Телевиз, радиогийн үйлчилгээ эрхлэгчдэд
ХХЗХ

Та бүхэн Харилцаа холбооны зохицуулах хорооны цахим хуудсанд зочлон радио, телевизээр сонгуулийн сурталчилгаа нэвтрүүлэх, хяналт тавих талаар тодорхой мэдээлэл авахаар “Монгол Улсын Ерөнхийлөгчийн сонгууль- 2017“ цонхонд нэвтэрч байгаад талархаж байна.

Харилцаа холбооны зохицуулах хороо нь Сонгуулийн тухай хуулийн 82 дугаар зүйлийн 82.18-д заасан чиг үүргийн дагуу Улаанбаатар хот болон орон нутагт үйл ажиллагаа явуулж байгаа радио, телевизээр нэвтрүүлэх сонгуулийн сурталчилгаанд хяналт тавих ажлыг зохион байгуулах бэлтгэл ажлыг хангаад байна.

Радио, телевиз нь Монгол Улсын 2017 оны Ерөнхийлөгчийн сонгуулийн сурталчилгаа нэвтрүүлэхдээ Сонгуулийн тухай хууль, Сонгуулийн ерөнхий хороо болон Харилцаа холбооны зохицуулах хорооны 2016 оны 29/17 дугаар хамтарсан тогтоолоор баталсан “Радио, телевизээр сонгуулийн сурталчилгаа нэвтрүүлэх, хяналт тавих журам”–д заасан зарчмыг баримтлана.

Радио, телевиз нь сонгуулийн сурталчилгаа нэвтрүүлэх бол Сонгуулийн тухай хуулийн 82 дугаар зүйлийн 82.8, 82.9-т заасны дагуу сурталчилгаа нэвтрүүлэх тухай мэдэгдлийг хүргүүлэх, сурталчилгаа нэвтрүүлэхээс өмнө тус хуудсанд байршуулсан дараах мэдээлэл, зөвлөмжтэй танилцана уу . 

  1. Сонгуулийн сурталчилгаа нэвтрүүлэх тухай мэдэгдэл хүргүүлэх радио, телевизийн жагсаалттай танилцах;
  •  Харилцаа холбооны зохицуулах хороо нь Сонгуулийн тухай хууль, “Радио, телевизээр сонгуулийн сурталчилгаа нэвтрүүлэх, хяналт тавих журам”-д заасан чиг үүргийн хүрээнд тусгай зөвшөөрөлтэй радио, телевизийн үйлчилгээ эрхлэгчдийн жагсаалтыг Сонгуулийн тухай хуулийн 82.12 –т заасны дагуу зөвхөн үндсэн сувгаар гаргаж Сонгуулийн ерөнхий хороонд хүргүүлсэн бөгөөд цахим хуудсандаа байршуулсан болно.
  • “Монгол Улсын Ерөнхийлөгчийн сонгуулийн сурталчилгаа нэвтрүүлэх радио, телевизийн үйлчилгээ эрхлэгчдэд зориулсан зөвлөмж”
  • Монгол Улсын Ерөнхийлөгчийн 2017 оны ээлжит сонгуулийн сурталчилгааг радио, телевизээр нэвтрүүлэх, хяналт тавих ажлыг зохион байгуулж явуулах цаг хугацааны хуваарь

Сонгуулийн сурталчилгаа нэвтрүүлэх мэдэгдэл хүргүүлэхдээ “Радио, телевизээр сонгуулийн сурталчилгаа нэвтрүүлэх тухай мэдэгдлийн маягт”-ыг татаж 2 хувь бөглөн эх хувиар, хавсралт баримт мэдээллийг тус бүр 2 хувь бэлтгэж,  хуульд заасан хугацаанд /хугацааны хуваарьтай танилцана уу/ багтааж, харъяалагдах сонгуулийн хороонд хүргүүлнэ үү.

Та бүхэн тус хуудсанд байнга зочилж, радио, телевизээр сонгуулийн сурталчилгаа нэвтрүүлэх, хяналт тавих үйл ажиллагаатай холбоотой мэдээ, мэдээлэлтэй тогтмол танилцаж ажиллана уу.

Монгол Улсын Ерөнхийлөгчийн 2017 оны сонгуулийн сурталчилгаа нэвтрүүлэх радио, телевизүүдийн талаарх мэдээлэл

  1. Телевиз, радиогийн үйлчилгээний тусгай зөвшөөрөл эзэмшигчдийн мэдээллийг 2017 оны 5-р сарын 01-ны байдлаар гаргахад:

Үйлчилгээний төрөл

Үйлчилгээ эрхлэх газар

Улаанбаатар хот

Орон нутагт

1

Өргөн нэвтрүүлгийн телевизийн үйлчилгээ эрхлэгч

18 /МҮОНТ орсон/

72

2

Радио өргөн нэвтрүүлгийн үйлчилгээ эрхлэгч

33

44

3

Хөтөлбөрийн хувьд төрөлжсөн сувгийн үйлчилгээ эрхлэгч

66

13

 

Харилцаа холбооны зохицуулах хороо нь Сонгуулийн тухай хууль, “Радио, телевизээр сонгуулийн сурталчилгаа нэвтрүүлэх, хяналт тавих журам”-д заасан чиг үүргийн хүрээнд тусгай зөвшөөрөлтэй радио, телевизийн үйлчилгээ эрхлэгчдийн жагсаалтыг Сонгуулийн тухай хуулийн 82.12 –т заасны дагуу зөвхөн үндсэн сувгаар гаргаж Сонгуулийн ерөнхий хороонд хүргүүлсэн бөгөөд цахим хуудсандаа байршуулсан болно.

  1. Монгол Улсын Ерөнхийлөгчийн 2017 оны Сонгуулийн сурталчилгаа нэвтрүүлэх мэдэгдэл хүргүүлэх эрх бүхий радио, телевизийн  үйлчилгээ эрхлэгчид:

Үйлчилгээний төрөл

Үйлчилгээ эрхлэх газар

Улаанбаатар хот

Орон нутагт

1

Өргөн нэвтрүүлгийн телевизийн үйлчилгээ эрхлэгч

17 /МҮОНТ орсон/

70

2

Радио өргөн нэвтрүүлгийн үйлчилгээ эрхлэгч

29

44

3

 

Хөтөлбөрийн хувьд төрөлжсөн сувгийн үйлчилгээ эрхлэгч

38 (эдгээрээс үйл ажиллагаа эхлээгүй- 8, тусгай зөвшөөрлийг түдгэлзүүлсэн -2)

10

Тайлбар: Сонгуулийн тухай хуулийн 82.12 –т заасны дагуу нэгээс илүү сувагтай радио, телевизийн зөвхөн үндсэн сувгийг оруулав.

  1. Сонгуулийн сурталчилгаа нэвтрүүлэх эрх бүхий радио, телевизийн үйлчилгээ эрхлэгчдийн жагсаалтыг 2017 оны 06-р сарын 02-ны өдөр Харилцаа холбооны зохицуулах хорооноос нийтэд мэдээлнэ.
  • Сонгуулийн тухай хуулийн 82.10-т заасны дагуу Сонгуулийн сурталчилгаа нэвтрүүлэх мэдэгдлийг бусад баримт мэдээллийн хамт Сонгуулийн хороодод хүргүүлсэн телевиз, радио сонгуулийн сурталчилгаа нэвтрүүлэх эрхтэй байна.
С.Дашбалбар
ШИНЭЧЛЭГДСЭН: 2017/05/18
Бусад мэдээлэл
Мэдээ мэдээлэл
“ХАРИЛЦАА ХОЛБООНЫ САЛБАРЫН СТАНДАРТЧИЛАЛ, БАТАЛГААЖУУЛАЛТ-2017” семинар
Монгол Улсад холбооны дээд боловсролтой мэргэжилтэн бэлтгэж эхэлсний 50 жил, холбооны техникийн ажилчин бэлтгэж эхэлсний 80 жилийн ойн баярыг 2017 онд тэмдэглэж байгаа бөгөөд энэхүү ойг арга хэмжээг тохиолдуулан “Харилцаа холбооны салбарын стандартчилал, баталгаажуулалт-2017” сэдэвт семинарыг Харилцаа холбооны зохицуулах хорооноос ШУТИС-ийн Мэдээлэл, холбооны технологийн сургуультай хамтран 2017 оны 9 дүгээр сарын 20-ны өдөр зохион байгуулж байна.
09.19
Жилийн тайлан 2016
Жилийн тайлан 2016
09.11
Харилцаа холбооны зохицуулах хороонд 2017 оны эхний хагас жилийн статистик тайлан мэдээ ирүүлээгүй тусгай зөвшөөрөл эзэмшигчдийн жагсаалт
Харилцаа холбооны зохицуулах хорооноос тусгай зөвшөөрөл авснаас хойш нэг жилийн дараа үйлчилгээ эрхлэгчид үйл ажиллагаа явуулж байгаа чиглэлийн дагуу тус хороо болон Статистикийн ерөнхий газартай хамтран баталсан маягтын дагуу тухайн жилийн статистик тайланг мэдээг дараа оны 2 дугаар сарын 20-ны дотор, хагас жилийн тайлангаа тухайн оны 08 дугаар сарын 15-ны дотор тогтмол хугацаанд ирүүлэх үүрэгтэй байдаг. Мэдээлэл харилцаа холбооны салбарын 2017 оны эхний хагас жилийн статистик тайлан мэдээ ирүүлээгүй доорх нэр бүхий үйлчилгээ эрхлэгчид 2017 оны 09 сарын 15-ны дотор тус хорооны ЗЗҮТҮСГ-т статистик тайлан мэдээгээ ирүүлнэ үү.
09.08
"ICT EXPO 2017" Төсөөллөө бүтээцгээе.
"ICT EXPO 2017" Төсөөллөө бүтээцгээе.
09.08
Харилцаа холбооны зохицуулах хорооны 2017 оны ээлжит 8 дугаар хуралдааны мэдээлэл
Монгол Улсын Харилцаа холбооны зохицуулах хорооны 2017 оны ээлжит 8 дугаар хуралдааныг 2017 оны 8 дугаар сарын 30-ны өдөр зохион байгуулав. Тус хуралдаанаар нийт 5 асуудлын хэлэлцэн холбогдох асуудлаар 3 тогтоолыг батлав.
09.06
Улаанбаатар хотын хэт богино долгионы радио өргөн нэвтрүүлгийн үйлчилгээ эрхлэгчдэд 2017 оны 08-р сарын 01-31-ний өдрийн хооронд хийсэн суурин хяналтын товч мэдээ
Харилцаа холбооны зохицуулах хорооны Радио долгион хяналтын төвөөс радио давтамжийн суурин хяналтыг тогтмол хийж байна. Улаанбаатар хотод хэт богино долгионы радио өргөн нэвтрүүлгийн үйл ажиллагаа эрхлэх тусгай зөвшөөрөлтэй 31 аж ахуйн нэгжид 2017 оны 08 дугаар сарын 01-ний өдрөөс 08 дугаар сарын 31-ний өдрийн хооронд суурин хяналт хийснээс 6 радиогийн үйлчилгээ эрхлэгчийн давтамжийн хазайлтын утга стандарт хэмжээнээс хэтэрсэн, 2 радиогийн үйлчилгээ эрхлэгч үйл ажиллагаа явуулаагүй, 23 радиогийн үйлчилгээ эрхлэгчийн үйл ажиллагаа хэвийн ажиллаж байна.
09.05
Харилцаа холбооны зохицуулах хорооны урилгаар Олон улсын цахилгаан холбооны байгууллагын хөгжлийн газрын (ITU-D) дарга ноён БРАХИМА САНОУ, Ази-номхон далайн бүсийн орнуудын захирал ноён ИОАНЕ КОРОЙВУКИ нар Монгол улсад айлчиллаа
Олон улсын цахилгаан холбооны байгууллагын Хөгжлийн газрын (the ITU Telecommunication Development Sector (ITU-D) дарга ноён Брахима Саноу болон тус байгууллагын Ази, Номхон далайн бүсийн (The Regional Office for Asia and the Pacific) захирал ноён Иоане Коройвуки нар Харилцаа холбооны зохицуулах хорооны урилгаар Монгол Улсад 2017 оны 8-р сарын 24-25-ны өдрүүдэд албан ёсны айлчлал хийлээ.
09.05
ФМ радиогийн мониторингийн 2017 оны 5,6,7 дугаар сарын тайлан
ФМ радиогийн мониторингийн 2017 оны 5,6,7 дугаар сарын тайлан
09.01
ФМ радиогийн мониторингийн 2017 оны 3,4 дүгээр сарын тайлан
ФМ радиогийн мониторингийн 2017 оны 3,4 дүгээр сарын тайлан
09.01
ФМ радиогийн мониторингийн 2017 оны 1, 2 дугаар сарын тайлан
ФМ радиогийн мониторингийн 2017 оны 1, 2 дугаар сарын тайлан
09.01