Шинэ техник, технологийн чиглэлээр семинар зохион байгуулав.
ХХЗХ

Монгол Улсын Харилцаа Холбооны Зохицуулах Хороо (ХХЗХ) нь “Харилцаа холбооны тухай” хуульд заасан Хорооны бүрэн эрх, чиг үүргийг хэрэгжүүлэх ажлын хүрээнд тусгай зөвшөөрөл эзэмшигч, төр ба хувийн хэвшлийн байгууллага, мэргэжилтнүүдэд мэдээллийн технологи, харилцаа холбоо, радио холбооны шинэ техник технологийн ололтыг сурталчилах, нутагшуулах, холбогдох мэргэжил арга зүйн зөвлөмж өгөх чиглэлээр сургалт, семинар, уулзалт, хэлэлцүүлэг зохион байгуулдаг юм.

ХХЗХ-ноос тусгай зөвшөөрөл эзэмшигч-Топ Коммуникейшнс ХХК-тай хамтран Япон Улсын Kenwood фирмийн өндөр нууцлал бүхий тоон радио холбооны шинэ техник,  тоног төхөөрөмжүүд, сүлжээний талаар танилцуулга, практик үзүүлбэр сургалт болон мэргэжил арга зүйн зөвлөмж өгөх сургалт-семинарыг 2013 оны 6 дугаар сарын 20-ны өдөр хурлын танхимд зохион байгуулав.

Семинар-сургалтыг ХХЗХ-ны Радио давтамж зохицуулалт, хяналтын албаны дарга А.Лувсан-Очир, Топ Коммуникейшнс ХХК-ийн ерөнхий захирал Т.Наранбаатар, Япон Улсын Kenwood фирмийн төлөөлөгч Жаки нар удирдан явуулж,  “Монгол Улсын Радио долгионы зохицуулалт, хөгжлийн хэтийн төлөв: “Тоон технологид шилжих нь”, ”Аналог ба тоон радио холбооны сүлжээний харьцуулалт, онцлог талууд”, “Kenwood-Nexedge нууцлал бүхий тоон радио холбооны сүлжээ”, “Kenwood-Nexedge тоон технологийн радио холбооны тоног төхөөрөмжүүдийн танилцуулга, ажиллагааны практик үзүүлбэр” зэрэг илтгэл тавьж, бодит байдал дээр сүлжээ байгуулан практик сургалт явууллаа.

Тус арга хэмжээнд  Монгол Улсын Харилцаа холбооны зохицуулах хороо, АТГ, ТЕГ (Төрийн Тусгай Хамгаалалтын Газар, Кибер Аюулгүй байдлын Газар), ЗХЖШ, ОБЕГ, ЦЕГ (Мэдээлэл, Холбооны Технологийн Төв, Мэдээлэл Шуурхай Удирдлагын Төв), Гадаадын иргэн, харьяатын асуудал эрхлэх газар зэрэг төрийн байгууллагууд болон түүний харьяа газар, хэлтсийн удирдлага, мэргэжилтнүүд зэрэг 40 гаруй төлөөлөл оролцлоо. 

Энэхүү сургалт-семинар нь радио холбооны өндөр нууцлалт бүхий тоон техник, технологи, сүлжээний шинэ ололтыг сурталчилах, Монгол Улсад нэвтрүүлэх, хэрэгжүүлэхэд ач холбогдолтой арга хэмжээ болсныг оролцогч байгууллагын төлөөлөл, мэрэгжилтнүүд өндрөөр үнэлж, зохион байгуулагч-Монгол Улсын Харилцаа холбооны зохицуулах хороо, Японы Кэнвүүд (Kenwood) корпорацийн Монгол Улс дахь албан ёсны төлөөлөгч-Топ Коммуникейшнс ХХК-д талархалаа тус тус илэрхийлэв.

Харилцаа холбооны зохицуулах хороо

С.Дашбалбар
ШИНЭЧЛЭГДСЭН: 2015/04/08
Мэдээ мэдээлэл
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 11-р сард хийсэн мониторингийн дүн
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 11-р сард хийсэн мониторингийн дүн
12.12
Харилцаа холбооны зохицуулах хорооны 2019 оны 11 дүгээр сард хүлээн авсан баримт бичгийн мэдээ
Харилцаа холбооны зохицуулах хорооны 2019 оны 11 дүгээр сард хүлээн авсан баримт бичгийн мэдээ
12.11
Тусгай зөвшөөрөлтэй телевиз, радио, сувгийн өргөн нэвтрүүлгийн үйлчилгээ эрхлэгчдийн эзэмшлийн мэдээлэл
Тусгай зөвшөөрөлтэй телевиз, радио, сувгийн өргөн нэвтрүүлгийн үйлчилгээ эрхлэгчдийн эзэмшлийн мэдээлэл
12.10
Дэлхийн Радио Холбооны Их Хурал-2019
Ээлжит 38 дах Дэлхийн Радио Холбооны Их Хурал (ДРИХ) нь 2019 оны 10 сарын 27-аас 11 сарын 22-ны хооронд Арабын Бүгд Найрамдах Египет улсын Шарим-эл-Шейх хотноо зохион байгуулагдаж
12.10
Харилцаа холбоо, мэдээллийн технологийн салбарын хөгжлийн индикатор үзүүлэлтийн шинэчлэлт, 2019 оны тайлан мэдээлэл (Digital Development Index-IDI)
Аж үйлдвэрийн 4 дүгээр хувьсгал (4-th Industrial Revolution: 4th-IR), технологийн тоон шилжилтийн 3 дахь давалгааны (Digital transformation-Digitalization wave: 3-rd Wave of Digitalization) орчинд дэлхийн өнцөг булан бүрт харилцаа холбоо, мэдээллийн технологи, шуудан холбооны хөгжил өдөр хоногоор бус цаг хормоор шинэчлэгдэж байна.
12.09
“Дижитал Монгол улс” хэлэлцүүлгийг зохион байгууллаа
Монгол Улсын Засгийн газар, Бүгд Найрамдах Эстони Улсын Цахим-Засаглалын академитай хамтран “Дижитал Монгол улс” хэлэлцүүлгийг Гадаад хэргийн яамны зөвшилцөл танхимд 2019 оны 12 сарын 04-ны өдөр зохион байгууллаа.
12.06
ХХЗХ-нд 2019 оны 10 дугаар сард ирсэн өргөдөл, гомдлын мэдээ
ХХЗХ-нд 2019 оны 10 дугаар сард ирсэн өргөдөл, гомдлын мэдээ
12.05