Харилцаа холбооны зохицуулалтын талаарх сургалтад оролцлоо
ХХЗХ
F448a6 ustti photo intelsat july 2017 x800

Энэхүү сургалтад нийт 18 орны харилцаа холбооны бодлого, зохицуулалтын асуудал эрхэлсэн байгууллагын 26 төлөөлөгчид оролцож, нэгдэн нийлэлтийн үеийн харилцаа холбооны салбарын бодлого, зохицуулалтад тулгарч буй асуудлаар санал солилцов. Америкийн Нэгдсэн Улсын Цахилгаан холбооны Институт (USTTI)-иас сургалтад АНУ-ын харилцаа холбооны голлох үйлчилгээ эрхлэгчид болох АТ&T, Интелсат болон Веризон компаниудын удирдах ажилтнуудыг оролцуулж, техник, технологийн нэгдэн нийлэлтийн үед тулгарч буй асуудлууд болон авч хэрэгжүүлж буй арга хэмжээнүүд, бодлого зохицуулалтын хувьд тулгарч буй асуудлын талаар танилцуулж, сонирхолтой хэлэлцүүлэг өрнүүлсэн нь сургалтыг улам сонирхолтой болгож, сургалтад оролцогчдын талархлыг хүлээв.

Сургалтын хөтөлбөрийн хүрээнд Америкийн Нэгдсэн Улсын Харилцаа холбооны зохицуулах байгууллага (FCC), GSM ассосаци болон Майкрософт компаниас дараах сэдвийн хүрээнд илтгэл танилцуулж, тухай бүр хэлэлцүүлэг өрнүүлж, санал солилцлоо. Үүнд:

  • Цахилгаан холбооны өрсөлдөөний бодлого /Seminar in Competition Policy for Telecommunications/

Уг асуудлаар АНУ-ын харилцаа холбооны салбарын өрсөлдөөний байдал, хууль эрхзүйн орчин, сүүлийн үеийн бодлого зохицуулалтын шийдвэрүүдийн талаар АНУ-ын зохицуулах байгууллага танилцуулсан. Тус байгууллага (FCC) нь хуулиар олгогдсон бүрэн эрхийн хүрээнд харилцаа холбооны салбарын өрсөлдөөнтэй холбоотой асуудлыг зохицуулах үүргийг хэрэгжүүлдэг. Зохицуулалтын арга механизмыг хэрэгжүүлэхдээ “нийтийн эрх ашиг, тааламжтай байдал, хэрэгцээ шаардлага” гэсэн үндсэн стандартыг мөрдлөг болгодог бөгөөд энэ асуудлаар тус улсын Хууль эрхзүйн дээд байгууллага (Department of Justice) болон Худалдааны асуудал эрхэлсэн байгууллагатай (Federal Trade Commission) нягт хамтран ажилладаг.

  • Цахилгаан холбооны хувьчлалын болон зохицуулалтын асуудлууд /Regulatory and Privatization Issues in Telecommunications/;

АНУ-ын зохицуулах байгууллага зохицуулалтын үйл ажиллагаандаа мөрдөж буй хууль эрхзүйн баримт бичгүүд, утастай болон утасгүй сүлжээ, интернет, өргөн нэвтрүүлэг, харилцан холболт, үнэ тарифын зохицуулалтын хүрээнд авч хэрэгжүүлж буй арга хэмжээний талаар танилцуулсан. Тус байгууллагын хувьд контентын талаар зохицуулалт хийдэггүй бөгөөд интернет болон өргөн нэвтрүүлгийн хувьд техникийн зохицуулалт хийдэг байна. АНУ-ын харилцаа холбооны зах зээл нь өрсөлдөөн бүрэн нэвтэрсэн, чөлөөт өрсөлдөөнт зах зээл бөгөөд голлон үндсэн болон аксес сүлжээний хувьд зохицуулалтын арга хэмжээг авч ажилладаг.

  • Бодлого боловсруулагч нарт зориулсан далай доогуурх кабелийн угсралт, суурилуулалт, ашиглалтын асуудлууд /Subsea Cable Construction and Maintenance for Senior Policy Makers/;

Далайд гарцтай улс орнуудын хувьд далай доогуурх тив, улс орнуудыг холбосон далай доорх кабелийн угсралт суурилуулалт, ашиглалтын асуудал нь нэлээн маргаантай болоод анхаарлын төвд байдаг. АНУ-ын голлох үйлчилгээ эрхлэгчид болох AT&T болон Verizon зэрэг компаниуд нь далай доорх кабель шугам эзэмшдэг дэлхийн хэмжээний томоохон компаниуд бөгөөд уг дэд бүтцийн ашиглалт, хамтран ашиглахтай холбоотой асуудлууд санал солилцов.  

  • Өргөн зурвасын өндөр хурдны сүлжээний суурилуулалт болон конвержэд үйлчилгээг дэмжих тухай /Fostering the Deployment of Broadband Networks and Converged Services/;

Энэ асуудлаар АНУ-ын Verizon компани өөрийн компанийн авч хэрэгжүүлж арга хэмжээний талаар танилцуулга хийсэн. Тус компанийн хувьд ирэх 3 жилд 5G үйлчилгээг нэвтрүүлэх, үүнтэй холбогдуулан хэрэглэгчдэд шинэ төрлийн үйлчилгээнүүдийг хүргэх, төрөл бүрийн багцалсан үйлчилгээг хямд үнээр санал болгох, зүйлсийн интернетийн хүрээнд өөр бусад төрлийн шинэ соргог үйлчилгээнүүдийг хүргэхээр төлөвлөж байна. Технологийн болоод үйлчилгээний хувьд нэгдэн нийлж буй энэ үед технологийн хөгжил дэвшилтэй бодлого, зохицуулалтын орчинг нийцүүлэх, шинэ санаа, шинэ үйлчилгээ, инновацийг дэмжих бодлого баримтлах зайлшгүй хэрэгцээ шаардлага тулгарч байгааг онцолж байлаа.

  • Клауд үйлчилгээний хувьд зохицуулалтын орчинг бүрдүүлэх тухай /Creating an Enabling Regulatory Environment for Cloud Services/;

Майкрософт компани тоон шилжилт гэж юу болох, клауд технологи нь энэ шилжилтэд ямар үүрэгтэй болох, тоон шилжилтийн үед нууцлал, аюулгүй байдлыг хэрхэн хангах, төрийн зүгээс бодлого, зохицуулалтын хувьд анхаарвал зохих асуудлуудын талаар танилцуулсан.

  • Зүйлсийн интернет /Internet of Things/

GSM ассосаци нь зүйлсийн интернетийн ерөнхий ухагдахуун, тодорхойлолт, үүнд ашиглагдаж буй технологи, зүйлсийн интернетийн ажиллах зарчим, бизнесийн модель нь юу болох, зүйлсийн интернет нь бодлого, зохицуулалтын орчинд авчрах үр дагавар, нөлөөллийн талаар танилцуулсан. 

Э.Дөлгөөн
ШИНЭЧЛЭГДСЭН: 2017/09/22
Мэдээ мэдээлэл
Бусдад зөв мэдээллийг түгээе
Цахим орчин, нийгмийн сүлжээнд нийтэлсэн аливаа худал хуурмаг мэдээлэл нь өвсөнд гал тавихтай адил хурдан тархаж, олон нийтийн санаа бодлыг үймүүлэх, төөрөлдүүлэх, улмаар нийгмийн эмх замбараагүй байдал үүсэж, үндэсний аюулгүй байдалд сөргөөр нөлөөлөх хүртэл хор уршигтай. Тиймээс та аливаа мэдээллийг бусдад түгээхээсээ өмнө fake news буюу худал мэдээлэл мөн эсэхийг нягтлан шалгаж сураарай. Зөвхөн зөв мэдээллийг л бусдад түгээцгээе.
10.14
Сургалт зохион байгуулах тухай
Харилцаа холбоо, мэдээллийн технологийн салбарын мэргэжилтэнд мэргэшлийн зэрэг олгох сургалтыг тус сургууль дээр 2019 оны 10-р сарын 30-ээс 12 сарын 5-ны хооронд зохион байгуулахаар төлөвлөж байна. Энэ удаагийн сургалтаар зөвлөх болон мэргэшсэн инженерийн сургалт, сунгалтыг хийнэ.
10.14
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
10.11
Санал асуулга явагдаж байна. Та бүхэн идэвхитэй оролцохыг урьж байна
Энэхүү санал асуулга нь тусгай дугаарын үйлчилгээ эрхлэгчдийн үйлчилгээний чанар болон хэрэглэгчдийн сэтгэл ханамжийг тодорхойлох, үнэ тарифын зохистой байдлыг илрүүлэх зорилготой юм.
10.11
Цахим орчинд Зөвийг түгээе
Нийгмийн сүлжээ нь бусдад үзүүлэх нөлөөллийн хувьд хүчирхэг хэрэгсэл тул олон нийтийн санаа бодлыг эргүүлэн өөрчлөх эсвэл чиглүүлэн төлөвшүүлэх зорилгоор компанит ажил өрнүүлж ашигладаг. Энэ жишээг 2016 онд болсон АНУ-ын ерөнхийлөгчийн сонгуулиас бэлхэн харж болно. Тиймээс хүн бүхэн дор бүрнээ зөвийг дэмжиж, сайныг түгээвэл нийгэмд эерэг өөрчлөлт авчирч, сайн сайхны эхлэлийг тавих боломжтой. Өөрөөр хэлбэл аливаа хар барааныг багасгая гэвэл эерэг, гэгээлэг бүхнийг түгээн дэлгэрүүлэхэд болох аж.
10.09
Цахим орчинд ЗӨВИЙГ ТҮГЭЭЕ аян эхэллээ
Хүүхэд залуусыг #Цахим орчин дахь гэмт хэрэг, зөрчил, эрсдэлээс урьдчилан сэргийлэх, хамгаалах, нийгмийн сүлжээний зохистой хэрэглээг төлөвшүүлэхэд чиглэсэн "Зөвийг Түгээе" аяныг Харилцаа холбоо, мэдээллийн технологийн газар, Гэмт хэргээс урьдчилан сэргийлэх ажлыг зохицуулах зөвлөл, Цагдаагийн ерөнхий газар, НҮБ-ын Хүүхдийн сан, "Faro foundation Mongolia" ТББ хамтран эхлүүллээ. Тус аянд нэгдэцгээе.
10.08
Фэйсбүүк хэрэглэгчдийн дагаж мөрдөх хэм хэмжээ (Community Standards)
Фэйсбүүк хэрэглэгчдийн дагаж мөрдөх хэм хэмжээ (Community Standards)
10.03
Тусгай дугаарын нөхцөл шаардлагын хэрэгжилтийн байдал
Нэмүү өртөгт тусгай дугаар буюу 1900-аар эхэлсэн тусгай дугаар руу холбогдох үнэ тарифын дээд хязгаарыг тус хорооны 2014 оны 38 дугаар тогтоолд 700 төгрөг байхаар зааж өгсөн.
10.03
Фэйсбүүк болон ХХЗХ-ны хооронд “ногоон суваг” албан ёсоор нээгдлээ
Харилцаа холбооны зохицуулах хороо болон Фэйсбүүк компанийн хамтын ажиллагааны хүрээнд хууль бус контентийн талаарх гомдол хүсэлтийг түргэн шуурхай шийдвэрлэх, зохицуулалтыг хэрэгжүүлэх зорилготой “ногоон суваг” буюу шууд харилцах цахим сувгийг 2019 оны 06-р сараас эхлэн Монгол Улсад анх удаа албан ёсоор нээгээд байна.
10.02