Харилцаа холбооны зохицуулах хорооны 2014 оны ээлжит 1 дүгээр хуралдааны мэдээлэл
ХХЗХ

Монгол Улсын Харилцаа холбооны зохицуулах хорооны 2014 оны ээлжит 1 дүгээр  хуралдаан 2014 оны 2 дугаар сарын 21-ны өдөр болов. Тус хуралдаанаар нийтдээ 12 асуудлыг хэлэлцэж, хорооны 8 тогтоол, 3 тэмдэглэл тус тус гарган шийдвэрлэсэн болно.

Тус ээлжит хуралдаанаар Харилцаа холбооны чиглэлээр үйл ажиллагаа эрхлэх тусгай завшаарлийн ангилалыг шинэчилэн баталж, уг тогтоолыг хэрэгжүүлэх арга хэмжээний тухай тогтоолыг гаргалаа. Түүнчлэн “Ультра хэт богино долгио-UHF 340-350, 400-430, 440-450 МГц давтамжийн зурвасын хуваарилалт, техникийн нөхцөл шаардлага”, “Харилцаа холбооны салбарт үйл ажиллагаа эрхлэх зөвшөөрлийн журам”-д нэмэлт өөрчлөлт оруулах асуудлыг хэлэлцэн шийдвэрлэв.

Хорооны хуралдаанаар иргэд, байгууллага, ААН-ээс харилцаа холбооны үйлчилгээ, шуудангийн ашиглалт үйлчилгээ, үйлчилгээ эрхлэх тусгай зөвшөөрөл болон радио давтамжийн тусгай зөвшөөрөл авах, сунгах, нэмэлт өөрчлөлт оруулах, цуцлах талаар хүсэлт материал ирүүлснийг албадаас үнэлгээ хийсэн санал, дүгнэлтийг авч хэлэлцээд,  нэр бүхий 21 хуулийн этгээдэд тусгай зөвшөөрөл шинээр олгох,  2 тусгай зөвшөөрөл эзэмшигч хуулийн этгээдийн тусгай зөвшөөрлийн хамрах хүрээнд нэмэлт өөрчлөлт оруулахаар шийдвэрлэв. Мөн холбогдох хууль, тогтоомжийн заалт, нөхцөл шаардлагыг мөрдөөгүй, хүсэлт гаргасан 4 хуулийн этгээдийн тусгай зөвшөөрлийг хүчингүй болгохоор 2014 оны 06 тоот тогтоол гарган шийдвэрлэсэн. Мөн хуралдаанаар шуудангийн үйлчилгээ эрхлэгчдийн үйл ажиллагаанд хийсэн төлөвлөгөөт бус шалгалтын тайлан, түүний мөрөөр авах арга хэмжээний тухай авч хэлэлцээд 2 хуулийн этгээдийн тусгай зөвшөөрлийг хүчингүй болгох, 2 хуулийн этгээдийн тусгай зөвшөөрлийг түр хугацаагаар түдгэлзүүлэхээр тогтоол гаргасан болно.

Тус хуралдаанаар 2013 оны ээлжит болон ээлжит бус хуралдааны тогтоол, шийдвэрийн  хэрэгжилтийн тайлан, танилцуулгыг авч хэлэлцэв. Өнгөрсөн 2013 онд ХХЗХ-ны дарга, Хорооны хуралдаанаас өгсөн удирдамж, чиглэл, хуралдааны дэгийн дагуу хорооны ээлжит хуралдааныг сард 1-ээс  доошгүй удаа зохион байгуулж тайлант хугацаанд нийт 15 удаагийн хуралдаанаар төлөвлөгөөт болон цаг үеийн асуудлуудыг шийдвэрлэсэн. ХХЗХ-ны 14 удаагийн ээлжит, 1 удаагийн ээлжит бус хуралдаанаар зохицуулалтын чиглэл, дүрэм журам, нөхцөл шаардлага, радио давтамжийн хуваарилалт, төлөвлөлтөнд  нэмэлт өөрчлөлт оруулах, шинэчилэх, тусгай зөвшөөрөл олгох, түдгэлзүүлэх, цуцлах, сэргээх зэрэг хэлэлцсэн асуудлаар нийтдээ 73 тогтоол, 21 тэмдэглэлийг  тус тус гаргуулан шийдвэрлэж, тогтоолын хэрэгжилтэнд хяналт тавин ажиллажээ.  Зохицуулалтын баримт бичиг нөхцөл шаардлагын шинэчлэлтийг хийх явцад одоо мөрдөж байгаа 70 гаруй баримт бичгийн 50 гаруйг шинэчилэх, нэмэлт өөрчлөлт оруулах арга хэмжээг эрчимтэй авч хэрэгжүүлсэн болохыг онцлон тэмдэглэв.

Тус хуралдаанаар салбарын хэмжээнд 2014-2015 онд боловсруулах стандартын талаар авах арга хэмжээний тухай, тусгай зөвшөөрлийн код, гэрээний дугаарлалтын /ангиллын кодын формат/ талаар авах арга хэмжээний тухай, Хорооны хуралдааны тогтоол, шийдвэрийн  хэрэгжилтийн дүнгийн тухай хуралдааны тэмдэглэл гарган ажлын албанд удирдамж, чиглэл өглөө.

(Хуралдааны баталсан тогтоолын жагсаалт, хавсралтыг үзнэ үү).

 

Харилцаа холбооны зохицуулах хороо

2014-02-23

 

С.Дашбалбар
ШИНЭЧЛЭГДСЭН: 2015/05/25
Мэдээ мэдээлэл
Харилцаа холбооны зохицуулах хороо Монгол Улсын Их Хурлын 2020 оны ээлжит сонгуулиар хамтран ажилласан төрийн болон хувийн хэвшлийн аж, ахуй нэгж байгууллагуудтай уулзалт зохион байгууллаа
Харилцаа холбооны зохицуулах хороо Монгол Улсын Их Хурлын 2020 оны ээлжит сонгуулиар хамтран ажилласан төрийн болон хувийн хэвшлийн аж, ахуй нэгж байгууллагуудтай уулзалт зохион байгууллаа.
07.30
Журмын төсөлд санал авах тухай
Аймаг, нийслэл, сум, дүүргийн иргэдийн төлөөлөгчдийн хурлын сонгуулийн тухай хуулийн 45 дугаар зүйлийн 45.20 дах хэсэгт заасан “Радио, телевизээр сонгуулийн сурталчилгааг нэвтрүүлэх, хяналт тавих журам”-ын төслийг боловсруулж байгаатай холбогдуулан санал авах ажиллагааг эхлүүлж байна.
07.24
МЭНДЧИЛГЭЭ
Мэндчилгээ
07.24
2020 оны 6 сард ирсэн санал, гомдлын мэдээ
ХАРИЛЦАА ХОЛБООНЫ ЗОХИЦУУЛАХ ХОРООНД 2020 ОНЫ 06 САРД ИРСЭН САНАЛ ГОМДЛЫН МЭДЭЭ
07.10
Наадам мэндчилгээ 2020
Наадам мэндчилгээ 2020
07.10
МЭДЭГДЭЛ
Мэдэгдэл
07.07
ХАРИЛЦАА ХОЛБООНЫ ЗОХИЦУУЛАХ ХОРООНЫ 2020 ОНЫ 6 ДУГААР САРД ХҮЛЭЭН АВСАН БАРИМТ БИЧГИЙН МЭДЭЭ
ХАРИЛЦАА ХОЛБООНЫ ЗОХИЦУУЛАХ ХОРООНЫ 2020 ОНЫ 6 ДУГААР САРД ХҮЛЭЭН АВСАН БАРИМТ БИЧГИЙН МЭДЭЭ
07.06
Мониторингийн 2020 оны 6 дугаар сарын тайлан
Мониторингийн 2020 оны 6 дугаар сарын тайлан
07.03
Радио давтамжийн цахилгаан соронзон орны хүнд үзүүлэх нөлөөний аюулгүйн түвшний хэмжилт Юнител ХХК 06/1387
Радио давтамжийн цахилгаан соронзон орны хүнд үзүүлэх нөлөөний аюулгүйн түвшний хэмжилт Юнител ХХК 06/1387
07.02
Олон улсын стандартуудыг орчуулах зөвлөх үйлчилгээний тухай зарлал
Харилцаа холбооны зохицуулах хороо нь доорх стандартуудыг орчуулах ажлыг хэрэгжүүлэх зорилгоор зөвлөх үйлчилгээний гэрээ байгуулах гэж байгаа тул уг үйлчилгээг үзүүлэх хүсэлтэй зөвлөхийн багийг мэдүүлгээ ирүүлэхийг урьж байна. Үүнд:
07.02