Тоон телевиз
ХХЗХ
  • Эфирийн  тоон  телевиз нь арилжааны кабелийн телевизээс ямар давуу талтай вэ?

Эфирийн  тоон  телевизийн  давуу тал нь төр засгийн бодлогоор үзүүлэх багц сувгуудыг үнэгүй үзэх бөгөөд цаашид үзүүлэхээр төлөвлөж буй  өндөр тодролтой (HD TV) формат бүхий телесувгуудын шинэ багцыг үзэх боломж, уламжлалт телевизүүдээс ялгагдах шинэ үйлчилгээнүүд (тухайлбал, Засгийн газраас хэрэгжүүлэхээр төлөвлөж буй онцгой байдлын үед зарлан мэдээлэл хийх, цахим засгийн газарт холбогдох олон төрлийн шинэ үйлчилгээ)-ийг хүртэх боломжийг бүрдүүлэх юм..  

  • DVB-T2/MPEG-4  форматын декодертой ямар маркийн телевизорууд байдаг, хаана худалдан авч болох вэ?

Дэлхий зах зээл дээр Samsung, Phillips зэрэг олон үйлдвэрлэгч өөртөө DVB-T2 стандарт декодертой телевизоруудыг үйлдвэрлэж эхэлсэн.

  • Ямар тохиолдолд кабелийн аналоги телевиз, тоон   телевизийг нэгэн зэрэг хүлээн авч болох вэ?

Телевизийн сигналын энгийн  тв  нэгтгэгчийг  хэрэглэж болно.

  • Монгол улсад тоон телевизийг нэвтрүүлэх ямар шаардлагатай вэ ?

Төр засгаас хэрэгжүүлж буй зорилтот хөтөлбөрийн хүрээнд Монгол улсад оршин суугчид тодорхой тооны  телесувгийг тоон технологиор “чанар”-тай, үнэгүй дамжуулан хүргэх нийгмийн хамгийн чухал асуудлыг  шийдвэрлэх зорилтыг  дэвшүүлэн ажиллаж байна. Энэ асуудлыг одоо байгаа аналоги технологийн суурин дээр хийх нь өртөг өндөртэй, радио давтамжийн хязгаарлагдмал нөөцөөс шалтгаалан  хэргэжүүлэх бараг боломжгүй юм. Эфирийн  тоон  телевизийг иргэдэд хүргэснээр 2 .8 сая иргэний нийгмийн тэгш бус байдлыг арилгаж амьдралын чанарыг сайжруулах болно.

  • Эфирийн тоон телевизийн хүлээн авах төхөөрөмж ямар үнэтэй вэ?

2013 оны 6 сарын байдлаар (кабелийн) тоон телевизийн хүлээн авах төхөөрөмж нь 68 000-аас 90 000 төгрөгийн үнэтэй байгаа. Эфирийн тоон телевизийн хамрах газар нутаг ихсэхийн зэрэгцээ өөр олон загварын DVB-T2/MPEG-4 стандартын хүлээн авах төхөөрөмж зах зээл дээр нийлүүлэгдэж тэр нь үнийг буурахад хүргэх нь гарцаагүй.

  • Эфирийн тоон телевизийг үзэхийн тулд заавал шинэ телевизор авах хэрэгтэй юу?

Энгийн аналоги телевизортоо DVB-T2 / MPEG-4 стандартын хүлээн авах төхөөрөмж(декодер)-ийг залгаснаар эфирийн тоон телевизийн нэвтрүүлгийг хүлээн авч үзэх боломж бүрдэх юм.

  • Шинэ телевизор авахад юу анхаарах вэ?

Эфирийн тоон телевизийг үзэхийн тулд DVB-T2 / MPEG-4 стандартыг  дэмждэг телевизор байхад л хангалттай.

  • DVB-T2 стандартын DVB-Т стандартаас ялгагдах давуу тал юу вэ?

DVB-T2 стандартыг хэрэглэснээр сувгийн дамжуулах чадвар DVB-Т стандарттай харицуулахад  10Мbps–ээр нэмэгдэнэ. Мөн цаашид шинэлэг олон үйлчилгээг хэрэгэлэгчид хүргэх өргөн боломж нээгдэх юм.

  • Өөрийн байран дээр нийтийн зориулалттай антенныг хэрхэн суурилуулах/засварлах вэ?

Олон давхар орон сууцны барилгын дээвэр дээрх нийтийн антенна нь байрны СӨХ-ийн эзэмшилд байдаг. Антенны засвар, суурилуулалтыг СӨХ нь өөрийн ИТА–наар эсхүл өөр туслан гүйцэтгэгчээр хийлгэж болно.Манай орны нөхцөлд орчин үеийн орон сууцны барилгууд нийтийнзориулалтын гадна антенна огт суурилуулахгүй , зөвхөн олон сувгийн кабелийн эсвэл интернэтийн үйлчилгээнд зориулагдсан шилэн кабелийг татаж оруулж байна.

  • Телесигнал  хүлээн авч нэвтрүүлэхэд хариуцлага хүлээх вэ?

Эфирийн тоон телевизийн үйчилгээг орон даяар хүргэх үүргийг Радио Телевизийн Сүлжээний Газар УТҮГ, орон нутагт түүний салбар хүлээсэн.

 

Эфирийн тоон телевизийн үйчилгээг хэрхэн хүртэх вэ?

Эфирийн телевизийг тоон системд шилжүүлэх төлөвлөгөө

Засгийн газрын зорилтот хөтөлбөр   

С.Дашбалбар
ШИНЭЧЛЭГДСЭН: 2015/04/08
Бусад мэдээлэл
Мэдээ мэдээлэл
МЭДЭГДЭЛ
Дараах хуулийн этгээд /иргэн/ -үүд тус журамд заасан хугацааны дотор зөвшөөрлийн хугацаагаа сунгуулах хүсэлтээ ирүүлнэ үү.
01.27
Харилцаа холбооны зохицуулах хорооны 2020 оны ээлжит 1 дүгээр хуралдааны мэдээлэл
Монгол Улсын Харилцаа холбооны зохицуулах хорооны 2020 оны ээлжит 01 дүгээр хуралдааныг 2020 оны 1 дүгээр сарын 16-ны өдөр зохион байгуулав.
01.27
"ӨРГӨН НЭВТРҮҮЛГИЙН ХУУЛИЙН ХЭРЭГЖИЛТ- ОРОН НУТАГТ" ОРОН НУТГИЙН ТЕЛЕВИЗҮҮДИЙН УДИРДЛАГУУДЫН УУЛЗАЛТ
"ӨРГӨН НЭВТРҮҮЛГИЙН ХУУЛИЙН ХЭРЭГЖИЛТ- ОРОН НУТАГТ" сэдэвт орон нутгийн телевизүүдийн удирдлагуудын уулзалт 2020 оны 1 -р сарын 24 нд болно.
01.23
Мэдээлэл, харилцаа холбооны тоног төхөөрөмжид баталгаажуулалт хийх төлбөрийн хэмжээ журмын төсөлд санал авч байна
Мэдээлэл, харилцаа холбооны тоног төхөөрөмжид баталгаажуулалт хийх төлбөрийн хэмжээ журмын төсөлд санал авч байна
01.23
Санал гомдол шийдвэрлэлтийн мэдээ 2019 оны сүүлийн хагас жил
Харилцаа холбооны зохицуулах хороо нь Харилцаа холбооны тухай хууль, Радио долгионы тухай хууль, Шуудангийн тухай хууль болон бусад холбогдох хуулиар олгогдсон эрх, үүргийн хүрээнд “Харилцаа холбооны зохицуулах хороонд ирүүлсэн санал, гомдлыг хүлээн авах, хянах, шийдвэрлэх журам”-ын дагуу үйлчилгээ эрхлэгч, хэрэглэгчдийн санал, гомдлыг хүлээн авч шийдвэрлэдэг.
01.22
ТУСГАЙ ЗӨВШӨӨРӨЛ ЭЗЭМШИГЧИД ЦАХИМ ХУУДСААР ТАЙЛАН МЭДЭЭ ИРҮҮЛЭХ ТУХАЙ
Харилцаа холбооны зохицуулах хороо нь тусгай зөвшөөрөл эзэмшигчдээс батлагдсан маягтын дагуу жил бүр статистик тайлан мэдээг гаргуулан авдаг. 2019 оны жилийн эцсийн статистик тайлан мэдээгээ 2020 оны 02-р сарын 20-ний дотор статистик тайлан мэдээний программд шивж, тоон гарын үсгээр баталгаажуулж ирүүлнэ үү.
01.22
Санал гомдол шийдвэрлэлтийн мэдээ 2019 оны 12 сар
Санал гомдол шийдвэрлэлтийн мэдээ 2019 оны 12 сар
01.22
ЗӨВШӨӨРӨЛ ЭЗЭМШИГЧДЭД МЭДЭГДЭХ НЬ
Тусгай зөвшөөрөл, эрхийн бичиг, бүртгэлийн гэрчилгээ эзэмшигч нь холбогдох хууль тогтоомж, журам, гэрээнд зааснаар шинээр зөвшөөрөл авч байгаа тохиолдолд эхний жилийн төлбөрийг шийдвэр гарсан өдрөөс хойш 30 хоногийн дотор, ээлжит жилийн төлбөрийг тусгай зөвшөөрөл олгосон тухай шийдвэр гарсан өдрөөс нэг сарын өмнө төлсөн байх үүрэгтэй бөгөөд заасан хугацаанд төлбөрөө бүрэн төлж барагдуулаагүй тохиолдолд МОНГОЛ БАНКНЫ ЗЭЭЛИЙН МЭДЭЭЛЛИЙН САНД зөвшөөрөл эзэмшигчийн мэдээллийг нийлүүлэх болсныг мэдэгдэж байна.
01.15
Санал гомдол шийдвэрлэлтийн мэдээ 2019 оны 11 сар
Санал гомдол шийдвэрлэлтийн мэдээ 2019 оны 11 сар
01.15