Станцын түүх, тоног төхөөрөмжийн дэвшилт
ХХЗХ

Станцын үүсэл, хөгжил

1934 он “Радио долгион хүлээн авах станц” нэртэйгээр  4 антенн, 2 хүлээн авагчтай анх байгуулагдсан. Тухайн үедээ одоогийнхоор Хан-Уул дүүрэгт цагаан хаалганы орчим байранд байсан байна.

1960 он 1959 онд  СнЗ-ийн 499-р тогтоолоор тус станцыг Улсын Радио Төвийн бүрэлдэхүүнд оруулан шинээр зохион байгуулж, ЗХУ-ын тусламжтайгаар шинэ тоног төхөөрөмжөөр өргөтгөн тоногложээ. Энэ үеэс одоогийн байрлалд  буюу Сонгино хайрхан дүүргийн 1-р хорооны нутаг дэвсгэр Орбитод, станцын байр болон антенны төхөөрөмжийг барьж байгуулсан байна.

1992 он  МРТХЭГ-ын харьяанд “Техникийн Хянах алба” болон өөрчлөгдөж радио телевизийн станц, харилцааны станц болон радио долгионы хяналтыг хийж байв.

1997 он  Дэд Бүтцийн улсын хяналтын алба /Харилцаа Холбооны Зохицуулах Зөвлөл/-ны харьяанд шилжив.

2002 он  ХХЗХороо байгуулагдахад бүрэлдэхүүнд нь шилжив.

2009 он  ХХЗХ нь Дэлхийн банктай хамтран Радио долгион хяналтын системийг нэвтрүүлж, Израйль улсын Тадиран компанийн тоног төхөөрөмжөөр тоноглов.

2014 он  БНСУ нь буцалтгүй тусламжаар Радио долгион хяналтын болон чиглэл хайгч суурин станцын тоног төхөөрөмжийг бэлэглэв.

            ХХЗХ нь өөрийн хөрөнгөөр зөөврийн хяналтын болон чиглэл хайгч станцыг нэмж авав.

Радио долгион хянах станц нь 2002 онд, Харилцаа холбооны зохицуулах хорооны харъяанд шилжиж ирсэн ба өнөөдрийг хүртэлх хугацаанд тус хороо “радио долгион хянах станц”ыг өргөтгөх, шинэчлэх арга хэмжээнүүдийг үе шаттай авч хэрэгжүүлж ирлээ.

  • 2002-2004 он: Дэлхийн цахилгаан холбооны байгууллагын зөвлөмжийн дагуу “Радио долгион хянах станц”-ийн хуучин хийгдэж байсан хяналтын үндсэн үүрэг, функцийг шинэчлэн зөвхөн хяналт тавьдаг байдлыг хэмжилт болон хяналтын үүрэгтэй болгон шинэчлэх ажлуудыг үе шаттайгаар хэрэгжүүлсэн. Хяналтын инженер техникийн ажилтнуудыг сургах, мэргэшүүлэх ажлуудыг эхлүүлсэн юм.
  • 2005-2008 он: Харилцаа холбооны зохицуулах хорооны санхүүжилтээр, хэмжилт болон хяналтанд ашиглаж буйтоног төхөөрөмжүүдийг үе шаттайгаар шинэчлэх, зөөврийн болон бага оврын хэмжилтийн төхөөрөмжөөр хангах, нэн шаардлагатай тоног төхөөрөмжийн тоог нэмэгдүүлэх зэрэг хяналтын бааз суурийг бэхжүүлэх арга хэмжээг авч ажилласан юм.
  • 2009-2010 он: Дэлхийн банкны дэмжлэг, ХХЗХны хамтарсан санхүүжилтээр “Радио долгион хянах станц”-ыг шинэчлэх төсөл боловсруулан хэрэгжүүлж, хяналтын тоног төхөөрөмжийг иж бүрнээр нь шинэчилсэн ба олон улсын түвшинд хүрсэн суурин хяналтын станц, явуулын хяналтын станц, зөөврийн хяналтын гэсэн 3 төрлийн хяналтын станцтай болсноор анх удаа, Монгол улсад радио долгион ашиглан ажиллаж буй бүх тоног төхөөрөмжийг хянах чадавхийг техник технологи, боловсон хүчний хувьд бүрдүүлсэн. Төслийн хүрээнд хяналтын инженер, техникийн ажилтнуудыг Израиль улсад шинэ техникийн ашиглалт үйлчилгээний үйлдвэрлэлийн дадлага, сургалтанд хамруулсан.
  • 2011-2012 он: “Үндэсний спектрийн менежментийг боловсронгуй болгох” төслийг Дэлхийн банкны тусламжтайгаар хэрэгжүүлсэн ба төслийн үр дүнд радио долгионы хуваарилалт, бүртгэл, олголт, хяналтын үйл ажиллагаа бүрэн олон улсын түвшинд хүрэх юм. Мөн хугацаанд инженер техникийн ажилтнуудыг жил бүр гадаад дотоодын сургалтанд хамруулан ажиллаж байна.

Тоног төхөөрөмжийн дэвшилт

1960 онд үүсгэн байгуулагдсан долгион хүлээн авах станцын тоног төхөөрөмжүүд

2009 онд шинээр суурилуулсан суурин, хөдөлгөөнт, зөөврийн  долгион хянах станцын тоног төхөөрөмжүүд

Суурин станц (FMS)                       

  • Давтамжийн хязгаар: 300kHz – 3GHz,
  • Хяналт хийх
  • Чиглэл хайх
  • Зурвас эзлэмж
  • Дохионы хэмжилт,

Хөдөлгөөнт станц (MMS)

  • Давтамжийн хязгаар: 20MHz - 26.5GHz,
  • Хяналт хийх
  • Чиглэл хайх
  • Зурвас эзлэмж
  • Дохионы хэмжилт,

Зөөврийн станц (PMS)                                                      

  • Давтамжийн хязгаар: 20MHz – 26GHz,
  • Гараар чиглэл хайх
  • Оронгийн хүчлэг хэмжих
  • Зурвасын хэмжилт

2014 онд БНСУлсын тусламжаар шинээр суурилуулсан зөөврийн  (TMDFS) долгион хянах станцын тоног төхөөрөмжүүд

Улаанбаатар хот дахь хяналтын болон чиглэл хайх станцуудын байршил

        

Д.Дамдинцогт
ШИНЭЧЛЭГДСЭН: 2020/01/14
Мэдээ мэдээлэл
МЭДЭГДЭЛ
Дараах хуулийн этгээд /иргэн/ -үүд тус журамд заасан хугацааны дотор зөвшөөрлийн хугацаагаа сунгуулах хүсэлтээ ирүүлнэ үү.
01.27
Харилцаа холбооны зохицуулах хорооны 2020 оны ээлжит 1 дүгээр хуралдааны мэдээлэл
Монгол Улсын Харилцаа холбооны зохицуулах хорооны 2020 оны ээлжит 01 дүгээр хуралдааныг 2020 оны 1 дүгээр сарын 16-ны өдөр зохион байгуулав.
01.27
"ӨРГӨН НЭВТРҮҮЛГИЙН ХУУЛИЙН ХЭРЭГЖИЛТ- ОРОН НУТАГТ" ОРОН НУТГИЙН ТЕЛЕВИЗҮҮДИЙН УДИРДЛАГУУДЫН УУЛЗАЛТ
"ӨРГӨН НЭВТРҮҮЛГИЙН ХУУЛИЙН ХЭРЭГЖИЛТ- ОРОН НУТАГТ" сэдэвт орон нутгийн телевизүүдийн удирдлагуудын уулзалт 2020 оны 1 -р сарын 24 нд болно.
01.23
Мэдээлэл, харилцаа холбооны тоног төхөөрөмжид баталгаажуулалт хийх төлбөрийн хэмжээ журмын төсөлд санал авч байна
Мэдээлэл, харилцаа холбооны тоног төхөөрөмжид баталгаажуулалт хийх төлбөрийн хэмжээ журмын төсөлд санал авч байна
01.23
Санал гомдол шийдвэрлэлтийн мэдээ 2019 оны сүүлийн хагас жил
Харилцаа холбооны зохицуулах хороо нь Харилцаа холбооны тухай хууль, Радио долгионы тухай хууль, Шуудангийн тухай хууль болон бусад холбогдох хуулиар олгогдсон эрх, үүргийн хүрээнд “Харилцаа холбооны зохицуулах хороонд ирүүлсэн санал, гомдлыг хүлээн авах, хянах, шийдвэрлэх журам”-ын дагуу үйлчилгээ эрхлэгч, хэрэглэгчдийн санал, гомдлыг хүлээн авч шийдвэрлэдэг.
01.22
ТУСГАЙ ЗӨВШӨӨРӨЛ ЭЗЭМШИГЧИД ЦАХИМ ХУУДСААР ТАЙЛАН МЭДЭЭ ИРҮҮЛЭХ ТУХАЙ
Харилцаа холбооны зохицуулах хороо нь тусгай зөвшөөрөл эзэмшигчдээс батлагдсан маягтын дагуу жил бүр статистик тайлан мэдээг гаргуулан авдаг. 2019 оны жилийн эцсийн статистик тайлан мэдээгээ 2020 оны 02-р сарын 20-ний дотор статистик тайлан мэдээний программд шивж, тоон гарын үсгээр баталгаажуулж ирүүлнэ үү.
01.22
Санал гомдол шийдвэрлэлтийн мэдээ 2019 оны 12 сар
Санал гомдол шийдвэрлэлтийн мэдээ 2019 оны 12 сар
01.22
ЗӨВШӨӨРӨЛ ЭЗЭМШИГЧДЭД МЭДЭГДЭХ НЬ
Тусгай зөвшөөрөл, эрхийн бичиг, бүртгэлийн гэрчилгээ эзэмшигч нь холбогдох хууль тогтоомж, журам, гэрээнд зааснаар шинээр зөвшөөрөл авч байгаа тохиолдолд эхний жилийн төлбөрийг шийдвэр гарсан өдрөөс хойш 30 хоногийн дотор, ээлжит жилийн төлбөрийг тусгай зөвшөөрөл олгосон тухай шийдвэр гарсан өдрөөс нэг сарын өмнө төлсөн байх үүрэгтэй бөгөөд заасан хугацаанд төлбөрөө бүрэн төлж барагдуулаагүй тохиолдолд МОНГОЛ БАНКНЫ ЗЭЭЛИЙН МЭДЭЭЛЛИЙН САНД зөвшөөрөл эзэмшигчийн мэдээллийг нийлүүлэх болсныг мэдэгдэж байна.
01.15
Санал гомдол шийдвэрлэлтийн мэдээ 2019 оны 11 сар
Санал гомдол шийдвэрлэлтийн мэдээ 2019 оны 11 сар
01.15