Харилцаа холбооны зохицуулах хорооны 2017 оны ээлжит 2 дугаар хуралдааны мэдээлэл
ХХЗХ

Монгол Улсын Харилцаа холбооны зохицуулах хорооны 2017 оны ээлжит 2 дугаар хуралдаан 2017 оны 2 дугаар сарын 24-ний өдөр болов.  Уг хорооны хуралдаанаар тусгай зөвшөөрлийн тухай; ажлын хэсгийн дүгнэлтийн тухай; “Радио давтамжийн ашиглалт, үйлчилгээний төлбөрийн хэмжээ”-г шинэчлэн батлах тухай; Харилцаа холбооны зохицуулах хороонд 2016 онд ирүүлсэн өргөдөл, гомдол, санал хүсэлтийн шийдвэрлэлтийн талаар  танилцуулга; ХХЗХ-ны 2016 оны санхүүгийн үйл ажиллагааны аудитын үр дүнгийн талаар танилцуулга зэрэг нийтдээ 5 асуудлыг хэлэлцэж, хорооны хуралдааны 3 тогтоол, 3 тэмдэглэлийг тус тус батлан шийдвэрлэсэн.  

Тус хорооны газар, хэлтсийн боловсруулсан санал, дүгнэлтийг хуралдаанаар авч хэлэлцээд, Аж ахуйн үйл ажиллагааны тусгай зөвшөөрлийн тухай хуулийн 10 дугаар зүйлийн 10.1.1, 10.1.4, 10.1.5       дэх заалт, 14 дүгээр зүйлийн 14.1.1 дэх заалт, Харилцаа холбооны тухай хуулийн 9 дүгээр зүйлийн 9.1.2 дах заалт, Харилцаа холбооны салбарт үйл ажиллагаа эрхлэх зөвшөөрлийн журмын 10.2 дах хэсэг, 10.3.3 дах заалтыг тус тус үндэслэн “Тусгай зөвшөөрөл олгох, өөрчлөлт оруулах, хүчингүй болгох тухай”  2017 оны 2 дугаар сарын 24-ний өдрийн 06 тоот тогтоолыг батлав. Үүнд:

  • Тогтоолын нэгдүгээр хавсралтад заасан 14 хуулийн этгээдэд тусгай зөвшөөрөл шинээр олгох;
  • Тогтоолын хоёрдугаар хавсралтад заасан 2 хуулийн этгээдийн тусгай зөвшөөрөлд өөрчлөлт оруулах;
  • Тогтоолын гуравдугаар заалтаар 1 хуулийн этгээдийн тусгай зөвшөөрлийг хүчингүй болгох зэрэг болно.

ХХЗХ-ны Даргын 2016 оны А/243 тоот тушаалаар байгуулагдсан ажлын хэсэг нь Монгол Улсын нутаг дэвсгэрт мэдээлэл, холбооны сүлжээ, дэд бүтэц байгуулах, эзэмших, ашиглах тусгай зөвшөөрөл бүхий мэдээлэл, холбооны сүлжээний үйлчилгээ эрхлэгчдийн үйл ажиллагаанд “Төрийн хяналт шалгалтын тухай”, “Харилцаа холбооны тухай”, “Радио долгионы тухай” хууль, тогтоомж бодлого, зохицуулалтын талаарх тогтоол шийдвэр, тусгай зөвшөөрлийн гэрээгээр хүлээсэн үүрэг, хариуцлага болон нөхцөл шаардлагын хэрэгжилт, тоног төхөөрөмжийн ашиглалт, үйлчилгээ, аюулгүй ажиллагааны байдалд хяналт шалгалт хийж, үнэлэлт, дүгнэлт өгөх, илэрсэн зөрчил дутагдлыг арилгуулах, гарч болох эрсдэлээс урьдчилан сэргийлэх мэргэжил арга зүйн зөвлөгөө өгөх, цаашид авч хэрэгжүүлэх арга хэмжээний санал боловсруулж, дүгнэлт гаргах, тус хорооны мэдээлэл холбооны сүлжээний ашиглалтын байдалд хийгдсэн судалгаанд нэмэлт мэдээлэл авах, тодруулах, шинэчлэх зорилгоор хяналт шалгалтыг хийж гүйцэтгэсэн байна.  Тус ажлын хэсгээс шалгалтын үр дүн, санал дүгнэлт, холбогдох тогтоолын төслийг хорооны 2017 оны 2 дугаар сарын 24-ний өдрийн ээлжит 2 дугаар хуралдаанд танилцуулав. Хуралдаанаар ажлын хэсгийн оруулсан санал, дүгнэлт болон шийдвэрийн төслийг тус тус авч хэлэлцэж, Аж ахуйн үйл ажиллагааны тусгай зөвшөөрлийн тухай хуулийн 10 дугаар зүйлийн 10.1.5 дах заалт, Харилцаа холбооны тухай хуулийн 9 дүгээр зүйлийн 9.1.2 дах заалт, 15 дугаар зүйлийн 15.1.3 дах заалтыг тус тус үндэслэн 2017 оны 2 дугаар сарын 24-ний өдрийн 07 тоот тогтооолыг баталсан болно. Уг тогтоолд, тусгай зөвшөөрөл авсан өдрөөс хойш 1 жилийн хугацаанд тусгай зөвшөөрөлд заасан үйл ажиллагаа явуулж эхлээгүй нь тус хорооноос хийсэн хяналт, шалгалтаар тогтоогдсон тул Мобиком нэтворкс ХХК-ийн 037/A/ICN 03-нэмэлт тоот “Улс хоорондын транзит урсгал дамжуулах үйлчилгээ эрхлэх” тусгай зөвшөөрлийг, Мэдээлэл холбооны сүлжээ ХХК-ийн 403/A/ICN01 тоот “Улс хоорондын транзит суваг шугам түрээслүүлэх үйлчилгээ эрхлэх” тусгай зөвшөөрлийг тус тус хүчингүй болгохоор шийдвэрлэсэн. Хуралдааны тэмдэглэлээр А болон Б ангиллын тусгай зөвшөөрлийн талаар авах арга хэмжээний тухай зарим чиглэл, үүрэг даалгаврыг Хорооны дарга-д өглөө.

Харилцаа холбооны зохицуулах хороо нь "Радио долгионы тухай" хуулийн 5 дугаар зүйлийн 5.2.3 дахь заалтаар олгогдсон бүрэн эрхийн дагуу Дэд бүтцийн сайдын 2003 оны 216 тоот тушаалаар батлагдсан "Радио давтамжийн ашиглалт, үйлчилгээний төлбөрийн хэмжээ тогтоох журам"-ыг тус тус үндэслэн радио давтамж ашиглалт, үйлчилгээний төлбөрийн хэмжээг тогтоодог. Анх харилцаа холбооны зохицуулах хорооны 2003 оны 36 дугаар тогтоолоор батлагдсан “Радио давтамжийн ашиглалт, үйлчилгээний төлбөрийн хэмжээ”-нд нийт 9 удаагийн хорооны тогтоолоор нэмэлт, өөрчлөлт оруулан мөрдөж ирсэн болно. Тус хорооны хуралдаанаар “Радио давтамжийн ашиглалт, үйлчилгээний төлбөрийн хэмжээ”-г шинэчлэн батлуулах тухай танилцуулга, тогтоолын төсөл, хавсралт баримт бичгийн төслийг тус тус авч хэлэлцсэн. Радио долгионы тухай хуулийн 5 дугаар зүйлийн 5.2.3 дах заалт, Дэд бүтцийн сайдын 2003 оны 216 дугаар тушаалаар баталсан “Радио давтамжийн ашиглалт, үйлчилгээний төлбөрийн хэмжээ тогтоох журам”, Монгол Улсын Засгийн газрын 2016 оны 268 дугаар тогтоолоор шинэчлэн батлагдсан “Харилцаа холбооны  зохицуулах хорооны дүрэм”-ийн 2.1.4 дэх заалтыг тус тус үндэслэн 2017 оны 08 тоот тогтоолын хавсралтаар “Радио давтамжийн ашиглалт, үйлчилгээний төлбөрийн хэмжээ”-г шинэчлэн тогтоож баталсан. Энэхүү тогтоол батлагдсантай холбогдуулан Харилцаа холбооны зохицуулах хорооны 2003 оны 36 дугаар тогтоолыг хүчингүй болгов. Төрөл, ангиллын төлбөрийн хэмжээг радио зурвасын ашиглалтын төлбөр, радио нэвтрүүлэгчийн хүчин чадал/хамрах хүрээний төлбөр, төрөл ангиллын төлбөр гэж тогтоож, тоон технологийн онцлогтой уялдуулсан болно.

(Хуралдааны баталсан тогтоолын жагсаалт, холбогдох хавсралтыг үзнэ үү)

Д.Дамдинцогт
ШИНЭЧЛЭГДСЭН: 2017/03/06
Мэдээ мэдээлэл
“ХАРИЛЦАА ХОЛБООНЫ САЛБАРЫН СТАНДАРТЧИЛАЛ, БАТАЛГААЖУУЛАЛТ-2017”
“Харилцаа холбооны салбарын стандартчилал, баталгаажуулалт-2017” сэдэвт семинарыг 2017 оны 9 дүгээр сарын 20-ны өдөр зохион байгуулав.
09.22
Харилцаа холбооны зохицуулалтын талаарх сургалтад оролцлоо
Америкийн Нэгдсэн Улсын Цахилгаан холбооны Институт (USTTI)-иас Америкийн Нэгдсэн Улсын Харилцаа холбооны зохицуулах байгууллага (FCC), GSM ассосаци, Майкрософт компанитай хамтран харилцаа холбооны зохицуулалтын чиг хандлагын асуудлыг хөндсөн сургалтыг 2017.07.21-нээс 2017.08.04-ний хооронд АНУ-ын Вашингтон хотноо зохион байгууллаа.
09.22
“Ази, Номхон Далайн бүсийн орнуудын Зохицуулагчдын дугуй ширээний уулзалт”-д оролцлоо.
Олон улсын цахилгаан холбооны байгууллага (ОУЦХБ), Бүгд Найрамдах Энэтхэг Улсын (БНЭУ)-ын Цахилгаан холбооны зохицуулах байгууллага (Telecom Regulatory Authority of India-TRAI) хамтран Австрали Улсын Засгийн газрын дэмжлэгтэйгээр БНЭУ-ын Шинэ Дэли хотноо 2017 оны 08 дугаар сарын 21-25-ны өдрүүдэд “Ази, Номхон Далайн бүсийн орнуудын Зохицуулагчдын дугуй ширээний уулзалт” болон “Олон улсын зохицуулагчдын сургалт”-уудыг тус тус амжилттай зохион байгууллаа.
09.22
“ХАРИЛЦАА ХОЛБООНЫ САЛБАРЫН СТАНДАРТЧИЛАЛ, БАТАЛГААЖУУЛАЛТ-2017” семинар
Монгол Улсад холбооны дээд боловсролтой мэргэжилтэн бэлтгэж эхэлсний 50 жил, холбооны техникийн ажилчин бэлтгэж эхэлсний 80 жилийн ойн баярыг 2017 онд тэмдэглэж байгаа бөгөөд энэхүү ойг арга хэмжээг тохиолдуулан “Харилцаа холбооны салбарын стандартчилал, баталгаажуулалт-2017” сэдэвт семинарыг Харилцаа холбооны зохицуулах хорооноос ШУТИС-ийн Мэдээлэл, холбооны технологийн сургуультай хамтран 2017 оны 9 дүгээр сарын 20-ны өдөр зохион байгуулж байна.
09.19
Жилийн тайлан 2016
Жилийн тайлан 2016
09.11
Харилцаа холбооны зохицуулах хороонд 2017 оны эхний хагас жилийн статистик тайлан мэдээ ирүүлээгүй тусгай зөвшөөрөл эзэмшигчдийн жагсаалт
Харилцаа холбооны зохицуулах хорооноос тусгай зөвшөөрөл авснаас хойш нэг жилийн дараа үйлчилгээ эрхлэгчид үйл ажиллагаа явуулж байгаа чиглэлийн дагуу тус хороо болон Статистикийн ерөнхий газартай хамтран баталсан маягтын дагуу тухайн жилийн статистик тайланг мэдээг дараа оны 2 дугаар сарын 20-ны дотор, хагас жилийн тайлангаа тухайн оны 08 дугаар сарын 15-ны дотор тогтмол хугацаанд ирүүлэх үүрэгтэй байдаг. Мэдээлэл харилцаа холбооны салбарын 2017 оны эхний хагас жилийн статистик тайлан мэдээ ирүүлээгүй доорх нэр бүхий үйлчилгээ эрхлэгчид 2017 оны 09 сарын 15-ны дотор тус хорооны ЗЗҮТҮСГ-т статистик тайлан мэдээгээ ирүүлнэ үү.
09.08
"ICT EXPO 2017" Төсөөллөө бүтээцгээе.
"ICT EXPO 2017" Төсөөллөө бүтээцгээе.
09.08
Харилцаа холбооны зохицуулах хорооны 2017 оны ээлжит 8 дугаар хуралдааны мэдээлэл
Монгол Улсын Харилцаа холбооны зохицуулах хорооны 2017 оны ээлжит 8 дугаар хуралдааныг 2017 оны 8 дугаар сарын 30-ны өдөр зохион байгуулав. Тус хуралдаанаар нийт 5 асуудлын хэлэлцэн холбогдох асуудлаар 3 тогтоолыг батлав.
09.06
Улаанбаатар хотын хэт богино долгионы радио өргөн нэвтрүүлгийн үйлчилгээ эрхлэгчдэд 2017 оны 08-р сарын 01-31-ний өдрийн хооронд хийсэн суурин хяналтын товч мэдээ
Харилцаа холбооны зохицуулах хорооны Радио долгион хяналтын төвөөс радио давтамжийн суурин хяналтыг тогтмол хийж байна. Улаанбаатар хотод хэт богино долгионы радио өргөн нэвтрүүлгийн үйл ажиллагаа эрхлэх тусгай зөвшөөрөлтэй 31 аж ахуйн нэгжид 2017 оны 08 дугаар сарын 01-ний өдрөөс 08 дугаар сарын 31-ний өдрийн хооронд суурин хяналт хийснээс 6 радиогийн үйлчилгээ эрхлэгчийн давтамжийн хазайлтын утга стандарт хэмжээнээс хэтэрсэн, 2 радиогийн үйлчилгээ эрхлэгч үйл ажиллагаа явуулаагүй, 23 радиогийн үйлчилгээ эрхлэгчийн үйл ажиллагаа хэвийн ажиллаж байна.
09.05
Харилцаа холбооны зохицуулах хорооны урилгаар Олон улсын цахилгаан холбооны байгууллагын хөгжлийн газрын (ITU-D) дарга ноён БРАХИМА САНОУ, Ази-номхон далайн бүсийн орнуудын захирал ноён ИОАНЕ КОРОЙВУКИ нар Монгол улсад айлчиллаа
Олон улсын цахилгаан холбооны байгууллагын Хөгжлийн газрын (the ITU Telecommunication Development Sector (ITU-D) дарга ноён Брахима Саноу болон тус байгууллагын Ази, Номхон далайн бүсийн (The Regional Office for Asia and the Pacific) захирал ноён Иоане Коройвуки нар Харилцаа холбооны зохицуулах хорооны урилгаар Монгол Улсад 2017 оны 8-р сарын 24-25-ны өдрүүдэд албан ёсны айлчлал хийлээ.
09.05