Олон улсын цахилгаан холбооны байгууллагын Ази, Номхон далайн бүсийн хөгжлийн форум, хөгжлийн чуулга уулзалтанд бэлтгэх бүсийн уулзалтанд оролцлоо
ХХЗХ
8a5f84 itu rdf asp bali participants 2017 0320 x800

         ОУЦХБ-аас “Ази, номхон далайн бүсийн хөгжлийн форум-2017" (ITU Regional Development Forum for Asia-Pacific Region-ITU RDF-2017) болон 2017 оны 9 дүгээр сард Аргентин Улсад зохион байгуулах “Дэлхийн хөгжлийн чуулга уулзалт-2017” (ITU World Telecommunications Development Conference WTDC-2017)-д Ази, номхон далайн бүсийн бэлтгэх уулзалт (ITU ASP RPM-2017)-ыг 2017 оны 03 дугаар сарын 20-23-ны өдрүүдэд Индонез Улсын Бали хотноо тус тус зохион байгуулав. Эдгээр форум, чуулганд бэлтгэх бүсийн уулзалтын арга хэмжээнд Монгол Улсыг төлөөлөн Харилцаа холбооны зохицуулах хорооны хуралдааны нарийн бичгийн дарга Т.Наранмандах, ОУЦХБ-ийн гишүүн 27 улс орны албаны төлөөлөгчид (Administration), Хөгжлийн товчооны гишүүн 9н байгууллага (ITU sector member), яам болон Зохицуулах байгууллага, НҮБ, АНДЭЗК, олон улсын байгууллага, шинжлэх ухаан судалгааны байгууллага, эрдэмтэн судлаачид, ТББ-ийн төлөөлөгч зэрэг нийтдээ 227 зочид, төлөөлөгчид оролцлоо.

Форумын хөтөлбөрийн дагуу 4н нэгдсэн болон 2 салбар хуралдаан болж холбогдох сэдвүүдээр хэлэлцүүлэгт оролцож, ОУЦХБ-ын гишүүн Ази, номхон далайн бүсийн улс, орнуудын харилцаа холбоо, радио холбоо, мэдээллийн технологийн салбарт 2017-2018 онд тэргүүлэх ач холбогдол өгч хөгжүүлэх чиглэлийг тодорхойлж, хөтөлбөрийн богино, урт хугацааны зорилт мөн хэрэгжүүлэх төслийн агуулгыг хэлэлцэн тогтов. Форумын 3 ба 4 дүгээр салбар хуралдаанд Монгол Улсын салбарын зохицуулалт, бүс нутгийн хамтын ажиллагааны талаар илтгэл тавьж, хэлэлцүүлэгт оролцож, саналаа солилцов.

Ази, номхон далайн бүсийн бэлтгэх уулзалтаар ОУЦХБ-ын 2014 онд Дубайд болсон “Дэлхийн хөгжлийн чуулга уулзалт-2014”-ын үйл ажиллагааны төлөвлөгөөний зорилтын хэрэгжилт болон НҮБ-ийн Тогтвортой хөгжилд суурилсан Мянганы хөгжлийн зорилтыг хэрэгжүүлэхэд оруулсан хувь нэмэр, үр дүнгийн тайлан, ОУЦХБ-ын Бүрэн Эрхт төлөөлөгчдийн их хурал, Дэлхийн Радиогийн их хурал, Дэлхийн цахилгаан холбооны Стандартчиллын ассамблей зэрэг томоохон арга хэмжээний зорилт, хэрэгжилтийн тайлан, хүрсэн үр дүнгийн тухай (PP-2014, WRC-2015, WTSA-2016) илтгэлийг хэлэлцэн дүгнэлээ. Уулзалтаар ОУЦХБ-ын гишүүн, сектор гишүүн, олон улсын байгууллагаас ирүүлсэн 23 төсөл, саналуудыг 2 ажлын хэсэгт хуваагдан нэг бүрчлэн хэлэлцэж, Дэлхийн цахилгаан холбооны хөгжлийн чуулга уулзалтанд Ази, номхон далайн бүсээс оруулах санал зөвлөмж, ОУЦХБ-ын 2023 он хүртэл баримтлах стратеги, үйл ажиллагааны төлөвлөгөө, Дэлхийн хөгжлийн чуулга уулзалтаар хэлэлцэх Тунхаглал (ITU Strategic Plan 2020-2023, WTDC-2017 Declaration, Streamlining WTDC Resolution) зэрэг баримт бичгийн төслүүдэд тусгахаар шийдвэрлэсэн болно.

ОУЦХБ-ын Хөгжлийн товчооны дарга Брахима Саноу (ITU-D), Инноваци ба түншлэлийн газрын захирал Док.Ким(Доктор.), Ази номхон далайн бүсийн (ITU-ASP) захирал Коровиуки, Зүүн Азийн бүсийн ахлах зөвлөх Аврора, Ази номхон далайн эдийн засаг, нийгмийн комисс (UNESCAP)-ийн Мэдээлэл, холбооны хэлтсийн дарга Окуда, Азийн хөгжлийн банк, БНСУ, БНЭУ, БНХАУ, Япон, Тайланд, Киргиз зэрэг улсын төлөөлөгчид Зохицуулах байгууллагын албаны хүмүүстэй уулзаж, мэдээлэл болон бүс нутгийн хөгжлийн асуудлаар саналаа солилцон хоёр талын хамтын ажиллагааг эрчимжүүлэх талаар уулзав.

АНДЦХБ-ын (APT) Ерөнхий нарийн бичгийн дарга хатагтай Ареван, Хөгжил төслийн газрын захирал Док.Парк нартай уулзаж, хоёр улсын болон байгууллагын хамтын ажиллагааг өргөжүүлэх,   АНДЦХБ-д ХХМТГ-аас тавьсан “Интернет хувилбар-6-д шилжих” IPv6 төслийн хүсэлтийг хэрэгжүүлэх, сургалт зохион байгуулах талаар санал солилцов. Мөн уг төслийг хэрэгжүүлэхэд дэмжлэг үзүүлэх, хамтран ажиллах боломжийн талаар АНДМСТ-ийн (APNIC) Ази, номхон далайн бүсийн хөгжлийн захирал Данкантай уулзлаа.

Улс орны хөгжлийн болон салбарын хөгжлийн бодлого боловсруулахад Засгийн газар, бодлого боловсруулагч, зохицуулах байгууллагын үүргийг тодорхой болгох, бодлого боловсруулахад бүх оролцогч талын оролцоог тэгш хангах, МХХТ-ийн улс орны нийгэм, эдийн засаг, хүний хөгжил, боловсрол, эрүүл мэндийн салбарт үзүүлэх нөлөөлөл, эерэг үр дүнг дээшлүүлэхэд ашиглах, харилцан мэдээлэл солилцох тогтолцоог хэрхэн бүрдүүлэх талаар хэлэлцэж, цаашид хамтран ажиллахаар тогтов.  Түүнчлэн мэдээлэл, харилцаа холбооны хөгжлийн чиг хандлагууд, инноваци болон хамтын ажиллагаанд суурилсан зохицуулалтыг хэрэгжүүлэх, тогтвортой хөгжлийг дэмжих хэрэгсэл болгох, босоо тогтолцоо бүхий бодлого, зохицуулалтын арга ашиглах, төр болон хувийн хэвшлийн түншлэлийг нэмэгдүүлэх, ядуурлыг бууруулах, төрийн үйлчилгээг иргэдэд цахим хэлбэрээр хүргэх, шийдвэр гаргахад бүх талын оролцоог хангахад МХХТ-ийн ололтыг өргөн ашиглах, бодлого зохицуулалтын шинэ орчинд нөлөөлөх асуудлууд мөн эко тоон тогтолцоог бүрдүүлэх асуудлаар гишүүн улс, орнууд хамтран ажиллахыг зөвлөмж болголоо.

Э.Дөлгөөн
ШИНЭЧЛЭГДСЭН: 2017/05/12
Мэдээ мэдээлэл
Гар зураг, эссе бичлэг, захидлын уралдааны дүн гарлаа
Гар зураг, эссе бичлэг, захидлын уралдааны дүн гарлаа
05.26
БНСУ-ын Мэдээлэл, харилцаа холбооны технологийг дэлгэрүүлэх институцийн ерөнхийлөгч Доктор Санг-Хонг Ли тэргүүтэй төлөөлөгчдийг хүлээн авч уулзлаа
БНСУ-ын Мэдээлэл, харилцаа холбооны технологийг дэлгэрүүлэх институцийн (Institute of information and technology promotion-IITP) Ерөнхийлөгч Доктор Санг-Хонг Ли тэргүүтэй төлөөлөгчдийг 2017оны 05 дугаар сарын 15-ны өдөр Хорооны дарга С.Адъяасүрэн хүлээн авч уулзлаа.
05.24
Шуудангийн нэгдсэн код "Бүсчлэлийн код"
Монгол Улсын нутаг дэвсгэрийн бүсчлэлийн хуваарийн дагуу засаг захиргааны нэгжийн болон хот суурингийн хэсэг (бүс)-ийн байршлын тухай мэдээллийг агуулж, тэдгээрийг хөгжүүлэх төлөвлөгөөтэй уялдуулан зохицуулалт хийх боломж бүхий нөөцтэй 5 оронтой цифрээр илэрхийлэгдсэн Монгол Улсын шуудангийн нэгдсэн кодыг; гэж заасан байдаг
05.23
Радио давтамжийн зохицуулалтын тухай
Харилцаа холбооны зохицуулах хорооны 2015 оны 12 дугаар сарын 25-ны өдрийн 68 тоот тогтоолоор батлагдсан “Монгол улсад дараа үеийн хөдөлгөөнт холбооны системийг нэвтрүүлэхэд баримтлах зохицуулалт” баримт бичгийн хүрээнд 2017 онд 9 болон 10-р тогтоолыг тус тус батлалаа.
05.23
Улаанбаатар хотын Багануур дүүрэг, Говьсүмбэр аймгийн төв, Төв аймгийн Эрдэнэ, Хэнтий аймгийн Хэрлэн, Цэнхэрмандал, Жаргалтхаан, Өлзийт, Мөрөн, Баянмөнх, Дархан сумууд болон Бор-өндөр тосгонд хэмжилт шалгалтын ажлын тайлан
Улаанбаатар хотын Багануур дүүрэг, Говьсүмбэр аймгийн төв, Төв аймгийн Эрдэнэ, Хэнтий аймгийн Хэрлэн, Цэнхэрмандал, Жаргалтхаан, Өлзийт, Мөрөн, Баянмөнх, Дархан сумууд болон Бор-өндөр тосгонд хэмжилт шалгалтын ажлын тайлан
05.22
Сүлжээний улсын VII олимпиад, сүлжээний инженерийн улсын III олимпиад амжилттай зохион байгуулагдлаа
2015 оноос сүлжээний инженерүүдийн дунд зохион байгуулагдаж эхэлсэн “Сүлжээний инженерийн Улсын III Тэмцээн”-ийг 2017оны 4-р сарын 29-нөөс 5-р сарын 6-ны өдрүүдэд 2 үе шаттайгаар зохион байгууллаа
05.22
Тайландын Вант Улсын үндэсний радио телевиз, харилцаа холбооны хороотой хамтран ажиллах санамж бичигт гарын үсэг зурлаа
Харилцаа холбоо, мэдээллийн технологи нь өнөөгийн дэлхий дахины хөгжлийн чиг хандлагыг тодорхойлогч хүчин зүйл, улс орнуудын нийгэм, эдийн засгийн хөгжлийн хурдасгуур, хүний хөгжил, эрх, эрх чөлөөг хангах, баталгаажуулах хэрэгсэл болж байна.
05.19
ОУЦХБ-ын “Ази номхон далайн давтамж менежментийн гуравдугаар чуулган, Утасгүй холбооны бүсийн сургалт”-д оролцлоо
Олон улсын цахилгаан холбооны байгууллага нь (ОУЦХБ) Ази номхон далайн бүсийн 3 дахь удаагийн чуулганыг 2017 оны 05 дугаар сарын 01-05-ны хооронд Тайланд улсын Бангкок хотноо зохион байгууллаа.
05.19
Улаанбаатар хотын үүрэн холбооны сүлжээний чанарын хэмжилт /2017 оны 3 сар/
Улаанбаатар хотын үүрэн холбооны сүлжээний чанарын хэмжилт /2017 оны 3 сар/
05.12
Монгол Улсын Ерөнхийлөгчийн 2017 оны Сонгуулийн сурталчилгаа нэвтрүүлэх мэдэгдэл хүргүүлэх эрх бүхий радио, телевизийн үйлчилгээ эрхлэгчдийн жагсаалт
Сонгуулийн сурталчилгаа нэвтрүүлэх мэдэгдэл хүргүүлэх эрх бүхий радио, телевизийн үйлчилгээ эрхлэгчдийн жагсаалт
05.09