Цахилгаан холбооны үйлчилгээний зөвлөмж
ХХЗХ

Төлбөр тооцооны талаархи гомдол санал

Хэрэв таны харилцаа холбооны үйлчилгээний төлбөр тогтмол хугацаандаа гардаггүй, зарим сард алдаатай бодогдож гардаг бол яах вэ?

Хэрэглэгчийн төлбөр тооцоо нь маш товч бөгөөд тодорхой байхыг үйлчлэгчээс шаардах эрх танд бий. Үйлчлэгч нь хэрэглэгч танд үзүүлсэн үйлчилгээнийхээ үнэн зөв тооцоог хугацаанд нь тогтмол гаргаж өгөх үүрэг хүлээсэн байдаг. Иймд энэ асуудлаар эхлээд та үйлчлэгч оператортоо хандах нь зөв. Асуудлыг шийдвэрлэж өгөхөөс татгалзсан эсхүл шийдвэр нь эргэлзээтэй гэж үзвэл ХХЗХороонд хандаж болно.

Харилцах утас:
Утас: 976 11 304258 e-mail: monitor@crc.gov.mn

Урьдчилсан төлбөрт үйлчилгээний төлбөрийн талаархи санал гомддлоо ХХЗХороонд гаргаж болох уу?.

Хэрэв та урьдчилсан төлбөрт үйлчилгээний карт худалдан авсан бол картыг идэвхжүүлсэн өдрөөс хойш картан дээрх хүчинтэй байх хугацаанд үйлчлэгч компанидаа санал гомдлоо гаргана.

Олон улсын ярианы картын үйлчилгээ

Худалдан авсан олон улсын ярианы карт ашиглагдахгүй бол яах вэ?

Тухайн картын үйлчилгээг эрхлэгч компанидаа хандана. Картан дээр байгаа харилцах утас,хаягаар хандаж үйлчилгээ нь яагаад боломжгүй байгаа талаар лавлана. Хэрэв асуудал шийдэгдэхгүй бол ХХЗХ-нд хандаж болно.

харилцах утас: 976 11 304258

е-mail: monitor@crc.gov.mn .

Зарим тохиолдолд зарласан үнэ тариф нь картын үйлчилгээнд мөрдөгдөхгүй байдаг. Энэ талаар хаана хандах вэ?

Зар сурталчилгаан дээрээс мөрдөгдөх хугацааг нь сайтар харах нь зөв.

Дуудлага хийхээсээ өмнө үйлчлэгчтэй холбогдож эсхүл веб сайтаас нь ямар үнэ тариф мөрдөгдөж байгаа талаар лавлаж байхыг зөвлөе.

Үйлчилгээгээ буруу тайлбарлаж сурталчилсан тухай

Би харилцаа холбооны үйлчилгээний талаархи зар сурталчилгаанд төөрөлдсөн бол хаашаа хандах вэ?

Шударга өрсөлдөөн хэрэглэгчийн төлөө газар:

Оюуны өмчийн газар:

Үүрэн холбооны үйлчилгээний тухай

Хэрэв таны ашиглах гэсэн үүрэн холбооны сүлжээний хамрах хүрээ муу байгаа бол яах вэ?

Та өөрийн үйлчлэгч компанидаа хандах нь зүйтэй. Хэрэв таны үйлчлэгч энэхүү шаардлагыг хангаж ажиллахгүй, удаа дараагийн хүсэлтийг үйлчлэгч шийдэхгүй байгаа бол ХХЗХороонд хандаж болно.

Харилцах утас:
Утас: 976 11 304258

ХХЗХороо нь хөдөө орон нутагт үүрэн холбооны хамрах хүрээг баталгаажуулах зорилгоор бүх нийтийн үүрэг хүлээсэн үүрэн холбооны үйлчлэгчдэд үүрэн холбооны чанарын хамгийн доод түвшний стандартын шаардлагыг (сүлжээний байдал, сүлжээний хэт ачааллын түвшин зэрэг ) мөрдүүлэн ажилладаг. Жишээ нь:

Бүх нийтийн үүрэгт үйлчилгээ эрхлэгч үүүрэн холбооны операторууд нь үүрэн телефон холбооны сүлжээний бэлэн байдлын түвшинг сумын төвд нийтийн зорулалттай үйлчилгээний цэгт үйлчилгээ эхэлсэн жилдээ 99 %, дараагийн 5 жилд 99.9 %-иас багагүй , малчны (багийн) холбооны цэгт үйлчилгээ эхэлсэн жилд 95 %, дараагийн 5 жилд 99%-иас багагүй байлгах үүрэг хүлээсэн.

Радио долгионы нөлөөллийн талаархи мэдээллийг хаанаас авч болох вэ?

Энэ талаархи мэдээллийг интернэтээс хайж олж болно. Доорхи сайтууд хамгийн үнэн бөгөөд найдвартай эх сурвалжууд болно.

http://www.fcc.gov./cgb/cellular.html
http://www.arpansa.gov.au/mobilephones/index.cfm
http://www.who.int/peh-emf/publications/facts/factsheets/en/index.html

http://www.icnirp.de/what.htm

Үйлчилгээний чанарын тухай

Хэрэв таны авсан үйлчилгээний чанар нь хүлээж байсан түвшингээс доогуур бол яах вэ?

Мэдээлэл харилцаа холбооны өрсөлдөөнт орчинд ХХЗХороо үйлчлэгч бүрт үйлчилгээний нэр төрлөөр нь стандарт тогтоох бус, бүх нийтийн үүрэгт үйлчилгээний заавал биелүүлэх стандарт шалгууруудыг тогтоож ажилладаг. Харин мэдээлэл харилцаа холбооны үйлчлэгч бүрт өөрийн хэрэглэгчид үйлчлэх журам, стандартаа боловсруулан мөрдөж ил тод байлгахыг үүрэг болгодог.

ХХЗХХороо, үйлчлэгч нарт зах зээл дээр шударга өрсөлдөөний нөхцлийг нь бүрдүүлж өгвөл үйлчлэгч бүр өөрийн хэрэглэгчээ хадгалахын тулд илүү чанартай олон талт үйлчилгээг нэвтрүүлэх арга замыг байнга эрэлхийлж хэрэгжүүлнэ гэсэн чиглэлийг баримталж ажилладаг.

Иймд та үйлчлэгчдээ эхэлж хандах эсхүл илүү чанартай үйлчилгээ санал болгож буй компанийг судалж сонгохыг зөвлөе.

Хэрэв үйлчлэгч компани таны гаргасан санал гомдлыг барагдуулахаас татгалзсан эсхүл гаргасан шийдвэрийг нь та хангалтгүй гэж үзвэл яах вэ?

Та энэ асуудлаар шударга өрсөлдөөн, хэрэглэгчийн төлөө газарт хандаж болно.

Хэрэглэгчийн гэрээний талаархи маргааныг хэрхэн үүсгэх вэ?

Энэ төрлийн маргааныг үүсгэхдээ эхлээд үйлчлэгч компанидаа хандах эсхүл боломжийн хуулийн зөвлөхөд хандах хэрэгтэй.

Хэрэглэгч, үйлчлэгчийн хооронд байгуулсан гэрээ нь үйлчилгээгээ худалдах тухай арилжааны гэрээ бөгөөд Монгол улсын холбогдох хууль тогтоомжийг мөрдөх үүрэгтэй.

ХХЗХороо нь холбогдох хуулиар олгогдсон хэрэглэгчийн эрх энэхүү арилжааны гэрээнд тусгагдсан эсэх, үйлчлэгч компани өөрийн давуу байдлыг урвуулан ашиглаж байгаа эсэхийг шалгаж зохицуулалт хийх үүрэгтэй.

Маргаан үүсэхээс зайлхийхийн тулд гэрээг байгуулж гарын үсэг зурахаасаа өмнө гэрээний нөхцөлийг сайтар уншиж танилцах, үйлчилгээг санал болгож буй компаниасаа тодруулга авах , дараахи нөхцлүүдийг сайтар анхааран харахыг зөвлөе.

  • Гэрээний хүчин төгөлдөр байх хугацаа болон гэрээгээ хугацаанаас нь өмнө цуцлавал ямар торгууль хүлээх тухай
  • Үйлчилгээг буюу гэрээг цуцлахад хийх төлбөр байгаа эсэх
  • Гэрээ үйлчилгээг цуцлахаас өмнөх мэдэгдэх хугацаа
  • Хэрэв та хүсэлт гаргаагүй бол гэрээ цаашид автоматаар сунгагдах нөхцөлүүд

Үйлчлэгч оператортойгоо харьцаж санал гомдол гаргахдаа дараахи зүйлийг анхаарна уу.

Аливаа санал гомдлыг аль болох е-мэйлээр эсхүл өргөдөл /албан бичгээр гаргах

Хэрэв та утсаар хандсан бол ярьсан он сар, өдөр цагаа болон ярилцсан үйлчилгээний ажилтны нэрийг тэмдэглэх

Таны санал гомдлыг шийдвэрлэх асуудлаар ирүүлсэн мэйлүүд болон бичиг захидлыг хадгалах эсхүл тэмдэглэх

Гэрээнд хүлээсэн үүргийнхээ дагуу үйлчлэгч 1-2 долоо хоног хүртэлх хугацаанд хариу өгөөгүй бол дээрх баримтуудаа ашиглан дахин хандах эсхүл хороонд хандаж болно.

С.Дашбалбар
ШИНЭЧЛЭГДСЭН: 2018/07/03
Мэдээ мэдээлэл
2019 оны 9 сар: Улаанбаатар хотод үйл ажиллагаа явуулж байгаа өргөн нэвтрүүлгийн телевиз, сувгийн хөтөлбөрт тавигдах нөхцөл шаардлагын биелэлтэд хийсэн хяналт, мониторингийн аналитик тайлан
2019 оны 9 сар: Улаанбаатар хотод үйл ажиллагаа явуулж байгаа өргөн нэвтрүүлгийн телевиз, сувгийн хөтөлбөрт тавигдах нөхцөл шаардлагын биелэлтэд хийсэн хяналт, мониторингийн аналитик тайлан
10.21
“Цахим орчны хүүхэд хамгаалал” форум болно
Харилцаа холбооны зохицуулах хороо болон НҮБ-ын Хүүхдийн сан хамтран “Цахим орчны хүүхэд хамгаалал” форумыг 2019 оны 10 дугаар сарын 22-ны өдөр зохион байгуулах гэж байна
10.18
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
10.17
Зүүн бүсийн аймгуудад үйл ажиллагаа явуулж буй үйлчилгээ эрхлэгчдийн үйл ажиллагаанд хяналт, шалгалтыг хийлээ
Улаанбаатар хотын алслагдсан Налайх, Багануур, Багахангай дүүргүүд болон Дорноговь аймгийн Сайншанд, Замын-Үүд сумд, Говьсүмбэр, Дорнод, Хэнтий, Сүхбаатар аймгуудад үйл ажиллагаа явуулж буй тус хорооноос тусгай зөвшөөрөлтэй үйлчилгээ эрхлэгчдийн үйл ажиллагааг газар дээр нь шалгаж, холбогдох хууль тогтоомж түүнд нийцүүлэн гаргасанжурам, нөхцөл шаардлагын биелэлт болон тусгай зөвшөөрлийн гэрээний хэрэгжилтийн байдалд хэмжилт, шалгалтыг хийж, зөрчлөөс урьдчилан сэргийлэх, илэрсэн зөрчлийг арилгах, таслан зогсоох, шударга өрсөлдөөнийг бий болгох зорилгоор шалгалтыг 2019 оны 08-р сарын 21-нээс 31-ний өдрүүд, 09-р сарын 4-нөөс 16-ны өдрүүдэд хийж гүйцэтгэлээ.
10.16
MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
Харилцаа холбооны зохицуулах хорооны баталгаажуулалтын үйл ажиллагаанд гүйцэтгэх ажлын чиглэлийг тодорхойлох MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
10.16
Монгол Улс БНХАУ-тай хил орчмын радио давтамжийн зохицуулалтын гэрээ байгууллаа
Монгол Улс болон Бүгд Найрамдах Хятад Ард Улс хоорондын хил орчмын радио давтамжийн зохицуулалтын хүрээнд III уулзалт 2019 оны 10 дугаар сарын 9-нөөс 11-ний өдрүүдэд Бүгд Найрамдах Хятад Ард Улсын Бээжин хотноо болж өнгөрлөө.
10.16
Бусдад зөв мэдээллийг түгээе
Цахим орчин, нийгмийн сүлжээнд нийтэлсэн аливаа худал хуурмаг мэдээлэл нь өвсөнд гал тавихтай адил хурдан тархаж, олон нийтийн санаа бодлыг үймүүлэх, төөрөлдүүлэх, улмаар нийгмийн эмх замбараагүй байдал үүсэж, үндэсний аюулгүй байдалд сөргөөр нөлөөлөх хүртэл хор уршигтай. Тиймээс та аливаа мэдээллийг бусдад түгээхээсээ өмнө fake news буюу худал мэдээлэл мөн эсэхийг нягтлан шалгаж сураарай. Зөвхөн зөв мэдээллийг л бусдад түгээцгээе.
10.14
Сургалт зохион байгуулах тухай
Харилцаа холбоо, мэдээллийн технологийн салбарын мэргэжилтэнд мэргэшлийн зэрэг олгох сургалтыг тус сургууль дээр 2019 оны 10-р сарын 30-ээс 12 сарын 5-ны хооронд зохион байгуулахаар төлөвлөж байна. Энэ удаагийн сургалтаар зөвлөх болон мэргэшсэн инженерийн сургалт, сунгалтыг хийнэ.
10.14
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
10.11
Санал асуулга явагдаж байна. Та бүхэн идэвхитэй оролцохыг урьж байна
Энэхүү санал асуулга нь тусгай дугаарын үйлчилгээ эрхлэгчдийн үйлчилгээний чанар болон хэрэглэгчдийн сэтгэл ханамжийг тодорхойлох, үнэ тарифын зохистой байдлыг илрүүлэх зорилготой юм.
10.11