Өнөөдөр дэлхийн телевиз өдөр тохиож байна
ХХЗХ
1e2277 tv day x800

Нэгдсэн Үндэсний байгууллагын Ерөнхий Ассамблейгаас жил бүрийн 11 дүгээр сарын 21-ны өдрийг Дэлхийн телевизийн өдөр болгон тэмдэглэж, энэ өдрийг тохиолдуулан улс орнуудын төрийн болон төрийн бус байгууллага, боловсролын байгууллагууд хэвлэл мэдээллийн гол хэрэгсэл болсон телевизийн нийгэм, улс төр, эдийн засгийн хөгжилд оруулж буй хувь нэмэр, ардчиллын суурь зарчмыг хангах, улс үндэстний соёлын олон талт, ялгаатай онцлог байдлыг дэмжин, хамгаалахад гүйцэтгэж байгаа үүрэг, нийгэмд үзүүлэх нөлөөллийг сурталчлан таниулах чиглэлээр төрөл бүрийн арга хэмжээ зохион байгуулдаг.

Монгол Улсын Гадаад хэргийн сайдын 2016 оны 3 дугаар сарын 2-ны өдрийн А/18 тоот тушаалаар шинэчлэн байгуулагдсан “ЮНЕСКО-ийн Мэдээлэл харилцаа холбооны хөгжлийн хөтөлбөр”-ийн Монголын үндэсний хороо нь 2017 оны ажлын төлөвлөгөөндөө тусгаж, Дэлхийн радиогийн өдөр, Телевизийн өдрийг тохиолдуулан тодорхой арга хэмжээ авч ажиллахаар төлөвлөсөн байна.

Харилцаа холбооны зохицуулах хороо нь дээрх Монголын үндэсний хорооны бүрэлдэхүүний нэг гишүүний хувьд Монгол улсад Дэлхийн радиогийн өдрийг тохиолдуулан “ Радио бол таны дуу хоолой” сэдэвт семинарыг 2-р сарын 13-ны өдөр  зохион байгуулж ажилласан бөгөөд Дэлхийн телевизийн өдрийг тэмдэглэх ажлыг мөн дэмжиж, цаашид энэ чиглэлээр телевизийн үйлчилгээ эрхлэгчид болон холбогдох байгууллагуудтай тодорхой ажлууд зохион байгуулах, телевизийн өргөн нэвтрүүлгийн нийгэм, эдийн засгийн хөгжил, нийгмийн төлөвшил, сайн сайханд оруулах хувь нэмрийг ойлгуулах, үйлчилгээ эрхлэгчдээ дэмжих чиглэлээр холбогдох байгууллагуудтай хамтран ажиллахад бэлэн байна.

Дэлхийн телевизийн өдрийг тэмдэглэх болсон түүхээс сөхвөл:

Нэгдсэн Үндэсний байгууллагын Ерөнхий Ассамблейгаас улс орнуудын энхтайван, аюулгүй байдалд учирч буй заналхийлэл, зөрчилдөөний асуудалд дэлхий нийтийн анхаарлыг хандуулах замаар шийдвэр гаргах түвшинд телевизийн нөлөөлөл өсөн нэмэгдэж, дэлхийн улс орнуудын эдийн засаг, нийгмийн томоохон асуудлуудад анхаарлаа хандуулахад телевиз томоохон үүрэг гүйцэтгэж байгааг хүлээн зөвшөөрч 1996 оны 12-р сарын 17-ны 51/205-р тогтоолоор жил бүрийн 11 дүгээр сарын 21-ны өдрийг Дэлхийн Телевизийн өдөр болгон тэмдэглэж байх шийдвэрийг анх баталж байжээ.

Телевиз гэдэг бол орчин үеийн даяаршлал, технологийн хөгжлийн ертөнцөд ч олон нийтийг мэдээллээр хангах томоохон суваг, олон нийтийн санаа бодолд нөлөөлөх чухал мэдээлэх хэрэгсэл хэвээр байгаа гэдгийг нийтээр хүлээн зөвшөөрдөг билээ. Телевизийн дэлхийн улс төрийн үйл амьдралд үзүүлж байгаа нөлөөлөл, оролцоог ч үгүйсгэж чадахгүй юм.

Иймд Дэлхийн телевизийн өдрөөр телевизийн тухайн улс үндэстэн, нийгэмд үзүүлэх нөлөөлөл, ач холбогдлыг сурталчлан таниулснаар телевизийн өргөн нэвтрүүлгийн зөв хөгжлийг дэмжих тогтолцоог бүрдүүлэх, төр засгийн болон төрийн бус байгууллагуудын зүгээс  нийгэмд нөлөө үзүүлэхүйц чухал асуудал, арга хэмжээний талаарх аливаа ашиг сонирхолгүй, үнэн бодит мэдээллээр хангах үүргээ ухамсарлах, нөгөө талаар телевизүүд ч өөрийн үүрэг хариуцлагаа эргэн харах, энэ чиглэлээр холбогдох талуудтай хамтран ажиллах нь ач холбогдолтой байна.

Тус хорооны зүгээс  мэдээлэл, харилцаа холбооны салбарын хөгжил, чиг хандлага, бусад салбар дахь үйл ажиллагааны харилцан уялдааг өргөжүүлэн хөгжүүлэх зорилгоор төрийн байгууллагууд, харилцаа холбооны үйлчилгээ эрхлэгч аж ахуйн нэгж байгууллагуудыг оролцуулсан “Монгол улсын хөгжилд мэдээлэл, харилцаа холбооны салбарын манлайлал, чиг хандлага” сэдэвт нээлттэй хэлэлцүүлэг, хурлыг 2017 оны 11-р сарын 29-ны өдөр зохион байгуулах гэж байна.

Тус арга хэмжээгээр телевиз, телевизийн өргөн нэвтрүүлгийн контентийн асуудлыг хөндөж байгаа нь Дэлхийн телевизийн өдрийн хүрээнд хэлэлцэх сэдэвтэй нийцсэн, тодорхой үр дүнгээ өгсөн арга хэмжээ болно гэж үзэж байна.

Тус хурлаар телевизийн өргөн нэвтрүүлгийн зохистой хөгжил, контентийг дэмжих чиглэлээр хэлэлцүүлэг өрнөх бөгөөд тухайн чиглэлээр өргөн хүрээтэй асуудал хөндөж, шийдвэр гаргах түвшний бүх талуудад тодорхой хэмжээнд таниулж, хэлэлцүүлгээс гарах зөвлөмжинд тодорхой асуудлыг тусгах бөгөөд цаашид бодлого, зохицуулалтандаа мөн анхаарч ажиллах болно.

Телевизийн үйлчилгээ эрхлэгчид та бүхэнд Дэлхийн Телевизийн өдрийн мэнд хүргэж, ажлын өндөр амжилтыг хүсэн ерөөе.

С.Дашбалбар
ШИНЭЧЛЭГДСЭН: 2017/11/21
Мэдээ мэдээлэл
“Дижитал шилжилт ба Апп эдийн засаг” сэдэвт сургалтыг ОУЦХБ-тай хамтран зохион байгуулах гэж байна
Харилцаа холбооны Зохицуулах хороо нь Олон улсын цахилгаан холбооны байгууллагатай хамтран харилцаа холбоо, мэдээллийн технологийн салбарын мэргэжилтнүүдийн чадавхыг дээшлүүлэх сургалт, семинарыг “Дижитал шилжилт ба Апп эдийн засаг” сэдвийн хүрээнд 10-р сарын 23-24-нд Монгол Улсад зохион байгуулахаар болоод байна.
10.18
“Монгол Улсын IPv6 нэвтрүүлэлт болон IPv6-ийн аюулгүй байдал” сэдэвт сургалт болно
ХХЗХ-нь харилцаа холбоо, мэдээллийн технологийн салбарын үйлчилгээ эрхлэгчид, тэдгээрийн мэргэжилтнүүдийн дунд “Монгол улсын IPv6 нэвтрүүлэлт болон IPv6-ийн аюулгүй байдал” сэдвээр Олон Улсын Цахилгаан Холбооны Байгууллага (ITU), Ази номхон далайн бүсийн сүлжээ мэдээллийн төв (APNIC)-тай хамтран сургалт, хэлэлцүүлгийг 2018 оны 10-р сарын 22-26-ны хооронд зохион байгуулахаар төлөвлөж байна.
10.18
Монгол Улсын харилцаа холбооны сүлжээний дугаарлалтын нэгдсэн төлөвлөгөө шинэчлэн батлагдлаа
Монгол Улсын харилцаа холбооны сүлжээний дугаарлалтын нэгдсэн төлөвлөгөө шинэчлэн батлагдлаа
10.12
ДДэшТВ ХХК, Юнивишн ХХК-ийн сүлжээгээр нэвтрүүлж буй телевиз, сувгуудын дууны түвшинд хийгдсэн хэмжилт, тохируулгын 2018 оны 8 дугаар сарын дүн мэдээ
ДДэшТВ ХХК, Юнивишн ХХК-ийн сүлжээгээр нэвтрүүлж буй телевиз, сувгуудын дууны түвшинд хийгдсэн хэмжилт, тохируулгын 2018 оны 8 дугаар сарын дүн мэдээ
10.09
Цахилгаан соронзон долгион ба Эрүүл мэнд
Цахилгаан соронзон долгион ба Эрүүл мэнд
10.09
Харилцаа холбооны зохицуулах хорооны 2018 оны ээлжит 9 дүгээр хуралдааны мэдээлэл
Харилцаа холбооны зохицуулах хорооны 2018 оны ээлжит 9 дүгээр хуралдааны мэдээлэл
10.09
Мониторингийн 2018 оны 4,5,6,7 дугаар сарын тайлан
Мониторингийн 2018 оны 4,5,6,7 дугаар сарын тайлан
10.08
Ухаалаг гар утсанд зориулсан аппликейшн хөгжүүлэх уралдаан
Цахим орчны зүй зохистой хэрэглээг бий болгох, Үндэсний OTT үйлчилгээг бий болгож хэрэглээнд нэвтрүүлэх, дотоодын интернет урсгалыг нэмэгдүүлэх, дижитал эдийн засгийг дэмжих зорилгын хүрээнд программ хангамж хөгжүүлэгчдийн дунд тус уралдааныг зохион байгуулж байна.
10.05
“Цахилгаан соронзон орон-Эрүүл мэнд” лавлах аппликейшнаа татаж ашиглана уу
Олон улсын цахилгаан холбооны байгууллага, Дэлхийн эрүүл мэндийн байгууллагаас эрхлэн гаргасан “Цахилгаан соронзон орон (ЦСО) Лавлах” аппликейшныг Харилцаа холбооны зохицуулах хороо нь Монгол хэл рүү орчуулан гаргалаа.
10.03
"Цахилгаан соронзон орон-Эрүүл мэнд" гарын авлага
"Цахилгаан соронзон орон-Эрүүл мэнд" гарын авлага
10.03