Мэдэгдэл: Гарсан зөрчлүүдийг зассан эсэхийг дахин шалгаж байна
ХХЗХ

-ХХЗХ олон нийтийг төөрөгдүүлэх ташаа мэдээлэл гаргаж байгаа болчимгүй үйлдэлд харамсаж байна-

 

“Улс төрийн тойм” сонин, ipost.mn веб сайтад гарсан “Монголын төр иргэдээсээ интернетийн эрх чөлөөг дээрэмдлээ“ гэсэн нийтлэлд Харилцаа Холбооны Зохицуулах хорооноос албан ёсны хариу тайлбар өгөх ёстой гэж  үзэж, дараах тайлбар, мэдэгдлийг гаргаж байна.

Тус хороо нь хуулиар олгогдсон чиг үүргийнхээ дагуу харилцаа холбооны үйлчилгээ эрхлэх тусгай зөвшөөрлийн нөхцөл шаардлага, үйлчилгээний чанар, стандартыг хангуулах зорилгоор хэмжилт шалгалтыг мэргэжлийн түвшинд хийж, гарсан зөрчил дутагдлыг тухай бүр арилгах ажлыг тогтмол хийж гүйцэтгэдэг.

Энэ ажлын хүрээнд 2012 оны 4-р улирлаас эхлэн Улаанбаатар хотод үйл ажиллагаа явуулж буй телевиз, кабелийн суваг, интернетийн үйлчилгээ эрхлэгчдийн үйлчилгээ эрхлэх болон радио давтамж ашиглах тусгай зөвшөөрлийн гэрээ, нөхцөл шаардлагын хэрэгжилтийн байдалд шалгалт хийж, үйлчилгээний чанарыг сайжруулах, техникийн стандартыг хангуулах чиглэлээр тодорхой арга хэмжээ авч ажиллалаа.

Тухайлбал интернетийн үйлчилгээ үзүүлэгч 34 аж ахуйн нэгж байгууллагад хэмжилт шалгалт хийснээс нийт 15 үйлчилгээ эрхлэгчдэд үүрэг даалгавар, тодорхой шаардлагыг хүргүүлсэн. Эдгээрийн нэг болох “Номсис” ХХК нь интернетийн үйлчилгээ эрхлэх тусгай зөвшөөрлийн нөхцөл шаардлагын хүрээнд 8 зөрчил, радио давтамж ашиглах тусгай зөвшөөрлийн хүрээнд 4 зөрчил тус тус гаргасан нь хяналт шалгалтаар тогтоогдсон юм.

Уг компанийн үйл ажиллагаанд илэрсэн томоохон зөрчлүүдийг дурдвал:

  1. Хэрэглэгчдэд өгч байгаа интернетийн хурдыг найдвартай хангаж ажиллахын тулд гадаадаас авч буй урсгалын нийт багтаамж 10%-аас доошгүй нөөцтэй байх шаардлагыг хангаагүй, сүлжээний ачаа дүүрсэн, түүнчлэн сүлжээний техник төхөөрөмжүүдийн суурилуулалт стандарт хангаагүй байсан.  
  2. Дотоодын веб сайтууд руу 24 цагийн хязгаарлалтгүй хурдаар холбогдох боломжийг хэрэглэгчдэд олгох, түүнчлэн хэрэглэгчиддээ өөрийн өгч буй хурдыг шалгах боломж бүхий speedtest.mn программыг санал болгох ёстой гэсэн шаардлагыг хангаагүй байсан.
  3. Хэрэглэгчтэй хийх гэрээндээ шинээр хэрэглэгч холбох хугацаа, гэмтэл саатлыг засах хугацаа, хэрэв гэмтэл саатал гаргасан бол интернэт тасарсан хугацааны интернэтийн төлбөрийг төлбөрөөс хасаж тооцох талаар дэлгэрэнгүй тусгах шаардлагыг хангаагүй, түүнчлэн хэрэглэгчдэд хурдыг хувааж өгөх тохиолдолд энэ талаар тухайн хэрэглэгчдэд тодорхой, ойлгомжтой болгох үүрэгтэй ч хэрэглэгчтэй хийсэн гэрээнд мөн тусгадаггүй байсан зэрэг нь хэрэглэгчдийн эрх ашигт нөлөөлөхүйц, чанартай үйлчилгээ үзүүлэх баталгаа байхгүй байгааг харуулж байгаа юм.
  4. Айл өрх, хувь хүмүүс, интернэт кафе, төрийн байгууллага, ерөнхий боловсролын сургууль, их дээд сургуулиудад 18-аас дээш насны контент руу хандах шүүлтүүртэй үйлчилгээг санал болгох тухай шаардлагыг биелүүлээгүй байсан.
  5. 2422 МГц, 2447 МГц, 2472 МГц-ийн (3; 8; 13-р суваг) радио давтамжийг ашиглах зөвшөөрөлтэй байтал хэмжилт шалгалт хийж үзэхэд 2400-2462 МГц-ийн радио давтамжийн зурвасыг (1-11 дүгээр сувгууд) бүхэлд нь ашиглаж байсан,  шалгалтаар бааз станц хоорондын радио релейнд 5ГГц-ийн (5180 МГц; 5200 МГц; 5220 МГц; 5280 МГц; 5300 МГц; 5785 МГц) радио давтамж ямар ч зөвшөөрөлгүйгээр ашиглаж байсан, нэвтрүүлэгчийн гаралтын чадал (EIRP) 100 мВт-аас хэтрэхгүй байх гэсэн  шаардлагыг хангаагүй байсан зэрэг үйлдлүүд нь Радио долгионы тухай Монгол Улсын хуулийг болон утасгүй интернетийн техникийн нөхцөл шаардлагыг ноцтой зөрчсөн төдийгүй Улаанбаатар хотод утасгүй интернетийн үйлчилгээг үзүүлж байгаа бусад үйлчилгээ эрхлэгчдийн радио давтамжийг дур мэдэн давхар ашиглаж, тэдний үйлчилгээг доголдуулахад хүргэж байсан.

Дээрх дурдсан зөрчлүүдийг тодорхой хугацааны дотор арилгахыг үүрэг болгож, сануулсан бөгөөд тус компаниас холбогдох арга хэмжээг авч хэрэгжүүлэн зөрчлүүдээ арилгасан тухай тайлбарыг ирүүлсэн болно. Одоогоор энэ мэтчилэн зөрчил гаргасан үйлчилгээ эрхлэгчдээс ирүүлсэн тайлбарыг газар дээр нь дахин шалгаж, үр дүнг баталгаажуулах ажил үргэлжилж байна.

Харин Номсис ХХК-ийн үйл ажиллагааг зогсоох шийдвэр гаргаагүй байхад албан ёсны эх сурвалж тайлбаргүй, нэг талыг барьсан баримт нотолгоогүй ташаа мэдээлэл гаргаж олон нийтийг төөрөгдүүлэх ажлыг санаатайгаар зохион байгуулан ХХЗХ-г гүтгэсэн мэдээлэл гаргаж байгаа зарим нэг хувь хүмүүсийн болчимгүй үйлдэлд харамсаж байна.

Иймд Харилцаа Холбооны Зохицуулах Хороо зах зээлийн шударга өрсөлдөөнд саад учруулсан аливаа үйлдлийг зохицуулах үндсэн чиг үүргийнхээ дагуу холбогдох хууль тогтоомжийн хүрээнд ажиллахын зэрэгцээ мэдээлэл, харилцаа холбооны бизнесийн орчинг сайжруулахад чиглэгдсэн үйл ажиллагаа явуулах зарчмыг хатуу баримтлан ажиллахаа хариуцлагатайгаар мэдэгдэж байна.

 

 

 

 

 

С.Дашбалбар
ШИНЭЧЛЭГДСЭН: 2015/04/08
Мэдээ мэдээлэл
ДЭЛХИЙН РАДИО ХОЛБООНЫ ЭЭЛЖИТ ИХ ХУРАЛ - 2019 ЭХЭЛЛЭЭ
Ээлжит Дэлхийн Радио Холбооны Их Хурал нь 2019 оны 10 сарын 27-11 сарын 22-ны хооронд Арабын Бүгд Найрамдах Египет улсын Шарим-эл-Шейх хотноо зохион байгуулагдах бөгөөд ОУЦХБ-ын гишүүн 193 орны 3000 гаруй төлөөлөгч оролцоно.
10.23
2019 оны 9 сар: Улаанбаатар хотод үйл ажиллагаа явуулж байгаа өргөн нэвтрүүлгийн телевиз, сувгийн хөтөлбөрт тавигдах нөхцөл шаардлагын биелэлтэд хийсэн хяналт, мониторингийн аналитик тайлан
2019 оны 9 сар: Улаанбаатар хотод үйл ажиллагаа явуулж байгаа өргөн нэвтрүүлгийн телевиз, сувгийн хөтөлбөрт тавигдах нөхцөл шаардлагын биелэлтэд хийсэн хяналт, мониторингийн аналитик тайлан
10.21
“Цахим орчны хүүхэд хамгаалал” форум болно
Харилцаа холбооны зохицуулах хороо болон НҮБ-ын Хүүхдийн сан хамтран “Цахим орчны хүүхэд хамгаалал” форумыг 2019 оны 10 дугаар сарын 22-ны өдөр зохион байгуулах гэж байна
10.18
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
10.17
Зүүн бүсийн аймгуудад үйл ажиллагаа явуулж буй үйлчилгээ эрхлэгчдийн үйл ажиллагаанд хяналт, шалгалтыг хийлээ
Улаанбаатар хотын алслагдсан Налайх, Багануур, Багахангай дүүргүүд болон Дорноговь аймгийн Сайншанд, Замын-Үүд сумд, Говьсүмбэр, Дорнод, Хэнтий, Сүхбаатар аймгуудад үйл ажиллагаа явуулж буй тус хорооноос тусгай зөвшөөрөлтэй үйлчилгээ эрхлэгчдийн үйл ажиллагааг газар дээр нь шалгаж, холбогдох хууль тогтоомж түүнд нийцүүлэн гаргасанжурам, нөхцөл шаардлагын биелэлт болон тусгай зөвшөөрлийн гэрээний хэрэгжилтийн байдалд хэмжилт, шалгалтыг хийж, зөрчлөөс урьдчилан сэргийлэх, илэрсэн зөрчлийг арилгах, таслан зогсоох, шударга өрсөлдөөнийг бий болгох зорилгоор шалгалтыг 2019 оны 08-р сарын 21-нээс 31-ний өдрүүд, 09-р сарын 4-нөөс 16-ны өдрүүдэд хийж гүйцэтгэлээ.
10.16
MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
Харилцаа холбооны зохицуулах хорооны баталгаажуулалтын үйл ажиллагаанд гүйцэтгэх ажлын чиглэлийг тодорхойлох MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
10.16
Монгол Улс БНХАУ-тай хил орчмын радио давтамжийн зохицуулалтын гэрээ байгууллаа
Монгол Улс болон Бүгд Найрамдах Хятад Ард Улс хоорондын хил орчмын радио давтамжийн зохицуулалтын хүрээнд III уулзалт 2019 оны 10 дугаар сарын 9-нөөс 11-ний өдрүүдэд Бүгд Найрамдах Хятад Ард Улсын Бээжин хотноо болж өнгөрлөө.
10.16
Бусдад зөв мэдээллийг түгээе
Цахим орчин, нийгмийн сүлжээнд нийтэлсэн аливаа худал хуурмаг мэдээлэл нь өвсөнд гал тавихтай адил хурдан тархаж, олон нийтийн санаа бодлыг үймүүлэх, төөрөлдүүлэх, улмаар нийгмийн эмх замбараагүй байдал үүсэж, үндэсний аюулгүй байдалд сөргөөр нөлөөлөх хүртэл хор уршигтай. Тиймээс та аливаа мэдээллийг бусдад түгээхээсээ өмнө fake news буюу худал мэдээлэл мөн эсэхийг нягтлан шалгаж сураарай. Зөвхөн зөв мэдээллийг л бусдад түгээцгээе.
10.14
Сургалт зохион байгуулах тухай
Харилцаа холбоо, мэдээллийн технологийн салбарын мэргэжилтэнд мэргэшлийн зэрэг олгох сургалтыг тус сургууль дээр 2019 оны 10-р сарын 30-ээс 12 сарын 5-ны хооронд зохион байгуулахаар төлөвлөж байна. Энэ удаагийн сургалтаар зөвлөх болон мэргэшсэн инженерийн сургалт, сунгалтыг хийнэ.
10.14
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
10.11