Телевизүүдийн үйл ажиллагаанд шалгалт хийсэн тухай мэдээлэл
ХХЗХ

-Шалгалтыг 4 газар хамтран хийв-

 

Харилцаа Холбооны Зохицуулах Хороо, Оюуны Өмчийн Газар, Шударга Өрсөлдөөн Хэрэглэгчийн Төлөө Газар, Нийслэлийн Цагдаагийн Газар хамтран Улаанбаатар хотод үйл ажиллагаа явуулж байгаа кабелийн телевизүүдийн үйл ажиллагаанд 2013 оны 01 дүгээр сарын 07-ноос  2 дугаар сарын 02-ны хооронд үзлэг шалгалт хийж дүнгээ гаргасан юм.

Дээрх шалгалтад Улаанбаатар хотод үйл ажиллагаа явуулж байгаа нийт 17 телевизүүд хамрагдсан бөгөөд Монгол Улсын хууль тогтоомж, олон улсын гэрээ хэлэлцээр, тусгай зөвшөөрлийн гэрээ, нөхцөл шаардлагын хэрэгжилт, техникийн стандартыг хэрхэн хангаж ажиллаж байгааг хорооны зүгээс голчлон анхаарч шалгалаа. Тусгай зөвшөөрлийн гэрээ, түүнд тавигдсан нөхцөл шаардлагын хувьд нэг цаг тутамд дамжуулах зар сурталчилгаа, Монгол бүтээлийн эзлэх хувь хэмжээ, хөтөлбөрийн цагийн хуваарийг баримтлах зэрэг үзүүлэлтүүдээс гадна телевизүүдийн хөтөлбөрийн бүтцийг авч үзсэн. Тухайн телевизийн өөрийн бүтээл үйлдвэрлэл, хөтөлбөр бэлтгэхдээ олон нийтийг соён гэгээрүүлэх, танин мэдүүлэх, үзэгч, олон нийтийн эрх ашгийг дээдлэх чиглэлийг үндсэн үүрэг, зорилгоо болгосон байдал, арилжааны шинжтэй нэвтрүүлгийн хувь хэмжээ, мэдээ, мэдээллийн нэвтрүүлэг, цэнгээнт төрлийн нэвтрүүлэг, киноны эзлэх хувь хэмжээ зэрэгт телевиз тус бүрээр үнэлэлт өгч, эфирийн телевизүүдийн хөтөлбөрийн өнөөгийн байдлыг харьцуулан авч үзсэн болно. Техникийн стандартын хувьд телевизийн студийн хэмжээ, гэрэлтүүлэг, акустикийн шаардлага, тоног төхөөрөмжийн технологи үйл ажиллагааны стандартыг хангасан байдалд үзлэг шалгалт хийснээс гадна эфирийн студийн дүрс болон дууны үндсэн гаралтын дохионы хэмжилт, мөн Улаанбаатар хотын хэмжээний 40 цэгт нийт сувгийн долгионы тархалт, хамрах хүрээний хэмжилтийг тус тус хийж шалгалтын дүнг нэгтгэсэн юм.

Ингээд энэ удаагийн шалгалтаар илэрсэн зөрчил дутагдал, тус хорооноос хийдэг байнгын мониторингийн дүн болон хамтарсан байгууллага тус бүрийн өгсөн үнэлгээг авч хэлэлцээд 1 үйлчилгээ эрхлэгчийн тусгай зөвшөөрлийг  3 сарын хугацаагаар түдгэлзүүлж, 4 үйлчилгээ эрхлэгчид түдгэлзүүлэхийг сануулах, 5 үйлчилгээ эрхлэгчид сануулга үүрэг даалгавар, 5 үйлчилгээ эрхлэгчид үүрэг даалгавар хүргүүлэх арга хэмжээ авлаа. Тодруулбал, Монгол телевиз ХХК-ийн Монгол Телевиз, Медиахолдинг ХХК-ийн ТВ9 телевизүүд тусгай зөвшөөрлийн нөхцөл гэрээг сайн ханган ажиллаж байна гэж дүгнэгдсэн. Мөн Медиахолдинг ХХК-ийн ТВ9 телевиз, Улаанбаатар телевиз ХХК-ийн UBS телевиз болон Сэрүүлэг констракшн ХХК-ийн ТВ8 телевизүүд 2011 онд хийгдсэн үзлэг шалгалтаар өгсөн үүрэг даалгавар, зөвлөмжийг үйл ажиллагаандаа хэрэгжүүлж тодорхой ахиц гаргасан үзүүлэлттэй байв. Харин Тэнгэрлэг эх орон ХХК-ийн Эх орон телевиз, Шинэ боловсрол – XXI сан ТББ-ын Боловсрол телевиз, Юнайтэд бродкастинг корпорешний Стар телевиз, Алсын гэрэл ХХК-ийн ТМ телевизүүдийн хувьд 2011 онд хийгдсэн үзлэг шалгалтаар үйл ажиллагаанд нь өгч байсан үнэлэлт нь энэ удаад харьцангуй буурсан үзүүлэлттэй байсан учир үйл ажиллагааг нь түдгэлзүүлэхийг сануулах арга хэмжээг тус тус аваад байгаа юм.

Үүний зэрэгцээ 2012 оны 1 дүгээр сараас 2012 оны 12-р сар хүртэлх мониторингийн дүнгээр зар сурталчилгааны тогтмол хэтрэлттэй 7 телевиз (UBS, SBN, NTV, C1, TV5, MN25, Боловсрол)-д телевизийн өргөн нэвтрүүлгийн үйлчилгээ эрхлэх тусгай зөвшөөрлийн гэрээ болон ХХЗХ-ны 2011 оны 27 дугаар тоот тогтоолыг үндэслэн АНЗ тооцох арга хэмжээ авагдсан болно.

С.Дашбалбар
ШИНЭЧЛЭГДСЭН: 2015/04/08
Мэдээ мэдээлэл
“ЦАХИМ ОРЧИН АШИГЛАН СОНГУУЛИЙН СУРТАЛЧИЛГАА ЯВУУЛАХ, ТҮҮНД ХЯНАЛТ ТАВИХ ЖУРАМ”-ын төсөлд санал авч байна.
Монгол Улсын Их Хурлын Сонгуулийн тухай хууль 2019 оны 12 дугаар сарын 20-ны өдөр батлагдсан. Тус хуулийн 47 дугаар зүйлийн 47.9 дахь хэсэгт заасны дагуу “ЦАХИМ ОРЧИН АШИГЛАН СОНГУУЛИЙН СУРТАЛЧИЛГАА ЯВУУЛАХ, ТҮҮНД ХЯНАЛТ ТАВИХ ЖУРАМ”-ыг Цагдаагийн төв байгууллага, Харилцаа холбооны зохицуулах хорооны саналыг үндэслэн Сонгуулийн ерөнхий хороо хамтран баталж, мөрдүүлнэ.
02.17
Вэб контентийн хүртээмжийг нэмэгдүүлэх аргачлал
Вэб контентийн хүртээмжийг нэмэгдүүлэх аргачлал
02.17
IPTV системийн үйлчилгээний хүртээмжийг нэмэгдүүлэх аргачлал
IPTV системийн үйлчилгээний хүртээмжийг нэмэгдүүлэх аргачлал
02.17
Шуудангийн салбарт мөрдөгдөх зохицуулалтын баримт бичиг шинэчлэгдлээ
Шуудангийн салбарт мөрдөгдөх зохицуулалтын баримт бичиг шинэчлэгдлээ
02.17
“РАДИО, ТЕЛЕВИЗЭЭР СОНГУУЛИЙН СУРТАЛЧИЛГААГ НЭВТРҮҮЛЭХ,ХЯНАЛТ ТАВИХ ЖУРАМ”-ын төсөлд санал авч байна.
Монгол Улсын Их Хурлын Сонгуулийн тухай хууль 2019 оны 12 дугаар сарын 20-ны өдөр батлагдсан. Тус хуулийн 46 дугаар зүйлийн 46.20 дахь хэсэгт заасны дагуу “РАДИО, ТЕЛЕВИЗЭЭР СОНГУУЛИЙН СУРТАЛЧИЛГААГ НЭВТРҮҮЛЭХ,ХЯНАЛТ ТАВИХ ЖУРАМ”-ыг Сонгуулийн Ерөнхий хороо, Харилцаа холбооны зохицуулах хороотой хамтран батлана.
02.14
Дэлхийн радиогийн өдөр
Өнөөдөр 2020 оны 02 дугаар сарын 13 ны өдөр ЮНЕСКО-с тунхагласан “Дэлхийн радиогийн өдөр” тохиож байгааг тохиолдуулан Радио өргөн нэвтрүүлгийн үйлчилгээ эрхлэгчид болон нийт сонсогчиддоо Дэлхийн радиогийн өдрийн баярын мэндийг дэвшүүлье.
02.13
2020 он 1 дүгээр сард ирсэн санал, гомдлын мэдээ
2020 он 1 дүгээр сард ирсэн санал, гомдлын мэдээ
02.13
Шуудангийн шинэчлэгдсэн стандартын эмхэтгэл хэвлэгдэн гарлаа
Шуудангийн тухай хуульд нэмэлт өөрчлөлт оруулах тухай хууль 2019 оны 05 дугаар сарын 30-нд батлагдсанаар тус хуульд орсон нэмэлт өөрчлөлттэй нийцүүлэн, салбарын нийт 43 стандартыг дахин хянаж, 27 стандартыг хүчингүй болгож, нэгтгэн шинэчлэх ажил хийгдсэн.
02.13
Мобиком корпораци ХХК –аас ирүүлсэн 12/232 тоот албан хүсэлтийн дагуу радио давтамжийн харилцан нөлөөлөл тогтоох хэмжилт
Мобиком корпораци ХХК –аас ирүүлсэн 12/232 тоот албан хүсэлтийн дагуу радио давтамжийн харилцан нөлөөлөл тогтоох хэмжилт
02.12
Мобиком корпораци ХХК –аас ирүүлсэн 03/79 тоот албан хүсэлтийн дагуу радио давтамжтай цахилгаан соронзон орны хүний биед үзүүлэх нөлөөний аюулгүйн түвшинг тодорйлох хэмжилт
Мобиком корпораци ХХК –аас ирүүлсэн 03/79 тоот албан хүсэлтийн дагуу радио давтамжтай цахилгаан соронзон орны хүний биед үзүүлэх нөлөөний аюулгүйн түвшинг тодорйлох хэмжилт
02.12