Мэдээлэл, харилцаа холбооны тоног төхөөрөмжийн загварыг баталгаажуулах журам шинэчлэгдэн батлагдлаа
ХХЗХ

Харилцаа холбооны зохицуулах хорооны 2019 оны 8 дугаар сарын хуралдаанаар “Мэдээлэл, харилцаа холбооны тоног төхөөрөмжийн загварыг баталгаажуулах журам”-ыг шинэчлэх асуудлыг хэлэлцэн, хуралдаанаас гарсан шийдвэрийн дагуу тус журмыг 2019 оны 08 дугаар сарын 19-ний өдрийн 29 тоот тогтоолоор шинэчлэн баталлаа.

Зохицуулах хороо нь Харилцаа холбооны тухай хуулийн 9.1.3. “Харилцаа холбооны сүлжээний болон хэрэглэгчийн тоног төхөөрөмжийг баталгаажуулах, холбогдох техникийн нөхцөл, шаардлага, норматив баримт бичиг, журам батлах, хэрэгжилтэд хяналт тавих”, Радио долгионы тухай хуулийн 20.3 “Зохицуулах хороо нь олон улсын стандартын дагуу баталгаажуулалт хийх ба баталгаажуулалтын лабораторитой байж болно”, Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн 14.3 “Тохирлын гэрчилгээг итгэмжлэгдсэн баталгаажуулалтын байгууллага олгоно” гэж заасны дагуу Монгол улсын зах зээлд нэвтэрсэн болон нийлүүлэгдэх харилцаа холбооны сүлжээний болон хэрэглэгчийн тоног төхөөрөмжийг баталгаажуулж тохирлын гэрчилгээ олгодог.

Баталгаажуулалтын зорилго нь:

  • Тухайн бүтээгдэхүүн нь нийтийн ашиг сонирхол, хүний эрүүл мэнд, хүрээлэн байгаа орчны аюулгүй байдлын талаар холбогдох норматив техникийн баримт бичигт тогтоосон шаардлагыг бүрэн хангасныг үнэн зөв нотлох;
  • Хэрэглэгчид зөв сонголт хийх боломж олгох, зах зээлд хуурамч болон стандарт шаардлагад нийцэхгүй бүтээгдэхүүн орж ирэхээс хамгаалах;
  • Монгол улсын холбогдох хууль, тогтоомж шийдвэрийг хэрэгжүүлэхэд оршино.

Тус баримт бичгийг бүтээгдэхүүний баталгаажуулалтын чиглэлээр Олон улсын стандартчиллын байгууллага, Олон улсын цахилгаан техникийн комисс болон загварын туршилтын талаар Олон улсын хууль эрхийн хэмжил зүйн байгууллагаас боловсруулсан стандарт, арга зүйн удирдамжуудад нийцүүлэн боловсруулсан ба мэдээлэл, харилцаа холбооны тоног төхөөрөмжийн баталгаажуулалтыг схемийн дагуу явуулах ерөнхий харилцааг тогтооно. Журмын хамрах хүрээнд:

  • Заавал баталгаажуулалт
  • Сайн дурын баталгаажуулалт гэсэн 2 төрлийн баталгаажуулалтын үйл ажиллагаа зохицуулагдана.

Монгол Улсын Засгийн газрын 2018 оны 291 дүгээр тогтоолын 1 дүгээр хавсралтаар батлагдсан радио ба харилцаа холбооны тоног төхөөрөмжүүд нь заавал баталгаажуулалтад хамрагдана /уг журмын хавсралт 11-ийг үзэх/.

Тус жагсаалтад хамрагдаагүй үйлдвэрлэлийн болон гэр ахуйн зориулалттай цахилгаан тоног төхөөрөмжүүдийг сайн дурын баталгаажуулалтад хамруулж болно.

“Мэдээлэл, харилцаа холбооны тоног төхөөрөмжийн загварыг баталгаажуулах журам” нь:

  1. Ерөнхий зүйл
  2. Зорилго
  3. Норматив ишлэл
  4. Баталгаажуулах үйл ажиллагаа
  5. Хүсэлт гаргах
  6. Тохирлын үнэлгээ
  7. Шийдвэр гаргах
  8. Тохирлын гэрчилгээ олгох, бүртгэх
  9. Магадлах хяналт
  10. Гэрчилгээ сунгах
  11. Гэрчилгээг хүчингүй болгох
  12. Сайн дурын баталгаажуулалт
  13. Баталгаажсан тоног төхөөрөмжид тохирлын тэмдэг олгох
  14. Олон нийтэд мэдээлэх
  15. Хяналт

Хавсралт 1. Мэдээлэл, харилцаа холбооны тоног төхөөрөмжийн загварыг баталгаажуулах үйл ажиллагаа

Хавсралт 2. Мэдээлэл, харилцаа холбооны тоног төхөөрөмжийг баталгаажуулах схем

Хавсралт 3. Харилцаа холбооны тоног төхөөрөмжийн баталгаажуулалтын өргөдөл

Хавсралт 4. Өргөдөл гаргах албан хүсэлтийн загвар

Хавсралт 5. Өргөдөл гаргах албан хүсэлтийн загвар /өргөдөл гаргагч нь хувь хүн бол ашиглах загвар/

Хавсралт 6. Нийлүүлэгчийн мэдэгдлийн загвар

Хавсралт 7. Тохирлын гэрчилгээ хэрэглэх гэрээний загвар

Хавсралт 8. Тохирлын гэрчилгээний загвар

Хавсралт 9. Харилцаа холбооны зохицуулах хорооны баталгаажуулалтын үйл явцад оролцох ажилтны амлалтын гэрээний загвар

Хавсралт 10. Баталгаажуулж тохирлын гэрчилгээ олгосон тоног төхөөрөмжийн бүртгэл

Хавсралт 11. Радио ба харилцаа холбооны заавал баталгаажуулалтад хамрагдах тоног төхөөрөмжийн жагсаалт, мөрдөх стандартууд гэсэн хэсгүүдээс бүрдсэн болно.

Энэхүү журам нь Захиргааны хэм хэмжээний актын улсын нэгдсэн санд 2019 оны 09 дүгээр сарын 16-ны өдрийн 4467 дугаарт бүртгэгдсэн ба http://crc.gov.mn/k/2YL холбоосоор орж танилцах боломжтой.

С.Дашбалбар
ШИНЭЧЛЭГДСЭН: 2019/10/02
Мэдээ мэдээлэл
“Цахим орчны хүүхэд хамгаалал” форум болно
Харилцаа холбооны зохицуулах хороо болон НҮБ-ын Хүүхдийн сан хамтран “Цахим орчны хүүхэд хамгаалал” форумыг 2019 оны 10 дугаар сарын 22-ны өдөр зохион байгуулах гэж байна
10.18
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
10.17
Зүүн бүсийн аймгуудад үйл ажиллагаа явуулж буй үйлчилгээ эрхлэгчдийн үйл ажиллагаанд хяналт, шалгалтыг хийлээ
Улаанбаатар хотын алслагдсан Налайх, Багануур, Багахангай дүүргүүд болон Дорноговь аймгийн Сайншанд, Замын-Үүд сумд, Говьсүмбэр, Дорнод, Хэнтий, Сүхбаатар аймгуудад үйл ажиллагаа явуулж буй тус хорооноос тусгай зөвшөөрөлтэй үйлчилгээ эрхлэгчдийн үйл ажиллагааг газар дээр нь шалгаж, холбогдох хууль тогтоомж түүнд нийцүүлэн гаргасанжурам, нөхцөл шаардлагын биелэлт болон тусгай зөвшөөрлийн гэрээний хэрэгжилтийн байдалд хэмжилт, шалгалтыг хийж, зөрчлөөс урьдчилан сэргийлэх, илэрсэн зөрчлийг арилгах, таслан зогсоох, шударга өрсөлдөөнийг бий болгох зорилгоор шалгалтыг 2019 оны 08-р сарын 21-нээс 31-ний өдрүүд, 09-р сарын 4-нөөс 16-ны өдрүүдэд хийж гүйцэтгэлээ.
10.16
MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
Харилцаа холбооны зохицуулах хорооны баталгаажуулалтын үйл ажиллагаанд гүйцэтгэх ажлын чиглэлийг тодорхойлох MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
10.16
Монгол Улс БНХАУ-тай хил орчмын радио давтамжийн зохицуулалтын гэрээ байгууллаа
Монгол Улс болон Бүгд Найрамдах Хятад Ард Улс хоорондын хил орчмын радио давтамжийн зохицуулалтын хүрээнд III уулзалт 2019 оны 10 дугаар сарын 9-нөөс 11-ний өдрүүдэд Бүгд Найрамдах Хятад Ард Улсын Бээжин хотноо болж өнгөрлөө.
10.16
Бусдад зөв мэдээллийг түгээе
Цахим орчин, нийгмийн сүлжээнд нийтэлсэн аливаа худал хуурмаг мэдээлэл нь өвсөнд гал тавихтай адил хурдан тархаж, олон нийтийн санаа бодлыг үймүүлэх, төөрөлдүүлэх, улмаар нийгмийн эмх замбараагүй байдал үүсэж, үндэсний аюулгүй байдалд сөргөөр нөлөөлөх хүртэл хор уршигтай. Тиймээс та аливаа мэдээллийг бусдад түгээхээсээ өмнө fake news буюу худал мэдээлэл мөн эсэхийг нягтлан шалгаж сураарай. Зөвхөн зөв мэдээллийг л бусдад түгээцгээе.
10.14
Сургалт зохион байгуулах тухай
Харилцаа холбоо, мэдээллийн технологийн салбарын мэргэжилтэнд мэргэшлийн зэрэг олгох сургалтыг тус сургууль дээр 2019 оны 10-р сарын 30-ээс 12 сарын 5-ны хооронд зохион байгуулахаар төлөвлөж байна. Энэ удаагийн сургалтаар зөвлөх болон мэргэшсэн инженерийн сургалт, сунгалтыг хийнэ.
10.14
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
10.11
Санал асуулга явагдаж байна. Та бүхэн идэвхитэй оролцохыг урьж байна
Энэхүү санал асуулга нь тусгай дугаарын үйлчилгээ эрхлэгчдийн үйлчилгээний чанар болон хэрэглэгчдийн сэтгэл ханамжийг тодорхойлох, үнэ тарифын зохистой байдлыг илрүүлэх зорилготой юм.
10.11
Цахим орчинд Зөвийг түгээе
Нийгмийн сүлжээ нь бусдад үзүүлэх нөлөөллийн хувьд хүчирхэг хэрэгсэл тул олон нийтийн санаа бодлыг эргүүлэн өөрчлөх эсвэл чиглүүлэн төлөвшүүлэх зорилгоор компанит ажил өрнүүлж ашигладаг. Энэ жишээг 2016 онд болсон АНУ-ын ерөнхийлөгчийн сонгуулиас бэлхэн харж болно. Тиймээс хүн бүхэн дор бүрнээ зөвийг дэмжиж, сайныг түгээвэл нийгэмд эерэг өөрчлөлт авчирч, сайн сайхны эхлэлийг тавих боломжтой. Өөрөөр хэлбэл аливаа хар барааныг багасгая гэвэл эерэг, гэгээлэг бүхнийг түгээн дэлгэрүүлэхэд болох аж.
10.09