“Дэлхийн цахилгаан холбоо, мэдээлэлжсэн нийгмийн өдөр” 2013 оны 5-р сарын 17 -ны өдөр болж байна
ХХЗХ

Дэлхийн улс, орнуудад мэдээлэл, харилцаа холбооны технологийн салбар хурдацтай хөгжсөнөөр нийгэм, эдийн засагт тус салбарын эзлэх байр суурь өргөжин нийгмийн бүхий л амьдралд гүнзгий нэвтэрч улам бүр өдөр тутмын хэрэгцээ болсоор байна.

НҮБ-ийн төрөлжсөн байгууллага болох Олон улсын цахилгаан холбооны байгууллагаас (ITU-ОУЦХБ) өөрийн байгуулагдсан жил бүрийн 5 дугаар сарын 17-ны өдрийг “Дэлхийн цахилгаан холбооны өдөр” (World Telecommunications  Day) болгон 1973 оноос хойш тэмдэглэж ирсэн билээ. 2006 оноос хойш тус байгууллагаас “Дэлхийн цахилгаан холбоо, мэдээлэлжсэн нийгмийн өдөр” (World Telecommunication and Information society Day) болгон албан ёсоор тэмдэглэж эхэлжээ. 

Тус байгууллагаас 2013 онд “Дэлхийн цахилгаан холбоо, мэдээлэлжсэн нийгмийн өдөр”-ийг “Мэдээлэл, харилцаа холбооны технологи ба Замын хөдөлгөөний аюулгүй байдлыг сайжруулах нь” уриатайгаар тэмдэглэхээр шийдвэрлэн гишүүн, улс орнуудад зориулан уриалга гаргажээ. ОУЦХБ-аас 2013 оны 5 дугаар сарын 17-ны өдөр тус байгууллагын анх байгуулагдсаныхаа 148 дахь жилийн ойг тэмдэглэж байгаа ажээ.

НҮБ-ийн дэргэдэх Замын аюулгүй байдлын хамтын ажиллагааны нийгэмлэгийн тайлан мэдээллээр (United Nations Road Safety Collaboration-UNRSC), автамшины осол болон замын хөдөлгөөний аюулгүй байдлыг бүрэн хангаагүйн улмаас жилд дунджаар 1,3 сая хүн амь алдаж, ихэвчлэн хөгжиж буй улс орнуудын 20-50 сая хүн тахир дутуу болж байгаа нь сэтгэл түгшээж байна гэж тэмдэглэжээ. Түүнчлэн Засгийн газар, хувь хүмүүс нийтдээ 518 тэрбум ам.долларын хохирол учирсан байна.

“Дэлхийн цахилгаан холбоо, мэдээлэлжсэн нийгмийн өдөр”-ийг тэмдэглэх арга хэмжээний хүрээнд ОУЦХБ-аас мэдээлэл, харилцаа холбооны салбарын шинэ технологи, ололтыг замын аюулгүй байдлыг сайжруулахад дэмжих, ашиглах талаар дараахь үндсэн зорилтуудыг дэвшүүлж хэрэгжүүлэхийг гишүүн улс орнуудад уриалжээ. Үүнд:

  1. Мэдээлэл, харилцаа хобооны технологийг замын хөдөлгөөний аюулгүй ажиллагааг хангахад өргөн ашиглах талаар үндэсний бодлого, зохицуулалтын арга хэмжээнд тусгах, дэмжих, хэрэгжүүлэх талаар анхаарах
  2. Тээврийн ухаалаг системийг (ITS-intelligent transport systems) дэмжих, хөгжүүлэх, нэвтрүүлэх арга хэмжээг үе шаттай авах
  3. Автомашин жолоодох үед технологиос хамаарсан аюулгүй ажиллагааны алдалгдлыг бууруулах
  4. Автомашины радар удирдлагын системд 79 ГГц зурвасын ашиглахыг бүх талаар дэмжих, хамтран ажиллах
  5. Автомашин дахь хэрэглэгчийн аюулгүй интерфэйс ашиглах, түүнийг хөгжүүлэх талаар судалгааг өргөжүүлэх зэрэг болно.

Замын хөдөлгөөний аюулгүй байдлыг сайжруулахад мэдээллийн технологи, харилцаа холбооны ололтыг ашиглах, сургалт, танин мэдэхүйн чиглэлээр уулзалт семинар зохион байгуулах, олон улсын үзэсгэлэн хурал семинар, тусгайлсан сургалтанд хамруулах, мэдээлэл харилцаа холбооны мэдлэг, боломжийг эзэмшихэд дэмжлэг үзүүлэх бусад олон улсын байгууллага, улс орнуудтай хамтын ажиллагааг хөгжүүлэх, үйл ажиллагаагаа уялдуулах, шинэ техник хэрэгсэл зохион турших, нэвтрүүлэх зэрэг  чиглэлээр ажиллахыг гишүүн улс орнуудад уриалсан билээ.

Монгол Улс нь мэдээлэл, харилцаа холбооны технологийн салбарыг тэргүүлэх чиглэлээ болгон тодорхойлж, мэдлэг мэдээлэлд тулгуурласан нийгэм байгуулах 7 стратегийн зорилт дэвшүүлсэний дотор мэдээлэл, харилцаа холбооны технологийн ололт, хэрэглээг нийгэм эдийн засгийн бүх салбарт, түүний дотор Замын хөдөлгөөний шуурхай удирдлага, хяналтын төвийг шинэчилэх зэрэг төсөл, арга хэмжээг тусган хэрэгүүлж эхлээд байгаа билээ.

С.Дашбалбар
ШИНЭЧЛЭГДСЭН: 2015/04/08
Мэдээ мэдээлэл
“ЦАХИМ ОРЧИН АШИГЛАН СОНГУУЛИЙН СУРТАЛЧИЛГАА ЯВУУЛАХ, ТҮҮНД ХЯНАЛТ ТАВИХ ЖУРАМ”-ын төсөлд санал авч байна.
Монгол Улсын Их Хурлын Сонгуулийн тухай хууль 2019 оны 12 дугаар сарын 20-ны өдөр батлагдсан. Тус хуулийн 47 дугаар зүйлийн 47.9 дахь хэсэгт заасны дагуу “ЦАХИМ ОРЧИН АШИГЛАН СОНГУУЛИЙН СУРТАЛЧИЛГАА ЯВУУЛАХ, ТҮҮНД ХЯНАЛТ ТАВИХ ЖУРАМ”-ыг Цагдаагийн төв байгууллага, Харилцаа холбооны зохицуулах хорооны саналыг үндэслэн Сонгуулийн ерөнхий хороо хамтран баталж, мөрдүүлнэ.
02.17
Вэб контентийн хүртээмжийг нэмэгдүүлэх аргачлал
Вэб контентийн хүртээмжийг нэмэгдүүлэх аргачлал
02.17
IPTV системийн үйлчилгээний хүртээмжийг нэмэгдүүлэх аргачлал
IPTV системийн үйлчилгээний хүртээмжийг нэмэгдүүлэх аргачлал
02.17
Шуудангийн салбарт мөрдөгдөх зохицуулалтын баримт бичиг шинэчлэгдлээ
Шуудангийн салбарт мөрдөгдөх зохицуулалтын баримт бичиг шинэчлэгдлээ
02.17
“РАДИО, ТЕЛЕВИЗЭЭР СОНГУУЛИЙН СУРТАЛЧИЛГААГ НЭВТРҮҮЛЭХ,ХЯНАЛТ ТАВИХ ЖУРАМ”-ын төсөлд санал авч байна.
Монгол Улсын Их Хурлын Сонгуулийн тухай хууль 2019 оны 12 дугаар сарын 20-ны өдөр батлагдсан. Тус хуулийн 46 дугаар зүйлийн 46.20 дахь хэсэгт заасны дагуу “РАДИО, ТЕЛЕВИЗЭЭР СОНГУУЛИЙН СУРТАЛЧИЛГААГ НЭВТРҮҮЛЭХ,ХЯНАЛТ ТАВИХ ЖУРАМ”-ыг Сонгуулийн Ерөнхий хороо, Харилцаа холбооны зохицуулах хороотой хамтран батлана.
02.14
Дэлхийн радиогийн өдөр
Өнөөдөр 2020 оны 02 дугаар сарын 13 ны өдөр ЮНЕСКО-с тунхагласан “Дэлхийн радиогийн өдөр” тохиож байгааг тохиолдуулан Радио өргөн нэвтрүүлгийн үйлчилгээ эрхлэгчид болон нийт сонсогчиддоо Дэлхийн радиогийн өдрийн баярын мэндийг дэвшүүлье.
02.13
2020 он 1 дүгээр сард ирсэн санал, гомдлын мэдээ
2020 он 1 дүгээр сард ирсэн санал, гомдлын мэдээ
02.13
Шуудангийн шинэчлэгдсэн стандартын эмхэтгэл хэвлэгдэн гарлаа
Шуудангийн тухай хуульд нэмэлт өөрчлөлт оруулах тухай хууль 2019 оны 05 дугаар сарын 30-нд батлагдсанаар тус хуульд орсон нэмэлт өөрчлөлттэй нийцүүлэн, салбарын нийт 43 стандартыг дахин хянаж, 27 стандартыг хүчингүй болгож, нэгтгэн шинэчлэх ажил хийгдсэн.
02.13
Мобиком корпораци ХХК –аас ирүүлсэн 12/232 тоот албан хүсэлтийн дагуу радио давтамжийн харилцан нөлөөлөл тогтоох хэмжилт
Мобиком корпораци ХХК –аас ирүүлсэн 12/232 тоот албан хүсэлтийн дагуу радио давтамжийн харилцан нөлөөлөл тогтоох хэмжилт
02.12
Мобиком корпораци ХХК –аас ирүүлсэн 03/79 тоот албан хүсэлтийн дагуу радио давтамжтай цахилгаан соронзон орны хүний биед үзүүлэх нөлөөний аюулгүйн түвшинг тодорйлох хэмжилт
Мобиком корпораци ХХК –аас ирүүлсэн 03/79 тоот албан хүсэлтийн дагуу радио давтамжтай цахилгаан соронзон орны хүний биед үзүүлэх нөлөөний аюулгүйн түвшинг тодорйлох хэмжилт
02.12