Бүтэц зохион байгуулалт
ХХЗХ
528a70 org chart x800

             Үйл ажиллагааны өнөөгийн бүтэц зохион байгуулалт

ХХЗХ-ны үйл ажиллагаа явуулах үндсэн хэлбэр нь Харилцаа Холбооны тухай Монгол Улсын хуулийн холбогдох бүлэг, заалтын дагуу Хорооны хуралдаан байх ба тус хорооны 2002 оны 01 тогтоол, 2007 оны 14 дүгээр тогтоолоор нэмэлт өөрчлөлт оруулан баталсан Харилцаа холбооны зохицуулах хорооны хуралдааны дэг-ийг мөрдөнө.

Хорооны хуралдаанаар тогтоол, тэмдэглэл зэрэг шийдвэрийг гаргах бөгөөд түүний үндсэн үүрэг нь салбарыг хөгжүүлэх төрийн бодлого, стратегийг үндэслэн зохицуулалтын оновчтой арга хэмжээг хэрэгжүүлэх, мөрдүүлэх замаар тус байгууллагын үндсэн зорилгыг хэрэгжүүлдэг.

Харилцаа холбооны зохицуулах хорооны хэлтсүүд нь дараахь үндсэн эрх, чиг үүргийн хэрэгжүүлж байна. Үүнд

  1. Захиргааны удирдлага, хамтын ажиллагааны газар: Хэрэглэгчийн эрхийг хамгаалах, санал гомдлыг хүлээн авч шийдвэрлэх, хууль, эрх зүйн зөвлөгөө, дэмжлэг үзүүлэх, үйлчилгээ эрхлэх хүсэлтийг хүлээн авах, боловсруулах, хүний нөөцийн бодлогыг хэрэгжүүлэх, захиргаа болон санхүүгийн үйл ажиллагааг эрхлэх, олон нийттэй харилцах ажлыг зохион байгуулах, гадаад хамтын ажиллагааг өргөжүүлэх, байгууллагын мэдээлэл холбоо, сүлжээний хэвийн ажиллагаа, аюулгүй байдлыг хангах, байгууллагын цахим хуудсыг хөтлөх;
  2. Зохицуулалтын бодлогыг хэрэгжүүлэх газар: тусгай зөвшөөрөл, стандарт болон баталгаажуулалт, харилцан холболтын техникийн асуудлууд, дугаарлалт, техникийн нөхцөл шаардлага, технологийн шинэчлэл,  интернет, домэйн нэр болон интернэтэд суурилсан үйлчилгээ, цахим орчин дахь контентийн зохицуулалт;
  3. Өргөн нэвтрүүлгийн зохицуулалтын газар: Өргөн нэвтрүүлгийн үйлчилгээний тусгай зөвшөөрлийн зохицуулалт хийх, өргөн нэвтрүүлгийн зах зээлд хэт төвлөрөл үүсэхээс сэргийлэх, радио, телевизийн хөтөлбөрт болон дуу, дүрсийн стандартын хэрэгжилтэд хяналт-шинжилгээ, үнэлгээ хийх, хүүхдийг зохисгүй агуулгаас хамгаалахад чиглэсэн радио, телевизийн хөтөлбөрийн дүрмийг хэрэгжүүлэх
  4. Радио давтамж зохицуулалт, хяналтын газар: Радио давтамжийн зурвасын хуваарилалт хийх, шинэ техник, технологийн судалгаа хийх, ашиглах радио давтамжийн зурвасын нөөцийг бүрдүүлэх, радио давтамжийн зөвшөөрөл, харилцаа холбооны тоног төхөөрөмжийн тохирлын гэрчилгээ олгох, үндэсний радио давтамж хуваарилалтын нэгдсэн бүртгэлийг хөтлөх, олон улсын радио давтамжийн нэгдсэн бүртгэлд бүртгүүлэх, үндэсний радио долгион хяналтын нэгдсэн тогтолцоог бүрдүүлэх, цахилгаан соронзон орны хүнд үзүүлэх нөлөөний аюулгүйн түвшний хэмжилт хийж дүгнэлт гаргах;
  5. Зах зээл, үнэ тарифын үнэлгээ, судалгааны газар: зах зээлийн стратегийн дүн шинжилгээ, зах зээлийн судалгаа болон статистик мэдээлэл, үнэ тариф, харилцан холболтын төлбөр, өрсөлдөөн, бүх нийтийн үйлчилгээний үүргийг тодорхойлох; 
  6. Шуудангийн зохицуулалтын газар: шуудангийн үйлчилгээний тусгай зөвшөөрөл, зип код, хаягжуулалт, харилцан холболт, үнэ тариф зэрэг болно.
  7. Радио давтамж, өргөн нэвтрүүлгийн хяналтын төв: Радио долгионы ашиглалтын байдлыг суурин болон явуулын нөхцөлд хянах болон холбогдох хууль дүрэм журмын биелэлтийг хангуулах
С.Дашбалбар
ШИНЭЧЛЭГДСЭН: 2020/04/29
Мэдээ мэдээлэл
“Үндэсний өв соёл, түүх, уламжлалыг илэрхийлсэн шилдэг бүтээл болон шилдэг телевиз, радио шалгаруулах уралдаан”-ы дүн гарлаа
“Үндэсний өв соёл, түүх, уламжлалыг илэрхийлсэн шилдэг бүтээл болон шилдэг телевиз, радио шалгаруулах уралдаан”-ы дүн гарлаа
08.10
Т.БАТБОЛД: СОНГУУЛИЙН ХУГАЦААНД “ФЭЙСБҮҮК” КОМПАНИТАЙ ХАМТРАН ХУУЛЬ ЗӨРЧСӨН 403 КОНТЕНТЫГ ХЯЗГААРЛАСАН
Т.БАТБОЛД: СОНГУУЛИЙН ХУГАЦААНД “ФЭЙСБҮҮК” КОМПАНИТАЙ ХАМТРАН ХУУЛЬ ЗӨРЧСӨН 403 КОНТЕНТЫГ ХЯЗГААРЛАСАН
08.04
Харилцаа холбооны зохицуулах хороо Монгол Улсын Их Хурлын 2020 оны ээлжит сонгуулиар хамтран ажилласан төрийн болон хувийн хэвшлийн аж, ахуй нэгж байгууллагуудтай уулзалт зохион байгууллаа
Харилцаа холбооны зохицуулах хороо Монгол Улсын Их Хурлын 2020 оны ээлжит сонгуулиар хамтран ажилласан төрийн болон хувийн хэвшлийн аж, ахуй нэгж байгууллагуудтай уулзалт зохион байгууллаа.
07.30
Журмын төсөлд санал авах тухай
Аймаг, нийслэл, сум, дүүргийн иргэдийн төлөөлөгчдийн хурлын сонгуулийн тухай хуулийн 45 дугаар зүйлийн 45.20 дах хэсэгт заасан “Радио, телевизээр сонгуулийн сурталчилгааг нэвтрүүлэх, хяналт тавих журам”-ын төслийг боловсруулж байгаатай холбогдуулан санал авах ажиллагааг эхлүүлж байна.
07.24
МЭНДЧИЛГЭЭ
Мэндчилгээ
07.24
2020 оны 6 сард ирсэн санал, гомдлын мэдээ
ХАРИЛЦАА ХОЛБООНЫ ЗОХИЦУУЛАХ ХОРООНД 2020 ОНЫ 06 САРД ИРСЭН САНАЛ ГОМДЛЫН МЭДЭЭ
07.10
Наадам мэндчилгээ 2020
Наадам мэндчилгээ 2020
07.10
МЭДЭГДЭЛ
Мэдэгдэл
07.07
ХАРИЛЦАА ХОЛБООНЫ ЗОХИЦУУЛАХ ХОРООНЫ 2020 ОНЫ 6 ДУГААР САРД ХҮЛЭЭН АВСАН БАРИМТ БИЧГИЙН МЭДЭЭ
ХАРИЛЦАА ХОЛБООНЫ ЗОХИЦУУЛАХ ХОРООНЫ 2020 ОНЫ 6 ДУГААР САРД ХҮЛЭЭН АВСАН БАРИМТ БИЧГИЙН МЭДЭЭ
07.06