улсын форум амжилттай болж өнгөрлөө
09.18
ХАРИЛЦАА ХОЛБООНЫ ХӨГЖИЛ – 2019 БҮСИЙН ЗӨВЛӨГӨӨН
Харилцаа холбооны зохицуулах хорооноос жил бүр зохион байгуулдаг Харилцаа холбооны хөгжил сэдэвт бүсийн зөвлөгөөнийг энэ удаад Сүхбаатар аймгийн төв Баруун- Урт суманд 2019 оны 9 сарын 12,13 ний өдрүүдэд зохион байгууллаа
09.15
“Харилцаа холбооны хөгжил-2019” Бүсийн зөвлөгөөн
“Харилцаа холбооны хөгжил- 2019” сэдвийн дор төр болон хувийн хэвшлийн байгууллага тусгай зөвшөөрөл эзэмшигчид, хувь хүмүүст зориулан Сүхбаатар аймгийн Баруун-урт хотноо зохион байгуулахаар бэлэн болоод байна. Уг зөвлөгөөн хэлэлцүүлэгт Монгол улсын зүүн бүсийн аймгуудын Мэдээлэл, харилцаа холбоо, технологийн үйлчилгээ явуулж буй аж ахуй нэгж байгууллага, иргэдийн нийт 130 гаруй зочид, төлөөлөгчид оролцох юм.
09.10
2019 оны 2 дугаар улирал
2019 оны 2 дугаар улирал
09.03
Мониторингийн 2019 оны 5,6 дугаар сарын тайлан
Мониторингийн 2019 оны 5,6 дугаар сарын тайлан
08.27
Харилцаа холбооны зохицуулах хорооны 2019 оны ээлжит 8 дугаар хуралдааны мэдээлэл
Монгол Улсын Харилцаа холбооны зохицуулах хорооны 2019 оны ээлжит 8 дугаар хуралдааныг 2019 оны 8 дугаар сарын 19-ний өдөр зохион байгуулав.
08.26