Хэрэглэгчийн гэрээний нөхцлүүд
ХХЗХ

I. Нийтлэг нөхцөл

Үйлчилгээний гэрээ нь дараахь агуулгыг хамруулсан байна.

    1. Хамрах хүрээ
    2. Энэхүү гэрээнд хэрэглэгдэх ойлголтуудын тайлбар
    3. Хэрэглэгдэх хэл
    4. Мэдээллийн нууцлал
    5. Үйлчлэгчийн эрх, үүрэг
    6. Хэрэглэгчийн эрх, үүрэг
    7. Төлбөр тооцооны талаар талуудын хүлээх үүрэг, хариуцлага
    8. Гэрээг түр зогсоох, өөрчлөх, зогсоох ба цуцлах нөхцөл, дэс дараалал
    9. Гомдол саналаа хэрхэн тавих, түүнийг хэрхэн барагдуулах
    10. Маргааныг  хэрхэн  шийдвэрлэх дэс дараалал

II. Гэрээ хийх нөхцөл ба дэс дараалал

Үйлчлэгч нь аливаа үйлчилгээг  гэрээний үндсэн дээр үзүүлнэ.

    1. Гэрээний нэг тал нь үйлчлэгч, нөгөө тал нь хувь хүн, хуулийн этгээд буюу хувийн аж ахуй эрхлэгч байна.
    2. Үйлчлэгчийн тогтоосон хэлбэрийн өргөдлийг 2 хувь үйлдэн өргөдлийг үйлчлэгч хүлээн авч бүртгэн нэг хувийг өөрт, нэг хувийг хүсэлт гаргагчид өгнө.Өргөдлийг хүлээн авч бүртгэх дарааллыг үйлчлэгч өөрөө тогтооно.
    3. Үйлчлэгч нь өргөдлийг хүлээн авч бүртгэх,авч үзэхээс татгалзах эрхгүй.
    4. Иргэн хүсэлт гаргахдаа хувийн биеийн байцаалтыг үзүүлнэ. Хуулийн этгээдийн төлөөлөл нь өөрийн эрх мэдлийг батлах баримт, хуулийн этгээдийг бүртгэсэн Улсын бүртгэлийн гэрчилгээний  хуулбарыг үзүүлнэ. Хувиараа хөдөлмөр эрхлэгч нь хувийн биеийн байцаалт, Улсын бүртгэлийн гэрчилгээний хуулбарыг үзүүлнэ.
    5. Үйлчлэгч иргэний хооронд байгуулсан гэрээ нь хувийн гэрээ байх бөгөөд тодорхой хугацаагүй байна.
    6. Үйлчлэгч өөрийн нэрийн өмнөөс гэрээ хийх, төлбөр тооцоо барагдуулах асуудлыг 3 дагч этгээдэд даатгах эрхтэй.

III. Гэрээнд зайлшгүй тусгах мэдээллүүд:

a)    Гэрээ байгуулсан газар, он, сар, өдөр

b)    Үйлчлэгчийн нэр

c)    Үйлчлэгчийн төлбөрийн дансны мэдээлэл

d)    Үйлчлэгчид олгогдсон тусгай зөвшөөрлийн талаархи  мэдээлэл

e)    Хэрэглэгчийн мэдээлэл:

    • Иргэний хувьд - овог нэр,төрсөн он, сар, өдөр, иргэний хувийн бичиг баримтын мэдээлэл
    • Хуулийн этгээдийн хувьд-фирмийн нэр, байршил,

f)     Хэрэглэгчийн төхөөрөмжийг суурилуулах хаяг

a)    Хэрэглэгчийн төхөөрөмжийн техникийн үзүүлэлт,  ашиглах интерфэйс

g)    Хэрэглэгчийн тухай мэдээллийг лавлах санд оруулах эсэх талаар бичгээр авсан тодорхойлолт

h)    Үйлчилгээний төрөл

b)    Үйлчилгээний төлбөр тооцооны нэхэмжлэлийг хүргэх хэлбэр, хугацаа, дараалал

i)      Талуудын эрх, үүрэг

j)      Үйлчилгээнд гарсан саатлыг засварлах хугацаанд төлбөрөөс чөлөөлөх талаархи үйлчлэгчийн үүрэг

k)    Гэрээний хүчинтэй байх хугацаа

Үйлчлэгчийн үүрэг

a)    Монгол Улсын хууль тогтоомж болон тусгай зөвшөөрөл, гэрээ, энэхүү журамд заасны дагуу үйлчилгээг хэрэглэгчид үзүүлэх.

b)    Гэрээнд зааж тогтоосон хугацаанд гэмтэл саатал, доголдлыг засах

c)    Тариф өөрчлөгдсөн талаархи мэдээллийг өөрчлөлт орохоос 10-аас цөөнгүй хоногийн өмнө хэрэглэгчид нийтийн мэдээллийн хэрэгсэл ба хэрэглэгчид үйлчилгээ үзүүлдэг цэгүүдээр дамжуулан хүргэнэ.

d)    Үйлчилгээ үзүүлэх хугацаа нь давагдашгүй хүчин зүйлийн улмаас өөрчлөгдсөн бол хугацааг шинээр тохирч тогтооно.

e)    Харилцаа холбооны тухай хуульд зааснаар харилцаа холбооны тоног төхөөрөмжийг шинэчлэх, өргөтгөх, үйлчилгээний зориулалтыг өөрчлөх, түр зогсоох  тухай хэрэглэгчид урьдчилан мэдэгдэх

f)     хууль тогтоомжид зааснаас бусад  үед харилцаа холбооны үйлчилгээг зогсоохгүй байх, хэрэглэгчид хохирол учруулсан тохиолдолд Иргэний хуулийн дагуу хариуцлага хүлээх

Хэрэглэгчийн үүрэг

a)    Гэрээнд заасан үйлчилгээ болон үзүүлэхээр заасан бусад үйлчилгээний төлбөрийг  гэрээнд заасан хугацаанд төлөх

b)    Тогтоосон шаардлагад нийцээгүй тоног төхөөрөмж сүлжээнд холбохгүй байх

c)    Тоног төхөөрөмж суурилуулсан, өөрийн оршин суугаа байрны эзэмшил өөрчлөгдөх, байгууллагын нэр, байршил  өөрчлөгдөх тухай үйлчлэгчид 30-аас цөөнгүй хоногийн өмнө мэдэгдэх

d)    Хэрэглэгчийн өрөө тасалгаанд эсхүл өөрийн эзэмшилд байгаа шугам, төхөөрөмжийг хэвийн ажиллагаатай байлгах

e)    Хэрэглэгчийн тоног төхөөрөмжийг зөвлөмжийн дагуу ашиглах

Хэрэглэгчийн эрх

a)    Үйлчилгээ үзүүлэх явцад үйлчлэгчид ногдох зардалтай холбоотой төлбөрийг хэрэглэгчээс  нэхэмжилсэн нөхцөлд  гэрээнээс татгалзах

b)    Гэрээнд заагаагүй, хэрэглэгчийн зөвшөөрөлгүйгээр үзүүлсэн  үйлчилгээний төлбөрийг нэхэмжилснийг төлөхөөс татгалзах

c)    Үйлчилгээ үзүүлэх хугацааг  давагдашгүй хүчин зүйлийн улмаас мөрдөх боломжгүй талаар үйлчлэгч хугацааг дуусахаас өмнө мэдэгдсэн бол тухайн хугацааг үйлчлэгчтэй шинээр тохирч тогтоох

Үйлчилгээний төлбөрийг тооцох, тариф тогтоох

d)    Үйлчилгээний төлбөр нь хэрэглэсэн цагаар эсхүл дамжуулсан эсхүл хүлээн авсан өгөгдлийн багтаамжаар тооцогдоно.

e)    Үйлчлэгч нь хэрэглэгчийг олон нийтэд зарласан үнээс өөр, тусгай төлбөрөөр өөр үйлчилгээг үзүүлэхээр албадах эрхгүй.

f)     Үйлчилгээ үзүүлэх тарифыг  хууль тогтоомжинд өөрөөр заагаагүй бол үйлчлэгчээс тогтоосон нэгжээр тооцно.

g)    Үйлчилгээний тарифын тэр тусмаа тооцох нэгжид хүрээгүй (бүрэн бус нэгж хугацааны) тарифыг хууль тогтоомжинд өөрөөр тогтоогоогүй бол үйлчлэгч өөрөө тогтооно.

h)    Тариф нь амралт, баяр ёслолын өдүүдээр, хоногоор, дамжуулсан/хүлээн авсан өгөгдлийн багтаамжийн хэмжээгээр , зайнаас хамаарч гэх мэтээр өөр өөр аргаар тогтоогдож болно.

i)      Хэрэглэгч төлбөрөө урьдчилгаа ба дараа нь төлөх хэлбэрээр хийж болох бөгөөд   

      ашиглаагүй  урьдчилгаа төлбөрийн үлдэгдлийг хэрэглэгч буцаан авахыг шаардах    

      эрхтэй. Үйлчлэгч түүнийг буцаан өгөх үүрэгтэй.

Үйлчилгээний төлбөрийг   нэхэмжлэх

a)    Төлбөр тооцож гаргах хугацаа нь төлбөрийн хамрах хугацаа дууссанаас хойш 7 хоногоос   хэтрэхгүй байна.

b)    Төлбөр хийх хугацаа нь хугацаат хэрэглээний төлбөрийг нэхэмжилсэн өдрөөс хойш 15 хоногоос хэтрэхгүй байна.

c)    Хэрэглэгчийн төлбөрийн баримтанд дараахь мэдээллүүд зайлшгүй тусгагдсан байна. Үүнд.

    • Үйлчилгээ эрхлэгчийн  мэдээлэл
    • Хэрэглэгчийн талаархи мэдээлэл
    • Нэхэмжилсэн тооцооны хамрах хугацаа
    • Төлбөр нэхэмжилсэн хугацаа
    • Төлбөр төлөх хугацаа
    • Алданги тооцох хувь

 

 

 

С.Дашбалбар
ШИНЭЧЛЭГДСЭН: 2015/04/08
Бусад мэдээлэл
Мэдээ мэдээлэл
Харилцаа холбооны зохицуулах хорооны нэрэмжит 2019 оны улсын аварга шалгаруулах “Үнэг агналтын тэмцээн”
Радио сонирхогчийн нэвтрүүлэгч олох буюу үнэг агналтын Улсын аврага тэмцээн 2019 оны 9-р сарын 7, 8-ны өдрүүдэд Бага Баян цогцолборын орчимд амжилттай явагдаж өндөрлөлөө. Энэ тэмцээнд нийт 10 гаруй багийн 35 тамирчин оролцож, W19/W35, M19/M40, W21, М21 насны ангилалд мэдлэг, ур чадвар, мэдрэмж, хүч чадлаараа уралдлаа.
09.19
WRC19-Д бэлтгэх Ази-номхон далайн цахилгаан холбооны байгууллагуудын урьдчилсан байр суурь батлагдлаа
Олон Улсын Цахилгаан Холбооны Байгууллага (ОУЦХБ)-аас 2019 оны 10 сарын 28-наас 11 сарын 22-ны хооронд Египет улсын Шарм Эл-Шейх хотод зохион байгуулагдах Дэлхийн Радио Холбооны Их Хуралд (ДРИХ) бэлтгэх Ази-Номхон Далайн Цахилгаан холбооны гишүүн байгууллагуудын 5 дахь удаагийн уулзалт 2019 оны 7 сарын 31-ээс 8 сарын 6-ны хооронд Япон улсын Токио хотноо Япон улсын Харилцаа холбоо ба Дотоод хэргийн яамны дэмжлэгтэйгээр зохион байгуулагдлаа.
09.18
“Радио өргөн нэвтрүүлгийг тоон системд шилжүүлэх нь” сэдэвт олон улсын форум амжилттай болж өнгөрлөө
“Радио өргөн нэвтрүүлгийг тоон системд шилжүүлэх нь” сэдэвт олон улсын форум амжилттай болж өнгөрлөө
09.18
ХАРИЛЦАА ХОЛБООНЫ ХӨГЖИЛ – 2019 БҮСИЙН ЗӨВЛӨГӨӨН
Харилцаа холбооны зохицуулах хорооноос жил бүр зохион байгуулдаг Харилцаа холбооны хөгжил сэдэвт бүсийн зөвлөгөөнийг энэ удаад Сүхбаатар аймгийн төв Баруун- Урт суманд 2019 оны 9 сарын 12,13 ний өдрүүдэд зохион байгууллаа
09.15
“Харилцаа холбооны хөгжил-2019” Бүсийн зөвлөгөөн
“Харилцаа холбооны хөгжил- 2019” сэдвийн дор төр болон хувийн хэвшлийн байгууллага тусгай зөвшөөрөл эзэмшигчид, хувь хүмүүст зориулан Сүхбаатар аймгийн Баруун-урт хотноо зохион байгуулахаар бэлэн болоод байна. Уг зөвлөгөөн хэлэлцүүлэгт Монгол улсын зүүн бүсийн аймгуудын Мэдээлэл, харилцаа холбоо, технологийн үйлчилгээ явуулж буй аж ахуй нэгж байгууллага, иргэдийн нийт 130 гаруй зочид, төлөөлөгчид оролцох юм.
09.10
2019 оны 2 дугаар улирал
2019 оны 2 дугаар улирал
09.03
Мониторингийн 2019 оны 5,6 дугаар сарын тайлан
Мониторингийн 2019 оны 5,6 дугаар сарын тайлан
08.27
Харилцаа холбооны зохицуулах хорооны 2019 оны ээлжит 8 дугаар хуралдааны мэдээлэл
Монгол Улсын Харилцаа холбооны зохицуулах хорооны 2019 оны ээлжит 8 дугаар хуралдааныг 2019 оны 8 дугаар сарын 19-ний өдөр зохион байгуулав.
08.26