ХАРИЛЦАА ХОЛБООНЫ ХӨГЖИЛ – 2019 БҮСИЙН ЗӨВЛӨГӨӨН
ХХЗХ

Харилцаа холбооны зохицуулах хорооноос жил бүр зохион байгуулдаг Харилцаа холбооны хөгжил сэдэвт бүсийн зөвлөгөөнийг энэ удаад Сүхбаатар аймгийн төв Баруун- Урт суманд 2019 оны 9 сарын 12,13 ний өдрүүдэд зохион байгууллаа. Энэхүү бүсийн зөвлөгөөнд Говьсүмбэр, Дорнод, Дорноговь, Хэнтий, Сүхбаатар аймаг дахь харилцаа холбооны тусгай зөвшөөрөл эзэмшигчид, үйлчилгээ эрхлэгчид оролцож байна. Тус зөвлөгөөн 09 сарын 12-ны өдөр ХХЗХ-ны дарга, ХХМТГ-ын дарга, Сүхбаатар аймгийн засаг дарга нар үг хэлж нээснээр эхлэн салбарын хууль эрх зүйн орчны шинэчлэл, “ХХЗХ-ны үйл ажиллагааны стратеги 2019-2025” зэрэг сэдвээр нэгдсэн хэлэлцүүлэг явууллаа. Үүнд Харилцаа холбооны өнөөгийн байдал, чиг хандлага сэдэв дор радио давтамжийн хуваарилалт ба утасгүй технологийн ирээдүйн чиг хандлага, Цахим орчин нийгмийн сүлжээ болон цахим орчин дахь хүүхэд хамгааллын зохицуулалт, Цахилгаан соронзон орны хүний биед үзүүлэх нөлөөлөл гэх мэт сонирхолтой илтгэлүүд дэс дараатай тавигдаж төр болон хувийн хэвшлийн байгууллага, салбарын мэргэжил нэгтнүүддээ таниулж шаардлагатай мэдээ мэдээлэл, заавар зөвлөгөөг олгосон юм. Эхний өдрийн зөвлөгөөний орой Сүхбаатар аймгийн спорт танхимд бүсийн зөвлөгөөнд оролцогчдын дунд  уламжлал болгон зохион байгуулдаг ОУ хэмжээний мастер, ХХЗХ ажилтан Н.Юля нэрэмжит гар бөмбөгийн нөхөрсөг тэмцээн амжилттай, өрсөлдөөнтэй болж өнгөрлөө.

Зөвлөгөөн хоёр дах өдөр  буюу 9 сарын 13-ны өдөр “Өргөн нэвтрүүлгийн хөгжил” сэдэв дор Өргөн нэвтрүүлгийн зохицуулалт, зах зээлийн байдал, хамтын ажиллагаа, контент боловсруулалт, дамжуулалтын өнөөгийн төлөв, хөгжлийн чиг хандлагын талаар илтгэл хэлэлцүүлэг явагдлаа. Илтгэлээс гарсан шинэ мэдээлэл,  судалгааны үр дүнд тулгуурлан салбарын мэргэжилтэн, инженерүүд орон нутгийн телевизийн үйлчилгээ эрхлэгчдэд тулгамдаж буй асуудлуудыг хөндсөн нээлттэй хэлэлцүүлгийг зохион байгуулж байна. Тэр дундаа зүүн бүсийн өргөн нэвтрүүлгийн үйлчилгээ эрхлэгчдийн үйл ажиллагаанд хийсэн хэмжилт шалгалтын нэгдсэн судалгаатай танилцаж, техник технологи, хөгжлийн шинэ түвшинд орон нутгийн телевизүүд ямар байдлаар ажиллах ёстой вэ? Сэдэвт хэлэлцүүлгийг өрнүүлж байна. Зөвлөгөөний хоёр дах өдрийн хоёр дугаар хэсгийн “Харилцаа холбооны хөгжил орон нутагт” хэлэлцүүлгээр тус зөвлөгөөнтэй холбоотой санал асуулга, тулгарч буй бэрхшээл, шийдвэрлэх гарц бодлого, зохицуулалтын асуудлаар харилцан туршлага солилцсоноор “Харилцаа холбооны хөгжил-2019” бүсийн зөвлөгөөний хаалт болж өндөрлөлөө.

Б.Ундрам
ШИНЭЧЛЭГДСЭН: 2019/09/18
Мэдээ мэдээлэл
Бусдад зөв мэдээллийг түгээе
Цахим орчин, нийгмийн сүлжээнд нийтэлсэн аливаа худал хуурмаг мэдээлэл нь өвсөнд гал тавихтай адил хурдан тархаж, олон нийтийн санаа бодлыг үймүүлэх, төөрөлдүүлэх, улмаар нийгмийн эмх замбараагүй байдал үүсэж, үндэсний аюулгүй байдалд сөргөөр нөлөөлөх хүртэл хор уршигтай. Тиймээс та аливаа мэдээллийг бусдад түгээхээсээ өмнө fake news буюу худал мэдээлэл мөн эсэхийг нягтлан шалгаж сураарай. Зөвхөн зөв мэдээллийг л бусдад түгээцгээе.
10.14
Сургалт зохион байгуулах тухай
Харилцаа холбоо, мэдээллийн технологийн салбарын мэргэжилтэнд мэргэшлийн зэрэг олгох сургалтыг тус сургууль дээр 2019 оны 10-р сарын 30-ээс 12 сарын 5-ны хооронд зохион байгуулахаар төлөвлөж байна. Энэ удаагийн сургалтаар зөвлөх болон мэргэшсэн инженерийн сургалт, сунгалтыг хийнэ.
10.14
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
10.11
Санал асуулга явагдаж байна. Та бүхэн идэвхитэй оролцохыг урьж байна
Энэхүү санал асуулга нь тусгай дугаарын үйлчилгээ эрхлэгчдийн үйлчилгээний чанар болон хэрэглэгчдийн сэтгэл ханамжийг тодорхойлох, үнэ тарифын зохистой байдлыг илрүүлэх зорилготой юм.
10.11
Цахим орчинд Зөвийг түгээе
Нийгмийн сүлжээ нь бусдад үзүүлэх нөлөөллийн хувьд хүчирхэг хэрэгсэл тул олон нийтийн санаа бодлыг эргүүлэн өөрчлөх эсвэл чиглүүлэн төлөвшүүлэх зорилгоор компанит ажил өрнүүлж ашигладаг. Энэ жишээг 2016 онд болсон АНУ-ын ерөнхийлөгчийн сонгуулиас бэлхэн харж болно. Тиймээс хүн бүхэн дор бүрнээ зөвийг дэмжиж, сайныг түгээвэл нийгэмд эерэг өөрчлөлт авчирч, сайн сайхны эхлэлийг тавих боломжтой. Өөрөөр хэлбэл аливаа хар барааныг багасгая гэвэл эерэг, гэгээлэг бүхнийг түгээн дэлгэрүүлэхэд болох аж.
10.09
Цахим орчинд ЗӨВИЙГ ТҮГЭЭЕ аян эхэллээ
Хүүхэд залуусыг #Цахим орчин дахь гэмт хэрэг, зөрчил, эрсдэлээс урьдчилан сэргийлэх, хамгаалах, нийгмийн сүлжээний зохистой хэрэглээг төлөвшүүлэхэд чиглэсэн "Зөвийг Түгээе" аяныг Харилцаа холбоо, мэдээллийн технологийн газар, Гэмт хэргээс урьдчилан сэргийлэх ажлыг зохицуулах зөвлөл, Цагдаагийн ерөнхий газар, НҮБ-ын Хүүхдийн сан, "Faro foundation Mongolia" ТББ хамтран эхлүүллээ. Тус аянд нэгдэцгээе.
10.08
Фэйсбүүк хэрэглэгчдийн дагаж мөрдөх хэм хэмжээ (Community Standards)
Фэйсбүүк хэрэглэгчдийн дагаж мөрдөх хэм хэмжээ (Community Standards)
10.03
Тусгай дугаарын нөхцөл шаардлагын хэрэгжилтийн байдал
Нэмүү өртөгт тусгай дугаар буюу 1900-аар эхэлсэн тусгай дугаар руу холбогдох үнэ тарифын дээд хязгаарыг тус хорооны 2014 оны 38 дугаар тогтоолд 700 төгрөг байхаар зааж өгсөн.
10.03
Фэйсбүүк болон ХХЗХ-ны хооронд “ногоон суваг” албан ёсоор нээгдлээ
Харилцаа холбооны зохицуулах хороо болон Фэйсбүүк компанийн хамтын ажиллагааны хүрээнд хууль бус контентийн талаарх гомдол хүсэлтийг түргэн шуурхай шийдвэрлэх, зохицуулалтыг хэрэгжүүлэх зорилготой “ногоон суваг” буюу шууд харилцах цахим сувгийг 2019 оны 06-р сараас эхлэн Монгол Улсад анх удаа албан ёсоор нээгээд байна.
10.02