Мессежний тусгай дугаар шинээр авах
ХХЗХ

Хүсэлт гаргагч

1.    Холбогдох журам, нөхцөл шаардлагатай танилцах

Хэрэв та мессежний тусгай дугаар ашиглан мэдээлэл, лавлах үйлчилгээ үзүүлэх гэж байгаа бол холбогдох хууль, журам, зохицуулалтын чиглэл, нөхцөл шаардлага, төлбөр зэрэгтэй танилцах шаардлагатай бөгөөд журам, нөхцөл шаардлагыг ХХЗХ-ны цахим хуудас www.crc.gov.mn хуудасны хууль, эрх зүй хэсгээс харах боломжтой.

Харилцаа холбооны зохицуулах хороо нь мессежний тусгай дугаар хүсэгчдэд түргэн, шуурхай, хялбар, хүртээмжтэй үйлчилгээ үзүүлэх зорилгоор Харилцаа холбооны тухай хуулийн 8.13-т заасны дагуу гэрээний үндсэн дээр үүрэн холбооны оператор компаниудаар (Мобиком корпораци ХХК, Скайтел ХХК, Юнител ХХК, Жи-Мобайл ХХК) мессежний тусгай дугаарыг хэрэглэгчдэд олгох үйл ажиллагааг гүйцэтгүүлж байна. Энэхүү эрхийн дагуу дээрх компаниуд нь мессежний тусгай дугаарын олголт, сунгалт гэх мэт ажлыг нэгдсэн үнэ тариф, сарын суурь хураамж, орлого хуваарилах зарчмын дагуу зохион байгуулж байгаа юм.

2.    Өргөдлийн маягт, нотлох баримт бүрдүүлэх

Мессежний тусгай дугаар авахаар хүсэлт гаргагч нь www.smsnumber.mn вэб сайтанд хандан бүрдүүлэх материал, үйлчилгээний хураамж, үнэ тариф, орлого хуваарилах хувь хэмжээ, хүсэлт гаргах маягт зэрэгтэй  танилцан өргөдлөө үүрэн холбооны оператор компани тус бүрд (Мобиком корпораци ХХК,Скайтел ХХКЮнител ХХКЖи-Мобайл ХХК) гаргана.

(Хүсэлт гаргагч нь холбогдох өргөдлийн маягтыг бүрэн гүйцэд, үнэн зөв бөглөн шаардлагатай нотлох баримтуудыг, тухайлбал: улсын бүртгэлийн гэрчилгээ эсхүл иргэний үнэмлэхийн баталгаажсан хуулбар болон албан бичгийг хавсаргана.)

3.    Мессежний тусгай дугаарын хүсэлт хүлээлгэн өгөх

Хүсэлт гаргагч та дээрх дарааллын дагуу өргөдлийн маягтыг бүрэн гүйцэд бөглөж, холбогдох нотлох баримт (албан хүсэлт болон байгууллагын улсын бүртгэлийн гэрчилгээний баталгаажсан хуулбар, иргэн бол өргөдөл  болон иргэний үнэмлэхийн хуулбар),  материалыг бүрдүүлсэн гэж үзэж байвал хүсэлтээ үүрэн холбооны үйлчилгээ эрхлэгчид хүргүүлнэ.

Та зөвхөн нэг үүрэн холбооны оператор компанид хүсэлт гаргавал зөвхөн тухайн үүрэн холбооны оператор компаний хэрэглэгчид танай мессежний тусгай дугаарт холбогдох боломжтой болно. Тиймээс 4 үүрэн холбооны оператор компаний хэрэглэгчидтэй холбогдох төлөвлөгөөтэй байгаа бол үүрэн холбооны оператор компани болгонд хүсэлтээ өгч, мессежний тусгай дугаарын төлбөр төлөх болохыг анхаарна уу. 

4.    Хүсэлтийг шийдвэрлэх

Мессежний тусгай дугаарын хүсэлтийг Мобиком корпораци ХХК, Скайтел ХХК, Юнител ХХК, Жи-Мобайл ХХК гэсэн үүрэн холбооны оператор компани дээр шийдвэрлэнэ.

5.    Гэрээ байгуулах, төлбөр төлөх

Та www.smsnumber.mn цахим хуудаснаас дугаараа сонгож, сонгосон үүрэн холбооны оператор компанитай гэрээгээ байгуулж, төлбөрөө төлнө.

Гэрээ байгуулсны дараа тухайн үүрэн холбооны оператор компаний тусгай дугаар хариуцсан мэргэжилтэн сонгосон дугаарыг систем дээр үүсгүүлэхээр техникийн алба руу шилжүүлж, дугаарыг үүсгүүлнэ.

Тусгай дугаар эзэмшигч

Та гэрээ байгуулсан өдрөөс эхлэн мессежний тусгай дугаарын эзэмшигч болж байгаа бөгөөд гэрээнд заасан хугацаанд гэрээ болон тусгай дугаарын нөхцөл шаардлага, стандартыг хангаж, ХХЗХ-ны тогтоол шийдвэр, бусад холбогдох хууль, тогтоомжийг мөрдөж ажиллах үүрэгтэй.

С.Дашбалбар
ШИНЭЧЛЭГДСЭН: 2018/03/09
Мэдээ мэдээлэл
МЭДЭГДЭЛ
Дараах хуулийн этгээд /иргэн/ -үүд тус журамд заасан хугацааны дотор зөвшөөрлийн хугацаагаа сунгуулах хүсэлтээ ирүүлнэ үү.
01.27
Харилцаа холбооны зохицуулах хорооны 2020 оны ээлжит 1 дүгээр хуралдааны мэдээлэл
Монгол Улсын Харилцаа холбооны зохицуулах хорооны 2020 оны ээлжит 01 дүгээр хуралдааныг 2020 оны 1 дүгээр сарын 16-ны өдөр зохион байгуулав.
01.27
"ӨРГӨН НЭВТРҮҮЛГИЙН ХУУЛИЙН ХЭРЭГЖИЛТ- ОРОН НУТАГТ" ОРОН НУТГИЙН ТЕЛЕВИЗҮҮДИЙН УДИРДЛАГУУДЫН УУЛЗАЛТ
"ӨРГӨН НЭВТРҮҮЛГИЙН ХУУЛИЙН ХЭРЭГЖИЛТ- ОРОН НУТАГТ" сэдэвт орон нутгийн телевизүүдийн удирдлагуудын уулзалт 2020 оны 1 -р сарын 24 нд болно.
01.23
Мэдээлэл, харилцаа холбооны тоног төхөөрөмжид баталгаажуулалт хийх төлбөрийн хэмжээ журмын төсөлд санал авч байна
Мэдээлэл, харилцаа холбооны тоног төхөөрөмжид баталгаажуулалт хийх төлбөрийн хэмжээ журмын төсөлд санал авч байна
01.23
Санал гомдол шийдвэрлэлтийн мэдээ 2019 оны сүүлийн хагас жил
Харилцаа холбооны зохицуулах хороо нь Харилцаа холбооны тухай хууль, Радио долгионы тухай хууль, Шуудангийн тухай хууль болон бусад холбогдох хуулиар олгогдсон эрх, үүргийн хүрээнд “Харилцаа холбооны зохицуулах хороонд ирүүлсэн санал, гомдлыг хүлээн авах, хянах, шийдвэрлэх журам”-ын дагуу үйлчилгээ эрхлэгч, хэрэглэгчдийн санал, гомдлыг хүлээн авч шийдвэрлэдэг.
01.22
ТУСГАЙ ЗӨВШӨӨРӨЛ ЭЗЭМШИГЧИД ЦАХИМ ХУУДСААР ТАЙЛАН МЭДЭЭ ИРҮҮЛЭХ ТУХАЙ
Харилцаа холбооны зохицуулах хороо нь тусгай зөвшөөрөл эзэмшигчдээс батлагдсан маягтын дагуу жил бүр статистик тайлан мэдээг гаргуулан авдаг. 2019 оны жилийн эцсийн статистик тайлан мэдээгээ 2020 оны 02-р сарын 20-ний дотор статистик тайлан мэдээний программд шивж, тоон гарын үсгээр баталгаажуулж ирүүлнэ үү.
01.22
Санал гомдол шийдвэрлэлтийн мэдээ 2019 оны 12 сар
Санал гомдол шийдвэрлэлтийн мэдээ 2019 оны 12 сар
01.22
ЗӨВШӨӨРӨЛ ЭЗЭМШИГЧДЭД МЭДЭГДЭХ НЬ
Тусгай зөвшөөрөл, эрхийн бичиг, бүртгэлийн гэрчилгээ эзэмшигч нь холбогдох хууль тогтоомж, журам, гэрээнд зааснаар шинээр зөвшөөрөл авч байгаа тохиолдолд эхний жилийн төлбөрийг шийдвэр гарсан өдрөөс хойш 30 хоногийн дотор, ээлжит жилийн төлбөрийг тусгай зөвшөөрөл олгосон тухай шийдвэр гарсан өдрөөс нэг сарын өмнө төлсөн байх үүрэгтэй бөгөөд заасан хугацаанд төлбөрөө бүрэн төлж барагдуулаагүй тохиолдолд МОНГОЛ БАНКНЫ ЗЭЭЛИЙН МЭДЭЭЛЛИЙН САНД зөвшөөрөл эзэмшигчийн мэдээллийг нийлүүлэх болсныг мэдэгдэж байна.
01.15
Санал гомдол шийдвэрлэлтийн мэдээ 2019 оны 11 сар
Санал гомдол шийдвэрлэлтийн мэдээ 2019 оны 11 сар
01.15